LESSON 4 | October 16–22

 

LESSON 4    October 16–22

 

NA TOPA PASIAN IT DING

 

Sabbath Nitak

 

Tu kaal sung sim ding: Thkna. 6:4, 5; 10:12; Eph. 2:1–10; Mang. 14:6, 7; Thkna.. 4:37; 11:1; Mark 12:28–30.

 

KAMNGAH: “Topa note’ Pasian, na lungsim khempeuh uh, na nuntakna khempeuh uh, le na thahatna khempeuh uh tawh na it ding uh hi” (Thuhilhkikna 6:5).

        Jew mite biakna sungah Thuhilhkikna 6 in a thupi mahmah thungetna khat hi. Hih pen ‘Shema,’ kici hi; Hebrew mite thungetna ‘shama’ cih kammal panin a kila hi. A khiatna in “ ‘thungai ding’ ‘ thumang ding’ cih khiatna nei hi. Thuhilhkikna bek hi lo-in Thukhun Lui buppi-ah a kimu mun mahmah kammal khat hi.

        Shema laigual masa-ah hih bangin kigelh hi:      Shema Yisrael Adonai Elohenu Adonai echad. A khiatna in “Israel-te aw, za un: Topa i Pasian, Topa khat bek ahi hi” (Thkna. 6:4). Jewte in thu a nget uh ciangin mittanghum uhin thungen uh hi; Pasian a mitsuanna uh bangmah in a nawngkai-sak lo dingin kidal nading hi, ci uh hi. Shema laigual masa sungah Pasian khat bek ahihna - Adonai Elohenu, “Topa eite Pasian” cihna hi-in Israelte in Ama tungah citak ding uh a, pasian dang nei lo ding uh hi. Topa in eite Pasian hi, cihna hi.

        Hih laigual masa in Moses in Israelte Kamciam Gam a lutma-un a thuhilhna hi. A tawh kizomin tudongin a vanglian thuman a pulaakbeh hi.

 

 

 

SUNDAY                                                      October 17

Pasian It Ding

 

        Moses in Israelte tungah a beisa thute a pulaak khit ciangin a luah ding gam a lakzia ding leh a hanciam ding uh hanthotna nei hi. A taktakin Thuhilhkikna Bu in hih thute mah hi: Topa in amaute tungah thuciam a tangtun dong a cihtak ding uh, a pu a pate uh tungah a piak kamciam tangtun ding thute zong a pulaak hi.

        Thuhilhkikna 6 kipatna-ah hih bangin kigelh hi:  this: ““Tu-in, luah dinga na paina gam uhah na zuih dingun, note le na tapate uh le na suanlekhakte un Topa note’ Pasian’ thukhamte le a thupiakte na zuihna uh tawh amah na zahtak theih nadingun, Topa na Pasian un na nuntak tawntung uh na zuih dingun kei a hong hilh sawnsak thute pen hih thupiakna, thukhamte, le ngeina kipte ahi hi. Hihte pen na khan uh a sau theih nading ahi hi” (Thkna. 6: 1,2).

        Thkna. 6:4, 5 sim in. TOPA in Israelte tungah bang thukham pia hiam? (aneu 5). Tua thupiak a khiatna in bang hi ding hiam?

 _______________________________________________________________

_______________________________________________________________

 

        Na lungsim khempeuh tawh Topa na Pasian na it ding hi. Thukhamte, thupiakte, vauhilhnate leh thukhunte leh kamciamte lakah Pasian it ding thupiak in lamdang hi. It ding ding bek hi lo-in “na lungsim khempeuh, thahatna khempeuh tawh ciangtan neilo-in Topa it ding cih thupiak in tua itna pianzia hong laak hi.

        Lungsim, thahatna leh nuntakna tawh Pasian it cih thu in na khempeuh, mi khempeuhte tungah itna lianpen pulaak hi. Bang hang hiam cihleh Amah in i nuntakna leh i om theihna leh na khempeuhte bulpi hi. Amah i itna in na khempeuh tungah lungsim puakzia ding hong hilh hi.

