Hakkol
puak kikim lo
13th
SABBATH | December 25
Chang
Zeng-Mei, 50
SDA
innkuan sung panin a khangkhia khat ka hih manin ka tenpih ding pasal
pen ka deih het kei hi. A man pen Khristian pawlpi dang khat hi. Ka nu
leh kapate un ka kiteen ding uh hong deihsak mahmah hi. Ka nu leh pa thu
ka zuih hong kul hi.
Ka pasal ding pa kiangah ka vahawh hi.Ming Huang
in “mopawi bawl thei ding hi hang, ahi zongin
ka biakna khel lo ding hi, ci-in pulaak hi. A pasal in phamawh kei ci-in
dawngkik hi.
Tua khit ciangin mopawi vai ding ka kikupkup uh ciangin Adventist biakinn ah mopawi dingin ka pulaak hi. ka pasal ding pa in hong nial hi. Hi lo hi, kei pasal hi ing, keima biakinn ah bawl ding ci-in hong dawng kik hi. Koici bangin kalsuan ding cih ka ngaihsunsun hi. Tua ahih leh mundang khatah bawl ni, ka ci hi. Ahi zongin Adventist pastor pa in hong letthat ding hi, ka ci hi.
Ka sanggamte khat pen pastor hi-in
aman hong letthat dingin ka kikum uh hi.
Hi lo hi, Adventist pastor in hong letthat
ding hi, ci-in ka nial hi.
“Na sanggampa Adventist pastor hi ven
aman hong letthat hen ka ci hi.
Tua bangin ka kaki nial nial uh a, a
tawpna-ah Adventist pastor in hong letthat ding ahih keileh nang tawh kiteng lo
ding ci-in ka gen hi. “ aw” ci-in hong dawng kik hi. Bangcih ding cih ka nu
hong dong ning ci-in ka gen hi.”
Ama nu pen Adventist thu-um mi khat
hi. A pasal ahihleh Adventist hi lo hi. A kiteen khit ciangin a nupa-un
Adventist thu-um mi hong suak uh hi. “ka nu in Adventist pastor in hong letthat
ding hi, ci-in Ming-Huang in hong gen
hi. Ahi zongin tua tawh vai siang lo hi.
Ama nu in kei hong deih mawk hi. A tapa khat tawh kikheng dingin hong gen hi. A
tapa in zu dawndawnin, biakinn ah kikhawm ngei lo hi. A tapa limtakin pantah
thei dingin hong lamen hi. Kiteen khit ciangin aman zong Adventist hong suak
dingin ngaihsun hi.
Upna kibang lo mi khat tawh kiteen
ding ka lungnuam thei lo hi. Ahih zongin khuazang bup-in ka kiteen ding uh a
thei khin uh hi. Kiteen lohna khat omleh maizumhuai lua ding hi, cih ka
ngaihsun hi. Khuapih mi tampi in amah pen mihoih khat hi. Teenpih in, ci-in
hong hanthawn ngeingai uh hi.
Amah zong Adventist hong suah sawm
ahih manin amah zong maizumna thuak lo
ding hi.Mopawi hong tunma kha khat a sap hunin aman Lai Siangtho thusinna
nei-in tui zong kiphum pah hi. Ama tui kiphum ni ka mangngilh ngei kei hi. Tui
sung pan a hong pusuah khiat ciangin ka lungdam peuhmah hi. Kiteen ding bek ka
ngak lai uh hi. Tui kiphum khin hi
napi-in a gamtatna lui- zudawnna nusia zo lo mawk hi. Zu dawndawn lai mawk hi. Mopawi
ni ding ka khensat khit zawh uh kha 6 khit ciangin mopawi ka bawl uh hi.
Mun dang khatah mopawi bawlin
Adventist pastor khat in hong letthat hi. Mopawi khit ciangin lunghimawhna
tampi ka thuak hi. Ka pasal tawh kikhen ding ka ngaihsunsun hi. Sabbath ni
kikhop sialin biakinn ah ka paipih den hi. Pawlpih mite tawh Jesuh thuman sin
khawm dingin ka deih hi.
