Tawldam Dingin Suahta
Sabbath Nitak
Tu Kaal Sung
Sim Ding: Mark 2:1–12, 1 Kum.18, 1 Kum. 19:1–8,
Matt.
5:1–3, Isa.
53:4–6, 2 Kum. 2:11.
KAMNGAH: “Topa, ka khuavak leh hong honpa ahi hi. Kua kihta ding ka hi hiam? (Late 27:1).
Jesuh
in hih leitungah hong nuntak sungin amah tawh
kizom mi a tamzawte pen natna nei mite hi; khat veivei ciangin a si dekdek
mite hi. A dam lo mite in damna a ngah nading uhleh a gim mite in tawldamna
ngah nadingin Jesuh kiang vazuan uh hi. Amah a zuante
khempeuh in damna leh
tawldamna a ngah uh hi.
Khat veivei
ciangin Jesuh in a dam lo mite tungah damta un, ci-in thupia
ziau-in amaute in damna ngah uh hi. Khat veivei ciangin a dam lo mite lawngin
lamdang takin amaute in damna a ngah uh hi. Khat veivei ciangin ama kiang hong
pai a dam lo mite Amah in sawl khia-in tua bangin a pai kawmkawmun amaute
in damna a ngah uh hi. Jesuh in pasal, numei, naupang,
Jew, Jew mi hi lote, mihaute,
mizawngte leh huh ding nei lote a damsak hi. Tuate lak pan a siahuai penpente in mi
paakte leh mittaw-te hi; Jesuh in a damsak zawh loh natna bangmah a om kei hi. A si khinte
nangawn a nungta- kiksak hi.
Tu
kaal sungin damsakna tawh kisai a
kibang lo thu nihte i en ding hi.
Khatna-ah natna nei khat in ama tha tawh Jesuh
kiang zuan zo lo hi. Ama natna in mikim
muhtheih hi. A dang
khat leuleu pen a dam lo tawh kibang lo hi;
kuamah in amah pen cina dingin ngaihsun
lo hi. Anihun damna ngah uh hi.
Gimna
leh thuakna siksanin tawldamna thu i enpha ding hi. Hih thu in Khristian
kalsuanna-ah i pelh theih loh thu khat hi. Dam nading thunget Pasian
in ahong sanloh ciangin bang thu om hiam? Tua hi-in bangci bangin tawldamna
ngah thei ding i hiam?
SUNDAY August 15
Damna Pia Tawlngakna
Tawlngak
hun i kisap mahmah
hun in i damloh hun hi. Pumpi
in thahatin natna ado zawh nadingin pumpi tawlngakna kisam hi.
Eite in lungsim tawlngakna zong i kisam hi. Sihna gil hi khol lo lutangnatna
leh lungkhing natna a om ciangin lungsim
ngaihsutna tawlngak hithiat
ding kisam hi. Lum
hithiatin bangmah ngaihsun lo ding hi mah taleh tua bangin i lungsim in tawlnga
hithiat thei lo hi.
Khat veivei
ciangin natna gil i tuah ciangin ihmu thei lo-in lungkhamin i om hi. Dam zo ding leh dam zo lo ding thei khol lo ihih manin patau-in bang hang
hi ding hiam, ci-in ngaihsutna hong tam semsem hi. I nunzia mahmah in cidamna tawh kituak kha lo hi
ding hiam? Abeisa kum 20 hunlai-a zatui zatang nekna hang maw? Nidangsangin
thau lua maw? Kuamah hong theihpih loh mawhna hangin Pasian in hong cina-sak
hiam, cih bangin ngaihsutna tuamtuam hong lut hi.
Mark
2:1–4 sim in. Bang thu piang hiam?
Pumzaw
mipa in thu The Desire of Ages laimai-ah 267–271 Ellen G White in a genna-ah tua mipa in gamtatsiatna
tawh kidim ngei mi khat hi. Ama mawhna
in pumzaw natna piangsak hi. Ama mawhna hangin natna ngah ahih manin koikoi-ah
pai-in a kibawl hangin dam zo lo hi. Mawhna hangin natna kingah hi, cih pen mi tampi in a pom uh ahi hi. Kua mawhna
hang hi ding hiam, cih pen i lungsimah a om den khat hi. Siatna khat i bawl khakleh i vawh bangin
a at kik ihi hi. Mi khat in a tatkhialh leh ama tatkhialhna tawh kizui-in a liau kul hi. Ahi zongin
tua bangin mawhsakna
in natna panin damna pia lo hi.
