Lesson 8 | November 13–19

 

Lesson 8                       November 13–19

NUNTAKNA TEEL UN

 

 

Sabbath Nitak

 

Tu kaal sung sim ding: Pian. 2:8, 9; Rom. 6:23; 1 John 5:12; Thkna. 30:1–20; Rom. 10:6–10; Thkna. 4:19; Mang.14:6–12.

 

KAMNGAH: Tuni-in note’ langkhatah teci a pang dingin vantung le leitung ka sam a, note’ mai-ah na teel dingun nuntakna le sihna, thupha le samsiatna ka koih hi. Tua ahih ciangin note le na suanlekhakte uh na hintheih nadingun nuntakna teel un” (Thuhilhkikna 30:19).

        Kum 22 a pha pan nungak khat in natna gil mahmah – khuak sabawk hangin gim mahmah hi. Hih bang thute in thu hoih hi lo hi. Leitung pilna, van leh nate in khang mahmah taleh nuntakna a huu thei bangmah a om kei hi. Ahi zongin hih nungak Sandy in si nuam nai lo hi. Tua hi-in amah in geelna khat nei hi. A sih khit ciangin a lutang pen a vot mahmahna mun khatah koih a, nitrogen ngahsak ding, tua hileh a khuak sung cell hingkik dingin lamen hi. Tua bangin leitung pilna hong khang semsemin cell site hingkiksakin kum 100, kum 1000 sungin computer tawh kizomto-in a tawntungin nungta dingin kilamen hi. Hi mah hi, Sandy in tawntungin nungta thei mah hi. Ahi zongin a lametna a koihna mun manlo hi.

        Sandy mah bangin mi tampi in nungta nuam hi. Leitung nate tungah lametna i koihleh tawntung nunna tawh a kigamla ihi ding hi.

        Tu kaal sung i kikup ding thu in Thuhilhkikna sung nuntakna teel ding thupiakna, Pasian, nunna a Piapa, nunna a Kempa in i nun nadingin tawntung nunna hong pia hi.

 

 

 

SUNDAY                                              November 14

Nuntakna Singkung

 

 

        Leitungah i pianna in thu i nget hi lo hi. Koi mun, bang hunin suak ding a kipan leitungah i nuntak ding eite teel hi lo hi. I nu i pate zong i teel hi lo hi.

        Tua bang mahin Adam leh Eve in zong amau teelna tawh a piang uh hi lo hi. Pasian in singteh khat a piansak mah bangin mihing a piansakna-ah zong mihing khensatna tawh hong piangsak hi lo hi. Piansak na dangdangte leh amoeba bang lo-in mihing in leitungah hinna nei khat hi bek lo hi; Pasian limsuunin a hong kipiangsak hi-in thu ngaihsut theihna nei hi.

        Ahi zongin Pasian limsuunin a hong kibawlna-ah eite teel hi lo hi. Pasian hong piak in nuntak theihna hi-in, Ama sungah tawntung nunna nei dingin i teel thei hi. Bang hang hiam cihleh Jesuh leh singlamteh tunga Ama sihna hangin tawntung nunna a nei ihi hi.

        Piam. 2:8, 9, 15–17; 3:22, 23 sim in. Pasian in Adam tungah nunna tawh kisai, bang deihtel theihna nihte kipia hiam?

__________________________________________________________________

__________________________________________________________________

        “Eden huan hoih sungah nunna singkung om a, a gahte in nuntak tawntungna a pia thei hi. Adam in Pasian tungah citak denden hileh nunna singkung gah ne-in a nungta suak tawntung thei hi.Ahi zongin mawh ahih manin nuntakna singkung  kiang a pai ding kiphal nawn lo hi; amah in sihna sung tungta hi. Pasian thukhenna in: “ Leivui tawh hong kibawl ahih manin leivui na suakkik ding hi; nunna bei-na hi.” Ellen G. White, The Great Controversy, pp. 532, 533.

        Tua hi-in a kipatcil a kipan Lai Siangtho in lampi nih panin khat i teel ding hong kipia hi; mihingin a hong kipiansak tungin a nungta tawntung thei dingin nunna hong kipia a, hih tawh kilangdo-in tawntung sihna hi; hih in i piankhiatna leivui a suak kik ding hi.

        Piancil Bu sungah “Nuntakna singkung in” sih theihloh nunna pia thei hi, cih thu Mang. 22: 2, 14 in a pulaakkik hi. Nunna singkung gah i ne thei hi; ahi zongin mawhna hangin tua singgah i nek ding Pasian in hong phal nawn lo hi. Tua hi-in a tawpna-ah mawhna khempeuh a beisiang hun ciangin hong tung ding hi; bang hang hiam cihleh Jesuh leh hotkhiatna lampi tawnin tua nunna singgah a ne thei ding dinmunah hong ki-omsak kik ding hi.

