Khuano
khata Pawlpi
TAIWAN
| December 18
Mawtaw nei lo, motor cycle zong hawl thei lo, tua banah siksakol nangawn ka tuang thei kei hi. Ka kikhopna uh biakinn gamla ahih manin taxi tawh ka pai uh kul hi. Tua bangin Sabbath ni ciangin ka pai khiat det ciangin ka pasal tawh ka kizopna-ah buaina hong om pahpah hi. Ka pasal pen Seventh-day Adventist hi lo hi. Ahi zongin biakinn ka pai nuam hi. Ka teenna uh khua-ah Adventist biakinn om lo hi.
Ka khua uah bel biakinn om hi. Ahi
zongin hih khua-ah pai ding gamla ka sa zel hi. Gamla ahih manin ka pasal in
hong zui nuam ngei lo hi. Amah kia lah innah om nuam lo hi zel kawikawi hi.
Sabbath ni khat kikhopna pan inn ka tun leh sual tungah an na bua hi.
Biak kikhop ding bek kinteh, inn sung
vai bangmah kin lo ci-in hong tawnggawp hi. Ka pasal ka it hi, kikhop ding ka
pelh nuam kei hi. Bangci kalsuan ding ka thei nawn kei hi. Topa tungah cihtak
ding ka hanciam sial in langpanna ka thuak hi.
Ka tapa in galkap hi-in a gamkuan na panin
liamna tawh hong ciah hi. Amah kem ding don dingin inn ka nusia hi. Tua sungin
ka pasal in hong sihsan hi. ka om loh laitakin hong nusia ahih manin ka lungkim
zo lo hi. Innah om hileng amah ka kem ka khoi thei ding a, cih ka ngaihsunsun
hi. Dahna in hong tuamcip hi. Kha khat sung bang Lai Siangtho sim lo, thungen
lo-in ka om cip hi. Pasian in kei adingin ngimna khat nei ding hi, ci-in ka
ngaihsun hi. Amah in na khempeuh uk hi, cih ka um hi. Ka khua uhah biakinn
adingin Pasian in geelna khat nei hi dingin ka ngaihsun hi. Biakinn puahkik
nadingin Taiwan dollor 100000 bang kisam hi. Hih zahzah sum pen khuano khat pan
ngah nadingin lampi om lo hi.
Ka pawlpi sung panun numei khat in
tuahsiatna thuak a, zato zuan hi. Ni khat sungin nupa kopkhat in hong nusia hi.
Tua khit ciangin biakinn nasem khat, pawlpi mi ahi lo khat in lungtang natna
panin gimin tawl a tuksuk hi. Tawlkhat khit ciangin hong dinto zo sam hi.
Bangmahci keng ci-in a nasep hong zom kik hi. Tua bangteng thu hong pian khit
ciangin ka sanggam pa lungkia hi. Biakinn puahna abeizah ding khial kha tam maw
cih hong lunghimawh mahmah hi. A beizahzah ding sum kei lo ka hih manin ka
lungkham peuh hi.
Topa muanna tawh a kizawh dong sem
suak dingin ka gen hi. Tua bangin lungkia-in ka om laitakun pawl dangte khat in
ka biakinn ah kikhawm dingin hong pai hi. Amah in biakinn puahphatna mu-in kizo
nai lo cih thei ahih manin nasep huh dingin hong ngen hi. Khristian khat in
adang Khristian khat huh nuam lo dingin nuntakna in hun tomlua hi, ci-in
biakinn puah hong huh hi.
Nitak hong tun caingin ka khut sungah
hong pia-in ken biakinn phuah hong huh ning, ci-in hong gen hi. Tua lai-ip ka
hon leh ka lamet het loh sum ka mu hi. A vekpi-in Taiwan dollar 6000 hong huh
hi.
Nasemte in tua bangin huhna sum hong
kipia a theih ciangin nasep thaman hong
la nuam nawn lo hi. Ken zong kong huhna hi, ci-in thaman la lo-in a
khawngkhongin hong puahsak hi. Hih
bangin biakinn puahkik hi mah le ung, kum 6 a sawt khit hangin kizo siangnai lo
hi. Pasian in ni khat ni ciangin hong zawhpih ding hi, cih lametna ka nei hi.
Mai Sabbath in quarter cin Sabbath
ahih manin sumpi khiat ngei a zah thum khia ciat dingin a kizasak hi hangh.
MUC in Sawbua pawlpi huang um nadingin
kipuak ding hi.
