Innkuan Kizopna Sungah Tawldamna
Sabbath Nitak
Tu Kaal Sung Sim Ding:Pian. 34; Heb. 11:17–22;
Thkna. 4:29; 1 John 3:1,
2; Pian. 39;
Eph. 6:1–13.
KAMNGAH:” Tua ahih ciangin ka itte aw, hih thute theikhol unla, ngeina man zui lo mite’ khemna zuikha-in na bulkip panun na pukkhak loh nadingun na kidawm un. 18Hehpihna thu le i Topa le Honpa Jesuh Khrih theihna thu-ah na khangto semsem zaw un. Tuhun a kipanin a tawntungin amah in minthanna ngah paisuak tahen. Amen (2 Peter 3:17, 18).
Khangno khat in sak leh khang,
nisuah nitumna mun cihtengah kual vak
kawikawi hi. A tawpna-ah a zonzon a sanggamte mu petpet hi. Tua bangin a sanggamte mu dingin a zon ni tampi cingkhin hi. A sanggamte
a galmuh ciangin nuamlua-in a
khut vaanin galsap hi. Ahi zongin a sanggamte in amah thah dingin ngaihsun uh
hi. Reuben om lo hi leh tua munsan taka amah in thahna thuak ding a, ama
tangthu a bei hi ding hi. Reuben in a sanggam
dangte tungah limtak a gen khit ciangin
tangvalpa tui om nawn lo tuikhuk khatah a khiasuk uh hi. Tua
khit ciangin Judah hong pai-in tuikhuk sung panin a sanggampa lakhia-in namdangte
sila dingin sum tawh zuak dingin a ngaihsun
hi.
Bangzahin
akisia innkuan hiam! I nuntakna-ah deihtel theihding tampi om hi; i pianna
innkuan ahihleh deihtel theihna tungah kinga lo hi. A kicing kuamah om lo hi. Innkuan
kicing om lo hi; innkuan
sung kizopna-ah bangmah
paulap nei lo kuamah
om lo hi. Nu le pa, sanggam u le nau kizopna
in Pasian hong itna kilangsak ding hi. Ahi zongin innkuan
tampi in tua itna kilangsak
lo hi. Innkuan tampi in siatna
leh buai-na tawh kidim hi; innkuan tampi sungah
tawldamna kimu lo hi.
Koi bangin innkuan sungah Pasian tawldamna ngah thei ding i hiam? Joseph leh ama innkuan sung thupiangte in, buai-nate panin Pasian in damna leh kilemna hong ngahsak thei ahihna thute tu kaal sungin i pulaak ding hi.
SUNDAY August 1
Innkuan sung buai-na (Dysfunction at Home)
Joseph in innkuan sung buai-na tuak hi. A pu sawn Abraham leh Sarah
buai-na panin hong kipan hi. Sarah in tacil ahihlam
a kitheih ciangin
a pasal Abraham in a nasem nu
Hagar tawh ta nei dingin sawl a, a pasal in zong mangpah hi. Hagar in naupaai a, tua akipan
a tonu tawh buai-na hong kipan
hi. Tua bangin innkuan sung buai-na
hong kipan a, Ishmael leh Isaac
kikhenlawh uh hi. Isaac in Esau maipha
pia zaw hi. Jacob
in ahihleh a pa itna leh a pa maipha ngah zawh nadingin
hanciam tawntung hi. A nungciangin Jacob in nungak
unau nihte a zi dingin
tenpih hi. Hih unaute nih kikalah buai- na
hong tungin ta neihna tawh
kido uh a, a nasem numeite uh tawh a neih uh tate
zong Jacob ta dingin koih uh hi.
Pian.
34 sunga thupiangte enpha in. Bang thupiangte in tangvalno Joseph
leh a innkuan sungah lunggimna leh innkuan sung siasak hiam?
Nu-te kithutuah lohna hangin tate sungah buai-na
hong tung hi. Joseph
u-te in Shechem khua a om pasal
khempeuh that khin uh hi. Josephte unau sungah a u pen Reuben in a naute thuzawhin, Rachel nasem nu leh Jacob ta
tampite nu – Bilhah luppih ahih manin a pa a simmawhna hong suak hi (Pian.
35:22). Tua kawmkalah Joseph sanggampa Judah in a mo nu pen midang nungak
kizuaksa-in luppih a, amah tawh ta nei-in,
ta-peeng nei uh hi
(Pian. 38).
Jacob in innkuan sungah
buai-na a om khinsa buai-na
behlap hi; Jacob in Joseph adingin puantual hoih mahmah
khat a guan hi (Pian.