Ming-Huang in guallel hong suak hi.
Amah pen amah leh amah hi kisa mi khat
hi. Kei hong tenpih nadingin a nusiat vai tamsa lua-in ngaihsun hi. A kiteen
khit uh ciangin zong nau matengin zu dawn lo dingin khensat hi. Kum tampi sung ansiang lo, nek loh ding ante
a ne lohi.
“na
pumpi pen susia kei in.” Kha sagih sung ka ngak uh hi. Tua hun sungin cidam
nadingin anne tuidawn kikemsiam mahmah hi.
Ka veng ka paamte un ama kikhelzia hong mu
thei uh hi. Mi thak ahihna mu thei uh hi. Ahi zongin amah in mi thak cih ding
deih lo hi. Tanu ka neih khit uh ciangin zu dawnkik a, ka heh suaksi lah dah
zelsi cih bangin ka om hi. Ahi zongin kikhen ding ka ngaihsun kei hi. Kum sawm
hong cingto-in tanu khat ka nei kik uh hi. Hih hun sungin nupa kalah buaina
tampi hong piang hi. Ni khat hih bang tawh nuntak ding hisa thei nawn lo-in ka
om hi. Kikhen ding ka pulaak hi. Aman bangmah hong dawng lo hi. Tua hi-in ka
tate tawh inn nusia-in ka lawmte inn khatah ka paisan hi. Ming-Huang in kikhen
ding ngaihsun hi. Hong muh mateng hong zong kawikawi hi. Ni thum khit ciangin
ka omna inn ah hong pai hi. A nunzia kikhel ding a khensatna hong gen hi. Ka
pasal tawh kiteen kik ding ka ngaihsun zo nawn kei hi. Ka pasal neihin Pasian
hong huhna tawh hong kikhel dingin ka lamet khat hi.
Ka kiteen ma-un thu ka ngen a, “Hih
tangval pa honkhia nuam na hileh ama kikhel nadingin hong huh in Topa aw, ci-in
thu ka ngen hi. Ahi zongin Lai Siangtho hong hilh thu in thuman thutak hi. Upna
kibang lo mite tawh hakkol pua khawm kei un (1 Corinthians 6:14).
Upna kibatpihte mah tawh kiteen ding a
hoih pen hi. Mi khempeu lak pan a pil pen Solomon in hamsa takin hih thu na sin
hi. Adventist nungak khat in Adventist mi hi lo tangval khat tawh kiteeng
dingin ngaihsun ahihleh na pasal adingin etteh thamcingin nungta in. Na pasal hong kikhel nadingin thu ngen in.
Itna lak in. Jesuh gen mah bangin tuu
lakah ngia hon bangin leitungah note kong sawl khia hi. Tua ahih manin gul
bangin pilvang unla vakhu bangin dik hithiat lel un.
Mawhna tampi nei hi mah taleng Pasian hong honkhia ahih manin Pasian min kiphat tawntung ta hen. Ka pasal hong kikhel in pasal hoih khat hong suak hi. Pawlpi mi gina khatin hong om hi. Pawlpi upa dinmun hong tung thei hi. Pasian in hoih hi.
Tuma kum thum lai-in Sabbath 13na
sumpi in Taiwan gam pawlpi nasepnate ah kizang hi. Tu quarter Sabbath 13na
sumpi Northern Pacific-Asia Division nuai a om Taiwan leh gam tuamtuam Pasian
nasep nadingin kipuak ding hi.
Nung Sabbath a kizakkholhsa bangin tu
Sabbath in quarter bei ahih manin sumpi khiat ngei a zah thum khia ciat ni,
ci-in I kihanthawn nuam hi. Topa thupha hong pia hen.
MUC in Sawbua pawlpi huang um nadingin
kipuak ding hi.
