SOS
Missionary
SOUTH
KOREA | December 4
Jang
So-hee, 19
Kum sawm val deuh ka pha-a, missionary ka ut hi. Ka neulai-in ka pa in hong nusia hi. Khristian upna thu zui ka nu bek ka thei hi. Ka sanggam leh tanaute in shamans bianleh dawi bia uh hi.
Ni khat ka nu in thu hoih khat hong pulaak hi.
“College sangsia khat in gamdangah missionary pai ka thei hi. amah in mailamah
na ngimna bang hiam ci-in hongdong hi. Tua bangin hong dot ciangin ka nuam
mahmah hi. Amah tawh kimu dingin ka khensat hi. Tawl khat khit ciangin khangno
honkhat in a T-shirt puan silh in a puan tung uhah SOS cih lai kigelh ka mu hi.
SDA biakinn gei khatah Pasian thugenna khat om
a, thungai dingin hong zawn uh hi.
Pawlpi ka it a, amau tawh tua biakinn ah kikhawmin ka pai hi. Tua
biakinn pen singinn khat hi.
Pastor pa in Khristian khat ka hihna
hong theih ciangin lamdangsa hi. Sabbath thuman ka thei hi. Ahi zongin Sunday
ni-in ka kikhawm hi.
Pastor pa in nipi kaalah a ni sagih ni
pen Sabbath ni hi, ci-in hong hilh hi.
Tua bang hong gen ciangin ka lungtang kinawhsai mahmah hi. Tua bangin a
kiho laikakun ka phone hong ging hi. Ka et aa leh college sangsia pa in hong
hopih hi. Aman hong ngak a hihna hong gen a, amah tawh kiho ding hun ka ngak
lah mahmah hi.
Pastor pa hong gen thu in ka lungsim
panin bei thei lo hi. A zingciangin kimu
dingin college sia pa tungah ka gen hi. Tua nitakin Sabbath thu, Nihvei
kumkikna thu leh Kidona Lianpi thu ka kikum thei uh hi. Nuamna tawh ka kidim hi.
Biakinn ah ka pai kik a, Lai Siangtho thusinna ka nei uh hi. College sia pa in
hongsam kikin, SDA biakinn ah Lai Siangtho thusinna nei ing, ci-in ka dawngkik
hi. Tua bangin ka dawngciangin amah heh hi. Pastor pa, ka gei-ah tu hi. College
sia pa tawh kihona uh hong za samlo hi.
College siapa thuhilhnate in Christian
upna panin lampial upna tawh kibang hi. Amah a makaih pen Kha Siangtho hi,
ci-in pulaak hi. Ka sittel uh ciangin siapa hong genna tungtawnin ama upna in
Khristian upna panin lampial upna hi, cih ka mu hi.
Ka nu in tua bang upnate a um mi khat
hi. Tua hi-in ka hehsuaksi lah dahin ka om hi. Ka nu in ama upna zui dingin
hong gen a, ken zong Lai Siangtho thusinna nei dingin ka dawng kik hi.
Ka nu in Adventist pastor tawh Lai
Siangtho thusinna nei dingin ciangin ka nu a hehsuak hi. SOS missionary nasem
khat ka hihna tawh bangci kalsuan ding ka thei kei hi.
Pastor in Sahmyook Adventist
Universityah Lai Siangtho thuthuk sinna nei dingin hong hilh hi.. “Lai Siangtho
sangva kah leicin hoih ding hi, tua hileh Lai Siangtho thuman na theihbeh ding
hi, hongci hi. Tua bangin Lai Siangtho thuthuk sinna ka om ciangin ka nu hehna
kiam zaw deuh hi. Ka nu tungah “ka thusin thute ka pulaak a, Lai Siangtho thu
kigelhna laibute sung ah ka nu sim dingin ka koih hi. Damdamin ka nu in
Adventist thupuak hong sang thei hi. Tua banah youtube leh Adventist magazines
tungtawnin ka nu in Adventist pawlpi nasepna leh pawlpi thupuak thute hong
theihbeh toto hi. Topa hong hehpihna tawh 2020 kumin ka sangkah ka zo hi.
Ka nu leh a pawlte hong kikhawm uh a,
tua bangin mipi kimuhkhopna panin coronavirus kizel gawp hi. Korea gam sungah
natna hong kilawh mangkhin hi. Ka nu a kipan mi tulpi tampi in covid natna ngah
uh hi. Hih thupiang hangin amaute kikhawm thei lo uh hi. Kumpi thuneite in a
kikhop ding uh khaamcip hi.
Ka Nu in Pasian thu a theihna hong
khang semsem hi. Jesuh kammal ka it hi. ‘Mihing Tapa in a mangthang mite zong
ding leh honkhia dingin a hong pai hi” (Luke 19:10). Ama hotkhiat a mangthang mite lakah ka kihel
hi. Na ka sepna SOS tungtawnin NU itna ka phawkkik hi. SOS cih a khiatna in
Salvation (hotkhiatna) Only Jesus (Jesuh bek) service (nasepna) cihna hi. Ka nu
leh midangte adingin SOS missionary khat hi dingin ka ngaihsun hi.
So-hee in South Korea gama om Seventh-day
Adventist thu-um mi khat hi.
Tu quarter Sabbath 13na sumpi in Korea
gam sung pawlpi nasep huh nadingin kipuak ding hi.