37:3). Innkuan sung buai-nate
in siampite innkuan
sung zong pengtuan
lo hi.
Bang hangin
Abraham, Isaac, leh Jacob cihte
in upna thu-ah
pate hi uh hi; amaute in innkuan sung buai-na tawh kipelh lo hi.
Pasian
in tanglai upna pate a upna leh amau tung pan a lamen bangin amaute in cin zo
lo uh hi. Amaute innkuan sungin bangbang siatna tawh kidim phial taleh, Pasian
upna lianpi nei innkuante hi, ci-in kiciamteh hi. Amaute in Pasian upna, itna leh muanna tawh innkuan sung hamsatnate a zo thei uh hi.
Bangci bang
innkuan sung buai-na panin
na khangkhia hiam?
Koi bangin Topa tungah kipumpiakna leh Ama lampite
in innkuan buainate panin suakta- in a nuam innkuan
hong hi-sak thei hiam?
MONDAY August
2
A Thak Kimakaihna Sungah Kalsuan
Joseph
in hamsatna leh innkuan sung buai-na a thuak hi. Amah in sila ding zuakna thuak
a, Egypt lamzuanin a pai-na
lampi-ah lunghimawhna tawh kidim hi. Lam tawntungah a khitui
luang hi. “Joseph leh amah a lei-te tawh Egypt lamzuanin a pai uh hi. Sehnel
gam vanpua ganhingte tung tuangin Canaan gamgi a tun uh ciangin Joseph in a pa
buk omna mualtungte a galmuh hi. A pa kia om ding a, lunggim mahmah
ding hi, cih a ngaihsut ciangin
khitui luangin kap hi. Tua bang mahin Dothan mun a tun ciangin a khitui
luangin kap leuleu hi. A
mitkha-ah hehna tawh kidim a
sanggamte muh a, amau gitlohna lungsimte amu hi. A sanggamte hehna, thangpaihna
leh amah amuhdahna kampaute
in Joseph bilkha-ah a gingging
hi. Lau-na tawh kidimin
a mailam hun ding a ngaihsun hi. A pa itna
tawh kidim inn sung panin tu-in simmawhna leh nawlkhin thuakin
sila khat hong suak hi. Amah kia bek hi-in lawm le gual om lo hi; a theih ngei
lohna munah bang tuak ding cih a thei khol
kei hi. Joseph in tawl khat sung dahna
leh lau-na tawh a kidim
hi..
“Tua
ciangin a pa biak Pasian tungah kinga ding hong ngaihsun hi. Joseph, aneu tung
akipan Pasian it ding leh zahtak dingin kihilh den hi. Jacob in a tangval
lai-in inn panin mun dangah galtai-in a pai-na lamkal a giahna-ah Pasian
in a lah thute Joseph
tungah a gen kik thute, tu-in Joseph in a ngaihsunsun hi..Pasian in a pa
a ompihnate Joseph maitangah kitel takin hong kilang hi. A pa a ompih Pasian in
amah zong ompih ding hi, cih Joseph in upna nei hi. Tua ciangin
Joseph in anuntakna khempeuhah Topa tungah a kipia hi. Israelte a Kempa
mai-ah Joseph khukdinin saltanna namdangte lakah Topa ompihna a ngen hi.” Ellen G.
White, Patriarchs and Prophets, pp. 213, 214.
Mun
khatkhatte-ah
beh
leh
phung
sangin
mimal tawh dinmun thupisa zaw uh hi. Lai Siangtho in ahihleh anihin tonkhawmsak hi; Pasian tungah mimal
ki- apna leh minam buppi-in ki-apna pulaak
hi. Joseph in ahihleh amahmah in
Pasian tawh kizopna nei-in
Ama tungah kipumpiak
dingin a khensat
hi.
A nuai-a Lai Siangtho
munte in mimal
ki-apna bang hong hilh uh hiam?
(Thkna. 4:29, Josh. 24:15, 1 Khang. 16:11, Late 14:2, Pau. 8:10, Isa. 55:6).
Tawldamna i ngah nadingin
mimal khat ciat in Pasian
nung a zui dingin khensatna kisam hi. I pu, i pate in dawibia biakna
sung panin a khangkhia hi phial
taleh, tua upna i nusia thei hi; zuih loh phamawhin a kipelh thei lo thu hi
lo hi. Pasian in tanu tapa bek nei hi; tu nei lo hi, cih phawk in.
Banghangin
na nuntakna nisim, tatsat lo-in Pasian tungah ki-ap ding thupi hiam? Na ki-ap loh
hun ciangin bang piang hiam?