        Hebrew kamin ‘nangma’ Pasian, nangma lungsim, nangma thahatna, cihte in mimal khat a genna kammal tawh kigelh hi. Hi mah hi, Pasian in mibuppi tungah a hong gen hi mah hi; ahi zongin tua mibuppi in mimal khat ciang kigawmna, mimal khat ciat a om ciangin mibuppi a om hi pan hi. Topa in mimal khat ciat hong deih hi; mibuppi in Ama tungah cihtak kisam hi mah taleh, mimal khat ciat in Ama tungah a citak ding kisam hi; Ama tungah cihtakna in Amah i itna, Amah Pasian ahihna leh eite adingin Ama nasepnate bulphuh ding hi.

        Lungsim khempeuh, nuntakna khempeuh leh thahatna khempeuh tawh Pasian it cih in nang adingin koi bang hi ding hiam?       

 

 

MONDAY                                                              October 18

Pasian Kihta Ding

 

 

        Moses in Israelte tungah a neih khempeuh uh tawh Pasian a it ding uh hilh hi. Hih in thupiak hi. Ahi zongin tua ma-in Moses in amaute tungah a dang thupiak khat nei hi: “ Topa na Pasian kihta un,” ci-in hilh hi ” (Thkna. 6:2).

        Thuhilhkikna 10:12 sim in. Hih in itna leh kihtan gen a, koi bangin tua thute i tel thei hiam?

__________________________________________________________________

__________________________________________________________________

 

        Pasian kihta ding thupiak leh Amah it ding thupiak in tonkhawm hi. ‘Kihta’ cih kammal i teldanah itna tawh kilangdo tawh kibang hi; ahi zongin kihtakna leh itna in a kilangdo hi lo hi. Lamkhatah Pasian kihta cih thu in- Amah zahtakna, Ama vangliatna lamdangsakna, Amah in kua hi-a, Ama thuneihna leh Ama vangliat, Ama thutanna leh Ama diknate in mawhdim i nunna leh i thaneemna tawh kilangpan hi; Ama tungah a kinga ihih manin Amah kihtak ding pen a lamdang hi lo hi. Eite in mawhna tawh a kidim mite ihi hi; Pasian thukham a palsatte ihih manin mawhpaihna leh sihna a thuak ding hi mah taleng Ama hong hehpihna hangin mawhpaihna leh tawntung sihna tawh a hong kipelhsak hi.

        Koi bangin Ephesians 2:1–10 Pasian kihtakna leh Pasian itna tonkhawm hi, ci-in hong theitelsak hiam?

_______________________________________________________________

_______________________________________________________________

 

        “Mawhna (hehna) tate ihih manin Pasian kihta ding hi mah hi; Khrih in eite adingin hong si hi. Tua hi-in Ama sungah nunna thak a hong guan hi; tua nunna sungah mawhna pan suahtakna leh a beisa mawhna hangin mawhpaihna panin ahong suakta-sak hi; tua hangin Amah i it ding hi.

        Hih thu in tuhunah  thuman ahih mah bangin nidang Israelte hunlai-in zong a thu guipi kibang hi; amaute in Egypt gamah saltang uh a, sila-in om uh hi, nenniamna thuak uh hi; Pasian in amaute a itna leh a hehpihna hangin tua bang nunna panin Pasian in amaute a honkhia hi. “Egypt-ah nasem na hihna uh le tua lai panin Topa na Pasian un a vangliatna khut le a thahatna tawh hong paikhiatpihna na phawk ding uh hi. Tua ahih ciangin Sabbath ni na tan’ ding uh Topa note’ Pasian in thu hong pia hi” (Thkna. 5:15). Tua hi-in amaute in Pasian kihta-in Amah a it thei veve uh hi. Amaute in tua bangin Pasian kihta-in it thei uh ahihleh, singlamteh tungah eite adingin sihna a hong thuak khit nungah, eite in zong Pasian kihta-in it ding hi lo hiam?

        Mangmuhna 14:6, 7 sim in. Bang hangin leitung hun nunung ading Pasian thupiak a masa pen in Amah kihta ding cih thu koi bangin na theitel hiam? A hong piang ding thute a hong kihilhkholhna zui-in bang hangin Pasian kihta ding thupiak in bangci ciangin khiatna nei hiam?       