        Nisim deihtelnate in nunna ahih keileh sihna hong tunpih hi, cih thu ngaihsun in.

       

       

 

MONDAY                                                      November 15

Kai-ngawi Lampi Om Lo

 

 

        Lai Siangtho buppi in lampi nih laka khat teitei teel ding hong hilh hi.

        A nuai-a Lai Siangtho munte sim in. Thu nih, lampi nihte in bang hi-a, koi bangin tua thute hong kihilh hiam?

John 3:16_____________________________________________________________

Pian. 7:22, 23______________________________________________

Rom. 6:23__________________________________________________

Rom. 8:6___________________________________________________

1 John 5:12________________________________________________

Matt. 7:24–27______________________________________________

 

        A tawpna-ah mihing in khat teitei teel ding hi-a, lampi nih thuahkhawm thei lo hi. Kidona lianpi a hong bei ma-in mawhna, Satan, siatna, thu manlohna, langpanna cihte hong hat semsem ding a, mimal khat ciat in i khensat hun hong tung ding hi; tangtawng leitung pianma-in eite adingin a kigeelkholsa tawntung nunna na teel ding hiam? ahih keileh tawntung sihna – Topa tawh tawntung kikhenna, Ama vangliatna tawh kikhensuakna na teel zaw ding hiam? (2 Thess. 1:9). Lai Siangtho in hih lo a dang teel ding bangmah hong hilh lo hi.

        Bang na tuak ding hiam? A tawpna-ah nunna maw, sihna nangma teelna tungah kinga ding hi.  I mai-ah lampi nih om hi; nuntakna lampi leh sihna lampi hi.

        Tawntung nunna leh tawntung sihna tawh kisai-in bang hangin tawntung sihna in a mit ngei lo, a kuang tawntung hell hi lo ding hiam? Meikuang sungah tawntungin khua phawk theihna nei hi leh Pasian zia le tong in koi bang hi ding hiam?

 

 

TUESDAY                                                 November 16

Nunna leh Hoihna, sihna leh siatna, thupha leh hamsiatna

 

 

        Topa thu mang lo-in thuciamna kamciamte a pelh uhleh amaute thuak ding thute a pulaak khit ciangin, Thuhilhkikna Bu a nununglam, Thkna. 30 kipatna-ah thumang lo-in gimthuakin namdangte gamah galtai-in a om uh hangin, amaute in siatna lampi  panin kihei-in a kisikkik uhleh, Pasian kamciamte a tangtunna mu ding uh a, Pasian in a gam uhah a puakkik ding kamciam kimu thei hi.

        Thkna. 30:15–20 sim in. Nidang Israelte tungah bang thunih kipia hiam? Lai Siangtho buppi hong hilh thu bang thu kimu thei hiam?

___________________________________________________________

___________________________________________________________

 

        Topa in kiciantak in amaute thu a hilh hi. Amah, Yahweh in lampi nih koih hi; Adam leh Eve tungah zong hih lampi nih mah a kipia hi. Thkna. 30:15 ah Hebrews kammin ‘tov’ a khiatna in ‘hoihna’ cihna hi-in, ‘ra’ in siatna’ cihna hi. Hih kammalte mah Piancil sung sia leh pha theihna singkung a pulaakna-ah a kizang kammalte hi.  Lai Siangtho buppi in lampi nih bek hong hilh a, kai-ngawi lampi om hi. Topa adingin nungta-in nuntakna lampi ahih kei leh sihna lampi hi.

        Nuntakna, hoihna, thupha cihte in bang tawh kilangpan hiam? Sihna, siatna leh hamsiatnate tawh kilehdo hi. A tawpna-ah Pasian tawh a nungta mite in hoihna, nuntakna leh thupha ngah ding uh hi. Ahi zongin Ama kiang pan a paikhia mite in ama deihtelna bangin a gah at ding uh a, Pasian in siatna panin a kepna a lakhia-ta ding hi.

        Pasian in mihing tungah deihtel theihna a hong pia hi, cih i thei hi.  Mihing in suahta takin deihtelna a nei hi. Pasian hong piak a manpha mahmah suakta takin deihtel theihna hong kipia lo hileh Thukhun Lui leh Thukhun Thak in kimanna a nei kei ding hi.

        A taktakin Topa in Israelte tungah a genna-ah:  Deihtel theihna hong pia ka hih manin note in nuntakna, hoihna na teel zaw ding uh a, sihna, siatna leh hamsiatna na teel kei ding uh hi, ci-in a hilhkhol hi.

Deihtelna mantak in nuntakna lampi hi ding hi; ahi zongin bang piang hiam? Sia leh pha kido-lai ahih manin, Israelte thuakkhak thute ngaihsunin, Topa tungah i kipumpiak kei a, Amah i teel zawk keileh siatna lianpi i tuak ding hi.