TUESDAY August 3
Nuntak
Manneihna Taktak Muhna
Joseph
in innciah kik ding leh taisim kha leh ci-in amaute in nawhsa takin Egypt zuan
uh a, Egypt a tun uh ciangin amaute in milian mahmah khat tungah
a zuakkik uh hi. “Tu-in
Egypt-ah Josef kipaipih
suk a, tua lai-a a paipih Ishmael mite tung panin Egypt mi, inncing
mangpa, Faro’ nuai-a mangpa
Potifar in amah na lei hi” (Pian. 39:1).
Khangno lai mahmah
Joseph in a theih
ngei loh pau leh ngei-na
lakah a tung hi.
I innkuan leh mi tawh kizopnate
in i nuntakna
in manpha ahihlam theihtelna hong guan thei hi. Joseph in a sanggam
dangte sangin a tuamdeuh ahihna
- Jacob in Rachel
tawh a neih tate lak pan ta u pen ahihlam zong thei hi (Pian.
29:18). Hi mah hi; Joseph in a pa
Jacob it tuamdiakna ngah hi; tua hang mahin amah bek mah in mel tuamtuam nei
puan hoih mahmah a ngah hi (Pian. 37:3, 4).
Ahi zongin
tu-in amah bang dinmunah om hiam? Sila, a tote in amau ut
bangbangin zuak thei uh hi. A nunzia
manlang takin kikhel
ahihna ngaihsun in. A dinmun kikhelna
thu ngaihsun in.
Eite
khempeuh in i nuntakpih ding thu Joseph in zong na sinkha hi. I nuntak man neihna in mi tungah
a kinga ding hileh, lungkiatna leh lungzinna tawh
kidim nunna sungah a nungta ihi ding hi. Bang hang hiam cihleh i dinmun tawh i lungkimzo
kei hi; kei kua ka hiam cih bang sem ka hiam cihte tawh i lungkim zo kei hi.Tua
hi-in midangte in kei bang hongci muh uh hiam cih
tungah kinga lo-in Pasian muhna panin bangci
mi ka hi hiam;
Pasian in bangci bangin hong mu hiam cih thu sungah i manphatna om hi,
cih thu i phawk ding kisam hi.
Koi
bangin Pasian in hong mu hiam? (Isa. 43:1; Mal. 3:17; John 1:12; John 15:15;
Rom. 8:14; 1 John 3:1, 2).
Pasian in Ama mai-ah
i om ciangin hehpihna lungsim
tawh hong mu hi.
Amah in i sungah eite ngaihsut ngam loh hoihna, leh siamnate mu hi. A tawpna-ah Amah in eite adingin a nuntakna piakhia
dingin kiging hi; tua hileh eite in Ama piansak
kikna thak tawh a hong bawlpha thei ding hi. Eite mawhna
in lianin mawhna sung pan a hong hotkhiat nadingin
man lian mahmah
pia khia ding hi taleh, Singlamteh in eite manphatna
leh Pasian mai-ah
manpha ihihna hong lak hi. Midangte in bangbangin ahong mu uh zongin Pasian in eite hong it hi; tu-in mawhna ukna sung pan hong honkhia
banah tawntung sihna panin zong a hong honkhia
ding hi ta hi.
Tua hi-in a kikhel
ngei lo kidot ding a bulpi in koi bangin
Jesuh lah khiat mah bangin Pasian hong itna dawngkik
ding na hiam?
Mi kim khat in bangbang dinmun tawh nungta
hi taleng ihihna bangbang
tawh ei mahmah ki-it ding hi, ci uh hi. Bang hangin hih in ei le ei kikhemna
hiam? Banghangin i manphatna leh i hihzawhna
taktak in mihing
sung pan hi lo-in, eite hong
Piangsakpa tung pan hong pai ding hi, cih thu in thupi hiam?
WEDNESDAY August 4
Pasian Lampi Zui-in Mi tawh Kizopna
Joseph in Egypt gam a tuntungin
thu hoih vive tawh kidim
hi. Amah mah Topa
ki-ap hi; Topa bek mah muang
hi. Pasian in Joseph thupha pia hi. Potiphar
inn sungah lamet ngam loh zah dongin
thupha tung hi.
Bangci bangin Pasian in Joseph nuntakna
thupha pia hiam? Joseph in mi tawh koi bangin kizopna
nei hiam? Pian. 39:1–6.
Joseph
in Potiphar tawh a kizopna-ah bangmah nawngkai-na nei lo hi mah taleh a
innkuante lak panin buai-na hong kipan hi. Innkuan sung pan khat in omkhawng
thei lo hi.
