Itna
Zatui
SOUTH
KOREA | December 11
Jang
Dong-woon, 65
Ka phone sungah thu hi mawh hong tamvei pi hong lut hi. Na omna kimtenah covid kizel hi. A manlang theithei-in mun dang khath kihem in, ci-in lai hong tungtung hi.
Ka teenna South Korean sungah covid
natna omlohna mun leh covid omna mun ci-in kikhen hi. Kei omna munah covid
natna hong puak pen cina No. 31 in Khristian upna pan lampialte kikhopna munah
va kikhawm in tua panin natna hong ngah hi. Tua kikhopna mun in natna kizelhna
mun hong suak hi. Ka omna khua in Korean gam sungah natna kilawh manlang penna
khua-in kiciamteh hi. Nisim in natna a tul lomin kibehlap den hi. Nisim
newspaper sungah ka omna khuapi thu kisuaksak den hi. Khua dangate in ko khua
pen natna kizelsak mite ci-in hong ciamteh uh hi. Vanzuakna munte, ansaite leh
khua sung lampite-ah mi kuamah om nawn lo hi. Tha khat thu-in khua sung omdan
hong kilamdangpah hi.
Biakinn ah zong kikhop ding kiphal
nawn lo hi. Ka lawmte khat tungah Jesuh thu suakta takin ka gen kum 10 val khin
hi. Biakpiakna leh tua banga kimuhkhop theih hong om nawn lo hi. Biakinn ah
kikhop loh ding hi kasa thei kei hi. Lungdamna thu gen nadingin hun hoih ngak
ding maw? ci-in ka ngaihsun hi. Ka ngak zo kei hi. Mi tawh kizopna hong hamsa
semsem ahih manin thu ka ngen hi. “Pa aw, leitung a thupiang khempeuh na theih
khak loh bangmah om lo hi. Lampi khat hong honsak in, ci-in thu ka ngen hi. Tua
bangin thungenin ka om laitakin khuavak lian mahmah khat in hong tuam ka thei
hi.
Health ministries thusinna ka
kahlai-in khutsilna zatui tawh khutte ka sil hunte ka phawk kik hi. Covid
pulnatna kiloh nadingin khut a sian mahmah kul hi, cih ka phawkkik hi. Ka omna
pawlpi in khutsilna bung 1000 ngah theihna khat nei-in, khua sungah ka hawm
kawikawi uh hi.
Tua bangin muk tuam bulhin khutsilna zangin ka
hawm kawikawi uh ciangin mi tampi lungdam mahmah uh hi. A lungdamnate uh hong
gen uh a, bang pawlpi na hi uh hiam? koi pan hong pai na hi uh hiam? ci-in hong
dong uh a, Seventh-day Adventist Pawlpi hi ung ci-in ka dawngkik uh hi.
Hamsatna sung pan Topa in lampi hong honsakin Ama hong itna mite tungah ka hilh
kawikawi thei uh hi. Tua ciangin ngaihsutna khat ka ngah hi. Korea gam sungah
mask bei-in lei ding om nawn lo hi. A om sunsunte zong hun sawtpi ngakin kilei
hi. Bangsem thei ding ka hiam? ci-in ka ngaihsun hi.
Ka neulai-a puankhui-na set ka
phawkkik hi. Muk tuam khui ka kipan hi. Tua bangin muktuam khui-in ka om ka
pawlpi mite in hong theih uh ciangin hong huh ngeingai uh hi. Tua bangin hong
huhnate uh hangin tha ka ngah mahmah hi. Ka nuamna lianpen in Topa in ka pawlpi
sungah Covid natna nei hong omsak lo-in Ama hong kepna hangin ka lungdam mahmah
hi.
I biak Pasian in leitung leh vantung
Uk Pa hi. Amah in hamsatnate eite hamphat nadingin hong heisak hi. Covid natna
hangin khat le khat kinai takin omkhop na panin khutsilin muktuam bulhna tawh
khat le khat kizopna ka nei kik thei uh hi.
Hamsatna zawhna dingin a hoih penpen
natna dalna zatui in itna hi. Khutsilna
leh muktuam 3000 ka hawmkhia thei uh hi. Hih bangin kipanpihna hangin Pasian
vangliatna in nasem hi. Leitung panin covid natna a piangsiang nadingin thu ka
ngen den hi.
“Ka mual siangtho buppi tungah amaute
khatlekhat kiliamsak lo ding uh a, kisusia lo ding uh hi.
Bang hang hiam cih leh tuite in tuipi
omna a tuamcip mah bangin leitungah Topa' thu theihna
kidim ding hi.” Isaiah 11:9
Tu quarter Sabbath 13 na in Korea gam
a om Dong-woon’s biakinn
MUC in Sawbua pawlpi huang um nadingin
kipuak ding hi.