Pasian in nate a piansakin natna, gimna leh thuaknate kihel lo hi. Natna
in mawhna om khit ciangin hong lut hi. Tua hangin
Pasian in cidam nading lampite hong hilh hi; cidam leh nunna bucing
zaw hi. Ahi zongin mawhna
leh natna tawh kidim leitungah
i nuntak laiteng bangbangin cidam nading thukhunte i zui zongin natna tawh kipelh thei kuamah a om kei hi.
Lungdamhuai
thu khat in cidam hun hi taleh nat hun hi taleh Pasian in tawldamna hong pia thei hi. I tatkhialhna hangin natna i
thuak kha hi taleh, midang khat
khialhna hangin natna
i thuak kha hi taleh,
suahpih damlohna hi taleh i phawk ding thu in mawhna tawh kidim leitungah
a nungta ihih manin
natna i thuak hi. Pasian in tawldamna i ngahzia ding a thei hi.
A damlo mi khat a om ciangin ama mawhna
hangin cina hi, ci-in mawhsak
ding hoih lo hi. Ahi zongin
khat veivei hun ciangin natna
a dam nadingin natna piangsak a zungpi i theih ding bang hangin
thupi hiam?
MONDAY August 16
A Zungpi Dam Nading
Pumzaw mipa
in Jesuh kiangah hong pai ciangin
mi khempeuh in Jesuh
in hih mawhnei mipa a damsak ding hiam? A natna in mawhna hang hi, ci-in a
pulaak ding hiam?
Koi bangin Jesuh in pumzaw mipa damsak
hiam? Amasa penin Jesuh
in tua mipa ading bang sem hiam?
Mark 2:5–12.
Natna
a pian dingzia a hong khiat mateng natna omlam i thei kei hi. Natna pianzia
(symptom) pen natna zungpi kisa pahpah ahih manin natna zungpi dam nading kibawl
kha lo-in natna pianzia kilangsak
(symptom) bek dam hi; tua pen
damna taktak kisa-kha hi. Jesu in natna a damsak ciangin tua bang hi lo hi. Jesuh damsakdan
in lamdang hi. Amah in gimna kipatna, leh natna zungpite thei ahih manin a zungpi
panin natna a damsak hi.
Pumzaw
mipa in thakhatin damna ngah pah hi; damsiangtho hi; natna zungpi panin damna ngah hi. Pumzaw mipa in ama natna
hangin gimna sangin mawhna
vangik leh Pasian
tawh kikhenna hangin
gimna a thuaklah zaw hi. Pasian sungah a tawldam mi in leitung siatna
hangin taksa natnate a kantan zo thei hi. Tua hangin Jesuh in natna zungpi
damna pia hi; tua in mawhmai-na hi.
Jesuh
in mawhmaisak hi, cih thu a zak uh ciangin biakna makaite in lamdangsa uh hi.
Amaute lungsim in Jesuh a mawhsakna thu Jesuh in a theih ciangin, amaute thu a
dong hi.
Mark
2:8, 9 sim in. Laitheite tungah bang thuhilhna kipia hiam? Jesuh in bang thu
buaipih hiam?
pusuak thu in nate piangsak hi. Ama vanglian
thupiakna hangin nate hong
piang hi (Pian.1)
Mit tawh mawhmai-na kimu thei lo hi mah taleh mawhmai-na
i ngah nadingin man tampi kipia
hi. Mawhmai-na i ngah nadingin Pasian
Tapa in singlamteh
tungah sihna hong thuak hi. Tua lo adang
na khempeuh in anihna
hi pah hi.Mawhmai-na vangliatna leh mawhmai-na tawh nuntakna a lahkhiat
nadingin Jesuh in pumzaw mipa damsak dingin a khensat hi.
Pasian
in amasa-in mawhna maisak masa hi; hih in damna taktak ngahna hi. Tua ciangin
taksa damna in zuipah hi. Pumzaw mipa bangin eite in taksa damna i ngah nadingin
thawhkik ni hong tun dong i ngak kul hi. Gimnate lakah eite Honpa
in Ama itna, hehpihna
leh mawhmaisakna sungah tu-in zong a khamuang
dingin hong deih hi.
Pasian in i thungetnate hong pia pah kei taleh koi bangin
tawldamna leh lungnopna mu thei ding i hiam?