Joseph in mi tawh kizopna-ah bang
hamsatna thuak hiam?
Joseph in koi bangin tua hamsatna nawktan ding
khensat hiam? Pian.39:7–10.
Joseph
in Potiphar zi tawh kizopna-ah buai-na thuak hi. Potiphar zi in buai-na nei hi. Amah
in midangte van leh na bangin ngaihsun
hi; ama ut thu
bangin mi zat sawm hi. Amah in ama lunggulhna a tangtun nadingin
Joseph zat ding
ngaihsun hi. Joseph
in tangval duang
hoih khat leh mel hoih mahmah
khat hi (Pian. 39:6). Lai Siangtho in tua bang pualam hoihnate
tam gen khol lo hi. Bang hang hiam cihleh Pasian in mite et bangin
pualam hoihna zong lo-in Topa in lungsim en hi” (1 Sam. 16:7). Hih munah Joseph duang leh mel hoihna in sianthona leh Pasian thuman
tungah cihtak nadingin hamsatna khat hong suak
hi.
Tua
numei in zolzol taleh Joseph in mawhzolna lehdo hi. Joseph in mi tawh – Potiphar
zi tawh kizopna-ah Lai Siangtho hong hilh mi tawh kizopzia ding nuntakpih hi. Mi tawh
kizopzia ding Lai Siangtho hong hilh thute in tuhun tawh kituak nawn lo hi, cih om lo hi. Bang hang hiam cihleh
mawhna thaman in nungzuih pah hi.
Potiphar zi in Joseph
khat vei bek hi lo, tampi vei zol hi,ci hi. Potiphar
zi in Joseph a ngah mateng
hanciam hi (Pian.39:10). Joseph in ama khensatnate
pulaak pahpha a, ahi zongin tua bangin a gen hangin Potiphar zi in khawl
thei tuan lo hi (Pian. 39:8, 9).
Joseph
in midangte khensatna tungah ukna nei lo ahihlam phawk hi. Tua hi-in a kim a paam ah bang bang piang taleh Joseph in mi tawh a kizopna-
ah itna teh zahtakna tawh kizopna nei hi; tua in Pasian
a zahtakna leh a itna hi pah hi. Hih bangin a khensat
ciangin Joseph in zia-etna a zo thei hi.
Mi
tawh na kizopna-ah, midangte in na tungah hong thuman kei taleh, Lai Siangtho
hong deihsakna na zui ngei hiam? Koici
bang mi tawh kizopna na nei hiam? Matthew
5:43–48 sim im. Banghangin tua bangin nuntak
ding thupi hi ding hiam?
THURSDAY August
5
Mimal In I Phutkhak Kidona Lianpi
I theihsa bangmahin (Pian. 39:11–20), Joseph in thuman tungah a cihtakna hangin gim thuak hi. Amah in thongkiatna thuak
hi.Bangmah thusitna nei lo-
in Potiphar sila ahih manin thahna thuak thei dinmun hi. Potiphar in a zi
pulaak thu um lo hi; ahi zongin ama dinmun a hut nadingin a sep khiat kul
pelmawh hi. Bangbang gimna sung tung taleh “ Topa in Joseph a ompih hi” (Pian. 39:21).
Hih
leitung in thuman vive tawh kidim lo hi. A pha i bawl zongin hoihna kingah
tawntung lo hi. Siatna bawlte gim kipia pahpah lo hi. Ahi zongin i lungdam
nading thu a om hi. Ama mawhna
lopi-in thongkiatna thuak
taleh, Joseph in thonginn
sungah tawldam thei hi; bang
hang hiam cihleh
Pasian in amah ompih
hi. Thonginn sungah
thuman lo-in a tuahkhak thute
ngaihsun lo- in tua thute
Pasian ap thei hi.
Joseph in a thongkiat sungin
bang sem hiam?
Koi bangin thonginn sunga mite tawh kizopna bawl hiam? Pian. 39:21–40:22.
Thonginn sungah
Joseph in ama lunggulh thute
ngaihsunsun lo-in a sep
theih bangbang sem hi. Amah
in mi huh hi. Joseph
in thonginn sungah ama
sepnop bangbang limtakin a sep theih loh hangin ama hih theih bangin mi huh hi. Amah mah in huhna kisam lo hi lo hi; amah mah in genthei mahmah hi. Amah in pharaoh haitawi pa huhna ngen hi; haitawi pa mangmat a khiatna
gensak hi.
Paul
in Ephesians 6:1–13 sungah bang thu lianpi hong hilh hiam?