        Thkna. 30:20 sim in. Itna leh thumanna kizopdan ngaihsun in.  Israelte in Topa tungah a cihtak nadingun bang sem ding uh hiam? Koi bangin tua thu bulpi tuni-in i nuntakpih ding

       

       

WEDNESDAY                                                       November 17

Note adingin A Hamsa Lua Hi Lo hi

 

 

        Thuhilhkikna 30 kipatna-ah Israelte in amawhna uh leh a siatnate kisik uh uhleh Topa in amaute tungah a bawl ding thute kigelh hi. A lamdang bang kamciam a ngah uh hiam?

        Thhkna.30:1–10.  Amaute in thumang kei taleh, amaute tungah Pasian in bang kamciam pia hiam? Hih in Pasian hong hehpihna bang hong hilh hiam?

___________________________________________________________

___________________________________________________________

       

        Pasian kamciamte in a za mite adingin lungmuanna a guan hi. Ahi zongin Pasian thupiakte panin lampial taleh Pasian in amaute tungah hoihna tungsak veve ding ci-in ngaihsut pen khial hi. Pasian hong hehpihna in siatna sung a nungta suak ding a hong phal kei hi. Pasian in amaute a itna a lah ciangin amaute in Topa mah it kik ding deihna hi; amah it a, ama sawl bangbangin gamta dingin a deih hi.

        Thkna. 30:11–14 sim in. Topa in bang thu gen hiam? Bang kamciam bulpi kipulaak hiam? Thukhun Thak bang mun in tua kamciam a kilangsak hiam?

__________________________________________________________________

__________________________________________________________________

 

        Kammal hoih mahmah tawh gen a, paulap gen ding om lo-in thuumna thute ngaihsun in. Topa in nasep hamsa a sem dingin amaute a sawl kei hi. Pasian thupiakte in telhamsa lua, ahih keileh kuama telzawh loh dingin thuthukpi hi lo hi; amau batzawh loh ding thupiak zong hi lo hi. Tua lampi in amaute bat zawh loh dingin vantungah kikoih hi lo hi; gamla munah pai-in valak ding zong hi lo hi; tuipi kantanin vapai ding zong hi lo hi. Topa in amaute tungah a genna-ah “A thu, hong nai mahmah hi. Note in na hih theih nadingun na kamsung uh le na lungsim sung uhah om hi” (Thkna. 30:14).  Cihnopna-ah limtakin tua lampi na pulaak khia thei hi; tua lampi in na lungtang tungah om a, tua lampi na tawn thei hi. Tua hi-in paulap khat siksanin Topa thupiak nial nading om lo hi.  Ama thupiak khempeuh in mihingte nuntapih theih ding thupiak veve hi.” Ellen G. White, Christ's Object Lessons, p. 333.

        A taktakin sawltak Paul in Khrih sungah hotkhiatna thute pulaak hi. Paul in upna tawh diktanna kingah hi, ci-in pulaak hi (Rom. 10:6–10.)

        Tua hi-in Thkna 30:11–14 khit ciangini Israel khangsawnte tungah a kihilh thu in nuntakna ahih keileh sihna lampi, thupha maw, hamsiatna tel ding uh hi. Hehpihna leh upna tawh a nungta mi-in nunna lampi a teel ding uh a, nuntak tawntungna a ngah ding uh hi. it.

Tu-in zong nunna lampi i tel ding hi lo hiam?

 

 

THURSDAY                                                           November 18

Biakpiakna tawh kisai dotna

         

 

        Topa leh Israel kikal thuciam tawh kizopna-ah a bulpi in biakpiakna hi. A kim leh paam mite tawh amaute in biakpiakna-ah bang kilamdanna nei uh hiam? Amaute bek mah in a man Pasian bia uh hi. Amaute biakpiakna in a man lo pasian leh nusian biakna tawh kilangpan hi. A taktakin hih pasian, nusiante in a man Pasian hi lo hi; “Tu-in thei un, keimah a kici pa pen kei ka hi a, kei simloh pasian dang kuamah om lo hi” (Thkna. 32:39).

        Thkna. 4:19, 8:19, 11:16 leh 30:17 sim in. Hih Lai Siangtho munte in a kibang bang thu pulaak uh hiam? Bang hangin Israelte adingin hih vauhilhna in thupi hiam?

__________________________________________________________________

__________________________________________________________________

        Kum tul tampi lai-in Pasian mite in amaute upna tawh kituak lo, amau upna a langpan ngei-na leh  mite lakah  teeng uh hi. Tua hi-in Pasian mite in a tawntungin kepcinna a ngah uh hi. Pasian kepna ngah kei le-uh amaute in leitung lampi zui-in pasian tuamtuamte biakna sung a tungkhin ding uh hi.