TUESDAY August 17
Taikhia
Leitung
Cidamna
Kipawlna
( World
Health Organization (WHO))
pulaakna- ah kum khatin
awn zathum bang cinate natna
bang natna hi, cih kithei
zo lo hi, ci uh hi. Natna tampite a bulpi in lungkiatna panin hong piang natna hi. Ahi zongin Khristian biakna sungah lungkiatna thu kigen khollo
hi; bang hang hiam cihleh lungkiatna pen upna neihlohna
bangin kingaihsun pahpah hi.
A tawpna-ah Khristiante in lungdamna
leh lungnopna tawh a kidim ding mite hi lo hiam? Tua hi-in lungkiatna pen
Pasian tawh kizopna-ah a kisam
khat om hi,
ci-in ngaihsun uh hi.
Mi tampi
in hih pen man lo hi, ci uh hi. Khristian
citak mi tampi in lungkiatna,
khat veivei ciangin
dahna lianpi thuak uh hi; tua bang
ciangin amaute in upna
neih lohman, ahih keileh Pasian
muanna neih lohman
hi lo hi. Late Bu sung
sim lehang Pasian mite in gimna, lungkiatna tawh kipelh lo ahihlam kimu thei hi.
Khat
veivei
ciangin
lungkiatna
pen damdamin phawkkhak loh khatin hong
lut a, i theih ciangin lungkiatna sungah i awk khin hi. Khat veivei
ciangin manlang takin hong tung a, pumpi gimna, omdan tatdan nopsak lohna
tungtawnin hong kilangkhia hi. Gentehna-in Carmel
Mual tungah zawhna a
ngah khit ciangin, Pasian kamsang mi citak
Elijah in lungkia mahmah ahih manin lungsim leh pumpi in thahatna bangmah nei
nawn lo hi.
Elijah
in
vantung
panin
Pasian
in
meikuangkhiat
nalamdang
amuh
sawtnai lo hi (1Kum. 18). Ama thungetna Pasian in dawngin
kum thum sung guahzu
lo-in kial tung hi. Bang hangin Elijah in Jezebel kampau-na hangin lau-in
taimang hi ding hiam? 1 Kum. 19:1–5.
Elijah in sun leh zan tawlcip
hi. Tua kawmkalah ama nuntakna
in lauhuai dinmun tung ahihlam
a zak sawnsawn
ciangin a lungkiatna hong lian semsem hi. Baal kamsangte in thahna a
thuak laitakun Elijah om hi; amah mah in zong kamsang kimkhat that mai thei hi
(1 Kum.18:40). Tua bangin thuman
tawh na kisemte mu-in amah mah kihelin that ahih leh zong,tua bang kithahnate
amuh ciangin lungkhamna tawh kipelh thei lo
hi..
Tua
hi-in Elijah in tai dingin kipan hi. Eite in zong khat veivei ciangin lungzinna
pan suahtak nadingin i duh khat ne-in dawn cih bangin i om hi. Ahih keileh sun leh zan ihmu cih bangin i om hi. Khat veivei ciangin nasepna khel, ahih keileh omna inn kituah cih ahi zong a tuamtuam kikhelna
i nei hi. Khat veivei ciangin nasep zawh ding hanciamin khawl man
lo-in gimna leh hamsatna i thuak a, nopna tawh kipelh hi. Tua bang hun ciangin
mi tampi in zatui zatang tungah kinga uh hi;
gimna, lungkhamna tawh kipelh nading lampi
zong uh hi. A tawpna-ah tua bangin gamtatna
in gimna zungpi
damsak zo lo-in a puatham natna bek dam ahih manin gimna hong suak
kikkik hi. Buai-na zungpi a sih keileh
buai-na khat khit khat in hong behlap
ding hi.
WEDNESDAY August
18
Tai-zawh Nading Tha Nei Nawn Lo
Elijah in gim lua-in
tai zo nawn lo hi. Tua ahih manin amah in thungenkik hi. Hih thunget in Carmel Mual
tunga Baal kamsangte leh siampite, kumpi nasemte leh mihonpi mai-ah upna tawh
kidimin a thungetna tawh kibang nawn lo hi (1 Kum. 18:36, 37) Tu-in lungkia-in thungetna tomno khat hi.
1 Kum. 19:4 sungah Elijah in a pate sangin hoih zaw lo ahihna
pulaak hi.
Tua
thu-ah bang thu pulaak hiam?