Mihingte
khat le khat i kizopzia in Pasian leh Satan sawtpi kidona limcinna khat hi. Cihnopna-ah mihingte khat le khat i kizopna in kicing khin lo hi. Kizopna in a nungta kizopna
leh a khangto ding ahi hi. Satan in mihingte khat le khat kizopna susia nuam
tawntung hi. Satan in ikizoppih mahmahte tungtawnin nasemin, lungsim natna,
kisiatna Pasian hong deih thute susia dingin hanciam hi. Hih kidona sungah eima
tha kia bek a do dingin hong omsak lo ahih manin i lungdam ding ahi hi. Pasian
Kammal in mi tawh kizopzia
ding hong hilh hi. Mi tawh kizopna-ah Amah in pilna
hong guan dingin hong kamciam hi (James 1:5). Topa in Joseph a ompih mah bangin mi tawh hamsatnate-ah eite zong hong ompih dingin
kamciam hong pia hi.
James 1:5 sunga Pasian kamciam ngaihsun
in. Mi tawh na kizopna-ah a hong huh dingin
pilna ngen in. Koi bangin
mi tawh kizopna-ah Kha Siangtho
hong makaihna ngah ding na hiam?
FRIDAY August
6
Ngaihsutbeh Ding: Potiphar
zi mawhzolna hangin Joseph tuahkhak thu tawh
kisai-in Ellen White in hih bangin gelh hi: “Hih in leitung
mi khempeuhte etteh ding ahi hi. Pasian in hong huh ding hi; Kha Siangtho
in kidalna luum hi ding hi. Zia-etna khauh mahmah
taleh tua zia-etna nial zawh nading leh zawhzawh nading tha a om hi. Joseph
thuak zia-etna in lian mahmah hi. Makai, huzaap lianpi khat tung pan zia-etna
thuak hi. Ahi zongin Joseph in
manlang takin kihemkhia-in tua mawhzolna khauhtakin a nial pah hi. Joseph
in ama deihna khempeuh leh lunggulhna khempeuh
Topa khut sung a ap hi. Tawlkhat sung gentheihna thuak ding hi
taleh, Joseph in a thupi dinmun luahkik ding kigingsa-in a om hi. A man lo-in mawhsakna thuak taleh Pasian in Joseph gamtat hoihna kemcing
hi; a hun a tun ciangin ama hoihna
kilangsak veve hi. Pasian in Joseph adingin
thonginn sung nangawn
laptohna mun a suaksak hi. A hun a cin ciangin gamtat
hoihna gah a at veve hi. Joseph in Pasian a kihtakna, luum bangin siatna
a dalna hong suak hi; a topa tungah
Pasian tungah cihtakna man hong suak hi. A topa lungdam theih lohna nunghei-in, a topa in honkhia zo kei taleh,
a topa in Joseph bangin
citak ding a thei ngei kei hi.”Ellen G. White, The Spirit of Prophecy, vol. 1, p. 132.
Kikup Ding Dotnate
1.
A min bekin Khristian hihna leh ngei-na
zui-in Adventist hihna in khat le
khat kizopna in tawldamna hong
pia thei lo hi. Thu-um mi taktak leh ngei-na zui-in
Adventist thu-um mi khat kilamdanna in bang hi ding hiam?
2.
Thu-um numei
khat in pawl hong lut thak hi. Thu-um mi pasal nei hi. A zi in a pasal it mahmahin
ahi zongin a pasal in a zi kikhelna bangmah
mu lo ahih manin a zi it thei lo hi. Lai Siangtho
siksanin pawl sung hong lut thak mi khat makaih thei ding na hiam?
3.
Russian laigelh mi minthang Leo Tolstoy in hih bangin laigelh hi: “A
lungdam innkuan khempeuh
in kibatna khat
nei tek uh hi. A lungdam thei lo innkuante in zong kibatna khat
nei ciat uh hi,” ci hi. Hamsatna nei lo
innkuan kuamah aom kei hi; a tam leh a tawm hamsatna om hi. Bang hang hiam cihleh eite khempeuh in mawhnei mite ihi hi; tua in innkuan
sung kisiasak hi. Koi bangin
Pasian hehpihna
siksanin khat le khat kihuh, mawh kimaisakin, van kipuakpih
thei ding i hiam? Tua in innkuan
kizopna in cidam ding hi lo hiam?
4.
Innkuan tampi in innkuan
sung nuamsa ciat uh a, ahi zongin
lamet lohin dongtuahna thuak uh hi. Tua bang hun ciangin
banghangin upna lenkip a, Pasian kamciamte muan ding
thupi hiam? Nuam i sak hun sungin bang hangin hunsia
adingin kiginkholhna in thupi hiam?