 

 

 TUESDAY                                                             October 19

Amah in Ei Hong It Masa

 

        Thuhilhkikna sunga Pasian thupiak leh thukhunte om hi taleh Jew minamte in Ama thukhamte, Ama thukhennate, Ama thukipte in, na dangdangte sangin Topa masak ding, lungsim khempeuh, nuntakna khempeuh leh thahatna khempeuh tawh Amah itding thupiak vive hi.

        Thuhilhkikna 4:37; 7:7, 8, 13; 10:15; 23:5; 33:3 sim in. Hihte in Pasian in a mite a itna bang pulaak hiam?

 _______________________________________________________________

_______________________________________________________________

 

        Thuhilhkikna sungah a kigen kikkik khat in Moses in a mipihte tungah amaute pupate tungah Pasian in a itna leh amaute a itna a pulaak hi. Ahizongin Pasian in a thu bekin gen hi lo-in Ama gamtatna tawh a itna a lak hi. Amaute in kicinlohna, mawhna siatna tawh kidim uh hi taleh amaute tungah Topa itna in kip tawntung hi; a vanglian Ama itna in amaute tawh  a kizopna-ah kilang hi.

        “Eite in Pasian i it hi; bang hang hiam cihleh Amah in eite a hong it masa hi” (1 John 4:19). Koi bangin hih in bang hangin Pasian i it ding hong theitelsak hiam?

_______________________________________________________________

_______________________________________________________________

 

        Pasian hong itna in i pianma-in om khin hi; hotkhiatna lampi in “leitung kipiansak ma-in a om khin hi” (Eph. 1:4).

        Ellen G. White in a genna-ah: “Mawhna hong om a  - Adam in mawhna sung a puk ciangin hotkhiatna lampi in a khuanungin a kibawl hi lo hi; tangtawng hunlai pekin a omkhinsa hi-in, mawhna hong om ciangin hih thuthuk a hong kilangkhia hi ( Rom. 16:25. Tangtawng bek panin a om hih thu guipi in Pasian tokhom kingakna hi.” The Desire of Ages, p. 22.

        Itna Pasian in a hong itna lian mahmah ahih manin singlamteh tungah a hong sihna hangin bangzahin hampha ihi hiam? Amah mah a hong kipiakna-ah “Amah hong kiniamkhiat tawm a, singlamteh tung nangawnah sih ding a ut hi” (Phil. 2:8) Tua hi-in tu-in eite tungah Paasian hong itna hong kilang hi; Israelte in tua itna a ngaihsun kha kei uh hi.

        Itna nei lo-in muhdahna, bangmah hehpihna nei lo Pasian hi leh hih leitung in bang a suak ding hiam? Bang hangin Pasian hong itna a hong kilatkhiatna hangin lungdamhuai hiam?  

 

       

         

WEDNESDAY                                               October 20

Kei Nong It leh Ka Thupiakte Zui in

 

 

        Israel – a minam buppi-in Pasian a it dingin sapna ngah hi. Ahi zongin Pasian itna-ah mimal khat ciat in a it ding uh kisam hi.  Mihing khat ciat tungah deihtel theihna hong kipia a, Israel mimal khat ciat in amau deihtelna zui-in Pasian a it ding uh hi; tua itna pen Ama thupiakte manna tawh a kilang hi.

        Hih anuai-a Lai Siangtho munte in bang thu pulaak ciat uh hiam?  Bang thu guipi pulaak uh hiam?

Thkna. 5:10______________________________________________

Thkna. 7:9_______________________________________________

Thkna. 10:12_____________________________________________

Thkna.11:1______________________________________________

Thkna. 19:9______________________________________________

 

        Bangzahin Pasian kammal in kician sitset hiam? Pasian in a hong itna gen bek hi lo-in a hong itna hong lak hi; Ama nasepnate in a hong itna hong laklak hi. Pasian mite in zong amau gamtatna panin Pasian a itna uh a kilangsak ding uh hi.  Pasian i itna leh Ama thupiak manna in a kikhen thei hi lo hi.