A tawpna-ah Elijah in kisuanna
tawh kidim hi. Tua bangin
mundang khatah tai-in a
vabelhna hangin Israel sungah khanlawh nading khaktan ahihlam phawkkik hi. A mite
lungkia-sak ahihlam zong phawk
hi. Ahi zongin
bangmah sem thei lo, cimawh ahihlam zong kiphawk hi. Hih bangin a beisa
thute a ngaihsut ciangin ama nunzia, a
mipihte gamtatnate a ngaihsut ciangin lunggimna lianpi thuak hi.
Ei le ei kisittelna in khat veivei ciangin buai-na
lianpi i thuak kha thei hi.
I hihna taktak kimu thei hi lehang lungkiatna tawh kidim hun om thei hi. I
nuntakna in mawhna siatna tawh kidim khin hi taleh, Khrih sungah i om ciangin
Pasian in Khrih amuh bangin ei zong hong mu hi, cih kamciam
hangin lungdamhuai thu hi lo hiam? Hih sangin lametna
lian zaw om lo hi; upna tawh Khrih diktansakna i ngah thei hi (
Phil. 3:9.)
Bangbang
ahi zongin lungkiatna in nunna nangawn susia thei hi. Tua bang hun ciangin
sihna in lungkiatna pan suahtakna lampi
bangin kingaihsun kha thei hi. Elijah in tua bangin
ngaihsun hi. A lungkiatna pualah
hi.‘Ka nasep kicing khin hi; Topa tungah tu-in ka nuntakna
hong la in. Bang hang hiam cihleh ka pu ka pate sangin ka hoih zaw kei hi, ci-in
thungen hi (1 Kum.19:4).
Lungdamhuai
thu in Damsakpa in Elijah mawhsak lo hi. I lungkiatnate sangin Pasian in a hoih
zaw thei hi.
“Khat veivei
ciangin eite Honpa hong itna leh a hong hehpihna
i phawk kha kei hi. Ama ompihlam i phawk kha kei hi; ahi zongin
Ama itna khut in hong lenin hong hehpih hi” Ellen G. White, Steps to
Christ, p. 97.
Pasian
in i kalsuan nading i lampi sau hi, cih thei hi (1Kum. 19:7); ahi zongin khat
veivei ciangin i tai-na panin i khawl
ding hong ngak hun zong om
hi. Tua ciangin Amah in hong huh hi.
Khat veivei
ciangin tuikia khat in cimawh
lua ahih manin
amah ahon ding khat hemkhia kha thei hi. Tua bang hun ciangin amah a hun ding mi in ngak
photin, khuaphawk nawn lo-in a om ciangin
honkhia thei pan uh hi.
Anuai-a Lai Siangtho munte in lametna
leh tha bang hong guan hiam?.
Late
34:18, Matt. 5:1–3, Late 73:26, Isa. 53:4–6?
THURSDAY August
19
Tawlngakna leh
Pasian in Elijah in a tai-na
hangin a gim a tawllam
thei hi. Elijah
in pumpi taksa a gimna, a tawlna banah tua sangin
a lian zaw gimna- lungsim
vangik pua-in gimna tawh kidim om hi, cih Pasian in thei hi. Tua zawh kum za tampi khit ciangin Jesuh damsak pumzaw
mipa bangin, Pasian in Elijah tungah tawldamna
guan hi. A tawpna-ah amah in ihmu
hithiat thei-in tha thak a ngah
hi. Tua bek tawh a khawl hi lo hi; Pasian piak tawldamna in khat vei tawldamna bek hi lo hi. Pasian
sungah tawldamna in damna
tawh tonkhawm hi; a hoih lo ngaihsutna leh zongsatna hoih lote damdamin
hong bei ding hi.
Pasian in nawhsa takin damsak lo hi.
1Kum.
19:5–8. T-in Elijah in koi-ah pai hiam? Bang hangin pai hiam?
A tawlngak
khit ciangin Elijah
in tai-kik leuleu
hi.Ahi zongin tu-in Pasian
in a
tai-na mun khelsak
hi. Mawhna tawh kidim hih leitung nunzia
leh leitung in hong
lungkiatsak thei ahihlam Pasian in thei hi. Amah in gimna pelh nuamin i tai-na hong thei hi. Ahi zongin Amah in i tai-na
mun ding lam hong
lak hi. Lungkia-a tawh kisia-in i om ding sangin Amah vazuan ding a hong deih
hi. Amah zuanin i tai nakleh “ Ama hong hopihna awneem a za thei dingin a hong
hilh nuam hi (1 Kum.19:12), tua in eite tawldamna hong pia ding hi.