        I Pasian in a ‘haza Pasian hi’ (Thkna. 4:24,  5:9 6:15); Amah bek Pasian hi; eite hong Piangsakpa leh Honpa ahih manin Amah in biaktaakcing hi. Hih munah kai-ngawi lampi om lo hi. Topa-  nunna, hoihna, thupha hong pianna bia ding maw ahih  keileh siatna, hamsiatna leh sihna hong tun pasian biakna hi.

        Mang. 13:1–15 sim in. Biakpiakna thu bang pulaak hiam?  Tua ciangin Mang. 14: 6-12 tawh enkak in. Biakna man lo i zuih khak loh nadingin Mangmuhna Bu pulaak thu in Thuhilhkikna leh Lai Siangtho buppi hong vauhilhna-mah a hong hilhkik hi.

__________________________________________________________________

 

        Mun leh hun kibang kei taleh a thu in a kibang thu hi: A man Pasian bia-in nunna ngah ding uh maw, ahih keileh kilangtangin ahih keileh a simthamin Topa tungah cihtakna panin lampialin sihna thuak ding maw?  A tawpna-ah mimal khat ciat in ama lungsim a om bangin khensat ding hi. Israelte in Pasian nung a zui dingin Amah in thazawhna zang lo hi; Amah in zawhthawh thu-in kuamah a hong sawl kei hi. Mang. 13 hong gen bangin sapi leh ama lim bia dingin zawhthawhna tawh a sawl ding hi. Zawhthawhna tawh kilehbulhin Pasian in itna tawh hong sawl hi.

        Koi bangin Jesuh tungah cihtakna panin a kilang lo-in pasian dangte biakna sung kitung kha thei hiam?

 

 

FRIDAY                                                         November 19

Ngaihsutbehna: Nidang hun mah bangin tu-in zong deihtel theihna a hong kipia hi. A thupi in eima deih bangin khensatna hi. Khristian kimkhat in mihingte i pianma-in Pasian in tawntung meikuang hell sung a tung ding mi tuamseh khin hi, ci uh hi. Lai Siangtho hong hilhna-ah tawntung nunna ahi a, tawntung sihna ahi zongin a thuak ding mite in amau khensatna leh amua deihtelna tungah kinga ding hi; eima khensatna leh deihtelna bangin a sia leh a pha khat teitei i thuak ding hi, ci-in hong hilh hi. Mi khat in nuntakna lampi thei napi sihna lampi a zuih leh sihna a thuak ding hi.     

        “Mawhna thaman in sihna hi; ahi zongin Pasian hong piak letsong in Jesuh Khrih tungtawnin tawntung nuntakna hi” (Romans 6:23). Nuntakna in midikte luah ding hi-in, sihna in migilote luah ding hi. Moses in Israelte tungah: ‘Tuni-in note mai-ah nuntakna leh hoihna lampi leh sihna leh siatna lampi ka koih hi” (Thkna. 30:15).  Hih sihna in Adam tungah thukhenna hangin sihna hi lo-in mihing khempeuh in ama thu palsatna hangin sihna hi. Hih sihna in sihna nihna hi. Hih sihna in tawntung nuntakna tawh kilangdo hi.” Ellen G. White, The Great Controversy, p. 544.

 

 

Kikup Ding Dotnate

 

1.           Na lawmte tawh Tuesday ni-a thusinna kikum in.  Pasian kiang panin gimna hong tung hiam, ahih keileh thuman lohna hangin gimthuakna hong tung hiam? Ahih keileh anihin hi thei ding hiam? Gimthuakna kimkhat in Pasian kiang pan hi ding a, gimthuakna kimkhat in thuman lohna hanga gimthuakna hi ding hi. Bangbang gimthuakna hi taleh koi bangin gimthuakna thu na theitel hiam?

 

2.         Mawhna tungah zawhna i ngah nadingin Pasian vangliatna thu, tuni-a i pulaak Ellen G. White laigelhte in bang hong hilh hiam?

 

 

3.         Romans 10:1–10 sim in. Paul in Thkna. 30:11–14 a pulaakkik hi.  Upna tawh Jesuh sungah hotkhiatna ngahna leh thukham tawh diktansak ngah ding hamciamna in kibang lo ahihna thu hong hilhcian hi. Banghangin Paul in Thuhilhkikna gen lenkip hi ding hiam?  Bang Rom. 10:10 “Bang hang hiam cih leh i lungsim ah i up taktakna hangin Pasian tawh kipawl theihna kingah a, i kamin i genna hangin hotkhiatna a kingah ahi hi” cih thu limtak ngaihsun in. Paul thuhilhna a bulpi in bang hi ding hiam?

 

 4. I kidop keileh ngei-nate, kimlehpaam, beh leh phung panin a man lo biakna sung hong tunpih ding bang a om hiam?