         Tua hangin John in “Pasian i it ciangin ama thupiakte a zui ihi hi. Eite a dingin ama thupiakte zuih ding a haksa lua hi lo hi” (1 John 5:3); Jesuh in zong a genna-ah  “Kei na hong it leh ka thupiakna zui in” ci hi (John 14:15); hih thute in thu guipi hong hilh uh hi.  Pasian hong sawl bangbang manna in Amah i itna a kilangsak hi. Hih thu in kikhel ngei lo hi.  Pasian thu mang cih ciangin Ama Thukham Sawmte nuntakpih cihna hi. Thukham tawh dikna kingah lo ahih mah bangin Sabbath thupiak zuihna in gamtatna tawh dikna ngah nading hi lo hi. 

        Thukham tawh dikna ngah ding a hanciam mite in itna taktak tawh Pasian thukham a nuntakpih uh hi lo hi. Pasian a it takpi hi lehang, bang hang hiam cihleh Khrih Jesuh sungah Pasian nasepnate hangin, eite in zong Ama thupiakte i nuntakpih nuam ding hi. Bang hang hiam cihleh tua dingin Amah in Ama thupiakte a nuntakpih dingin hong sawl hi.

        Pasian in Israel mite Egypt panin a hotkhiat khit cianginin amaute in Pasian a it ding uh leh Ama thupiakte a nuntakpih dingun Moses in a pulaak phapha hi. Pasian in amaute a hotkhiatna hangin amaute in a thuhkik nadingin Amah it a, Ama thupiak a zui ding uh hi. Amaute in Topa tatsa mite hi. Tu-in amaute in Topa thupiakte cihtakna tawh a zui ding uh hi. Tu-in zong tua ding mah hi lo hiam?

        Bangci bangin Topa thupiak na nuntakpih hiam? Ama thupiakna na zuihna-ah bang lungsimpuak na nei hiam? Bang hangin itna hangin ama thupiak nuntakpih ding i hi hiam? Bangci bangin Lai Siangtho hong hilh Pasian kihtakna na tel hiam?

       

           

THURSDAY                                                           October 21

A Masa Thukha

 

 

Khristian kimkhat in siksan tuamtuam nei-in Thukhun Lui leh Thukhun Thak in kizopna nei lo bangin pulaak uh hi. Tua bangin Thukhun Lui leh Thukhun Thak a kikhen hi lo hi; tua bangin kikhen tuam hi leh Thuciam Thak hong hilhnop thute i theithei kei ding hi.  Thuthun Thak in Jesuh hong kilaakna, Ama nunna, Sihna leh sihna pan a thawhkikna, Siampi a hihna khempeuh in Thukhun Lui genkholhnate leh limciinnate a tangtunna hi. Thukhun Lui in Thukhun Thak adingin a bulpi, a hong piankhiatna leh thu-nung thu-ma hong hilh hi. Anih tuakin Pasian hoihna leh itna pulaak hi. Hih thu hangin Thukhun Thak leh Jesuh in Thukhun Lui gen kikkik uh hi.

        Mark 12:28–30 sim in. Thukham khempeuh lakah bang amasa thukham in bang thukham hiam? Bangci bangin Jesuh in dawngkik a, Jesuh in bang siksan hiam?

__________________________________________________________________

__________________________________________________________________

 

        Laithei khat in thukham a theihtel nadingin a nuntakna buppi kipia hi; koi bangin nuntakpih ding cih pen a thei mahmah in dong hi. Thukham khempeuh zuih ding hi, cih a um mi khat hi. Judaism sungah thukham 613 bang koih uh hi. Tua thukham khempeuh thukham khat bek suah ding a deih dotna tawh kibang hi.

        Jesuh in bangci dawnkik hiam?  Jesuh in Thuhilhkikna 6 kipatna-ah, “Israel-te aw, za un: Topa i Pasian, Topa khat bek ahi hi.” Tua khit ciangin lungsim khempeuh, nuntakna khempeuh leh thahatna khempeuh tawh Pasian it ding pulaak hi. Jesuh in Topa in amaute Pasian hi, Amah bek Pasian hi, cih thu siksanin  itna lian penpen tawh Topa it ding a hilh hi.     Hih thupiak sangin ‘tuhun thuman’bang dang om ding hiam?  A tawpkhakna-ah genkholhna khempeuh tangtungin leitung bei ding hunah mihing khat ciat in Pasian thukham tel ding maw, lampi dang tel ding, tua in a lian penpen khensatna hi ding hi (Mang. 14:12).