Elijah
in thoto-in Pasian tawh kimu dingin a
pai nading tha leh ngal nei nawn lo hi. Pasian
in Amah tawh a kimuh nadingin Elijah
thaguan hi; a hoih
zaw lametna a guan hi. Elijah in
munphiahkung nuai-ah lumin a om laitakin si nopna lungsim tawh kidim hi. Amah in a hun hoih khempeuh
beimang hi, ci-in ngaihsun hi. 1
Kum.19:15, 16 and 2 Kum.2:11 sim in. Elijah adingin bang thupha kikoih hiam?
Pasian
in Elijah maingat hunte in thu hoih tawh kidim hi, cih thei hi. Amah in Pasian
tawlngakna leh Ama hilhna bangin a kalsuan
ciangin kamsangpa tungah damna
hong tung ding
hi ta hi. Kumpi semdingte sathau- nilh kullai hi;ama
khit a kumpi sem ding tel ding kisamlai
hi. Pasian in Elisha
thei hi; amah in Elijah
tawh pata bangin
kizopna nei ahihlam
thei hi. Elijah in
upna tawh vantung panin meikuang ngen
ahihlam Pasian in thei hi (2 Kum.1:10). Elijah adingin
munphiahkung nuai-ah lungkia-in sih ding sangin sakol leeng meikuang tawh laktohna ngahin vantung tawldamna ngah hi.
Bangbang
dinmunah om taleng Pasian huhna zongin lungkia lo-in om
ding
Elijah nunzia tungtawnin i nuntakpih ding thu om hi lo hiam?
FRIDAY August
20
Ngaihsutbeh Ding:
“Tatsat lo-in a kikhel hun sungah a nungta mite ihih mah bangin kikhelna i nawkkha den hi;
hih kikhelnate in lungdamna a piansak mah bangin lungkiatna hong tun kikhelna
zong i tuak hi. Ahi zongin tua kikhelnate in Pasian in mihingte tawh ahong
kizopna a khel thei kei hi. Amah in zanni, tuni hi taleh cikmahin a kikhel ngei
kei hi.Ama hong itna tungah muanmawhna a nei lo dingin
ahong sawl hi.” Ellen G. White, In Heavenly
Places, p. 120.
Na ut a na ut kei zongin Jesuh mitsuan tawntung
inla, upna tawh ki-ap
in. Ama tha muang in. Na thungetnate in Pasian tokhom zuanin a kahtoh mah bangin
mainawt inla kalsuan
in. Kamciam hong pia Pa in ciampel
ngei lo hi. Dahna, lungkiatna na thuak zongin na lungsim tawh Amah phatna
lasasa in. Amah in na thuakna
a hong mu hi; lungzinna khuamial lak
panin khua hong vak ding a, nuamna ni hong tangin dahna meipi hong theng ding
hi. Khuamial vangiatna panin khuavak sung Ama ompihna na ngah ding hi.” Ellen G. White, Selected Messages, book 2, pp.
242, 243.
Kikup Ding Dotnate
1. Lungsim natna neite
ahih keileh lungkiat natna neite a dam kik nading uh huh ding hamsa hi. Bangci bang lampi tawh pawlpi
in tua bang natna neite muibun
takin panpih thei ding hiam?
2. Pasian mai-ah thuman
ding leh lungsim khempeuh
suahkhia ding hamsa kisa ciat hi. Late sung en
kawikawi inla, Late gelhpa in Pasian mai-ah bangzahin a lungsim
khempeuh sungkhia hiam? Koi bangin i pawlpi
tungah citak thuman
thei-in kineihkhem lo-in om
thei ding i hiam?
3. Lungkiat hun ciangin thunget ding hamsa hi. Tua bangin lungkia-a thungen
zo lo mite adingin thungetsakna vangliatnate na lawmte
tawh kikum in.
4. Banghangin
upna
in lungsim
ngaihsutna (feeling)
hi lo hi, cih i phawk
ding thupi hiam? Lungkia-in, lawpna
bei-in, lau-na leh lunghimawhna in Pasian muanlahna ahih keileh upna
neihlohna hi pah lo hi. Pasian up lohna leh muanlahna hi lo-in lungkiat hun, lawpna neihloh
hun, lau-na leh lunghimawhna thuak kha zel hi lo i hiam? Hih bang hun ciangin
bangbangin hamsa taleh upna lenkip tinten ding thupi mahmah
hi lo hiam?
5.
Mawhna tawh kidimin
natna satna na thuak hangin pumzaw-natna nei mi in
damna a ngahna
tungtawnin lametna bang na nei hiam?