A tawpna-ah bawlsiatna i thuak zongin i khensatna khempeuh in Pasian it takpi maw, it takpi lo tungah kinga ding hi. A thupi penpen khensatna-ah lungsim khempeuh, nuntakna khempeuh leh thahatna khempeuh tawh Pasian itna hi ding a, Ama hoihna, itna leh hehpihna sung a nungta ihi ding hi. A kisap lehzong nuntakna a pia ngam hi ding hi.

 

        Mi khat in “Na muh ngei loh Pasian pen koi bangin it thei ding na hiam, ci-in hongdong hi leh, koi bangin na dawngkik ding hiam? Na lawmte tawh kikum in.

 

 

FRIDAY                                                         October 22

Ngaihsutbeh ding: “Khrih singlamteh in  bei hun nei lo-in tatsat mite’n a sinsin ding uh leh la-in a sa tawntung ding uh hi. Khrih vangliatna sungah amaute in singlamteh tunga Khrih kithahna a mu ding uh hi. Ama vangliatna in leitung leh simloh zawh leitung tampi a bawl vangliatna hi-in, Amah in Pasian It Pa, vantung Kumpi, cherub leh khuavak tawh kidim seraph khempeuhte pahtawi Pa, Amah in mawhnei mite a hong domtoh nadingin Amah mah hong kiniamkhiatin; Amah in mawhna leh maizumna khempeuh pua-in, a mangthang leitung gimna khempeuh in a lungtang kitamkham dongin, Calvary singlamteh tungah a nuntakna a bei matengin, a PA maitang selcipna a thuaknate a kimangngilh ngei peuhmah kei ding hi.  Amah in leitung khempeuh Piangsakpa hi-in, Amah in mi khempeuhte tun nading Thukhenpa hi napi Amah mah hong kiniamkhiatin should lay aside His glory and humiliate Himself from love to man will ever excite the wonder and adoration of the universe. Tatkhiatna ngah minamte in a Honpa uh en uh a, tawntung Pa vangliatna in Honpa tungah tang amu uh hi. Tua vangliatna in tawntung panin tawntung hi ding a, Ama gam in bei hun a nei kei ding hi: Amaute khempeuh phatna late sa-in “Pasian kiang hong tunpih Ama sisan tawh a hong tan thahna thuak Tuuno in pahtawi dingin kilawm hi” ci-in Amah a phatphat uh hi.” Ellen G. White, The Great Controversy, pp. 651, 652.

 

 

Kikup Ding Dotnate

 

1.      Ellen G. White, The Great Controversy, pp. 651, 652 sim kik in. Bang hangin itna lian penpen itna sang penpen tawh Pasian i it ding hong theitelsak hiam? Simzawhloh leitung tampite ama khut sungah a tawi Pasian in eite adingin singlamteh tungah sihna thuak hi, cih thu ngaihsun in. Bang hangin hih thu in Pasian tawh i kizopna-ah a bulpi hi ding hiam?

 

2.    Itna leh kihtakna tonkhawm hi, cih thu ngaihsun in. Bangci bangin Pasian itna leh  zahtakna na neikhawm hiam? Bang hangin a nihin a tonkhawm ding kisam hiam?

 

3.    Nopsak hun ciangin Pasian ki-it ciat hi. Ahi zongin hamsat dongtuak hun ciangin Pasian na it veve hiam? Bang hangin nopsak hun ciangin Pasian itna sangin hamsat dongtuak hun ciangin Amah i it ding thupi zaw hiam?

 

4. Thursday ni a dotna en kik in. Khristian thu-um lo mi khat tungah Pasian it ding cih thupiak koi bang lampi tawh hilh thei ding i hiam? Koi bangin mihingte in i muh ngei loh mi khat it thei i hiam? Bang hangin Pasian i it nadingin mittang tawh Amah muh kisam lo hiam?