Lungkhamna
Zungpi
Sabbath
Nitak:
Tu
Kaal
Sung Sim Ding: Matt. 10:34–39, Luke 12:13– 21, Phil. 2:5– 8,Luke
22:14–30, Matt. 23:1–13.
Taksing nam khat pen a kung pi 45- 90 bang sang thei hi. Hih singkung namte in khuavotna munah nungta hi. Hih singkungte in inn
sung vanzat tuamtuamte, laidal leh meigit bawl nadingin kizang hi. Sakhi leh gamsa tuamtuamte in hih singkungno tehte ne uh hi. Hih singkungte
in nitang deih hi. Tuk leh khal, phalbi
cih om lo-in hing tawntung uh hi.
Phalbi hun sungin zong gamsate nek bel khatin om hi.
Hih
taksing namte zung in singkung nam khempeuh lak panin a zung pha penpen hi. A zungte in lei sung thukpi zelsuk uh a,
tua panin mun zaipi huamin zaam uh hi. Hih singkungte in kum 150 val bang hingsuak
thei uh hi. Ahi zongin
leinuai-a om a zungte in kum tul tampi hing suak thei hi.
Tukaal
sung
thusin
ding thu in i lunghimawhnate zungpite i pholak khia ding hi. Jesuh sungah tawldam
ding a hong khaktan theite
i dal theih om hi. Tawldamna ngah ding a hong dal thei thute
in thuthukpi zong hi khol lo hi. Singkungpi
a zung akimuh loh mah bangin tawldamna hong dal thute i phawk kha kei zel hi. Honpa tawh a hong kigamla-sak thei lungsim ngaihsutna leh gamtatnate i phawk kha kei
zel hi.
SUNDAY July 11
Jesuh in Kikhenna Piangsak
Kilemlohna deih mi tam lo ding hi. Kilemna
leh daihna a deih mite ihi hi. Biakinn, sanginnte leh mun
tuamtuamte-ah kilemna tawh kisai thusinnate, buai-nate leptuahna cihte genin thusinnate kinei
hi.
Matthew 10:34–39
sim in. Jesuh in kilemna
pia dingin hong pai ka hi kei
a, kido-na namsau tawh kong pai hi, ci-in a genteh a khiatna in bang hi ding
hiam? Jesuh in “Kilemna Kumpi hi,” cih thu in bang hi ding hiam (Isa. 9:6)?
Jesuh
thugen Matthew 10:34–39 in mite lamdangsak thu hi. Honpa in vanglian
kumpi leh amah a cing ding galkap honpi tawh hong pai lo-in bangmah
hih thei lo naungek khatin hong pai hi. Amah in vengte leh galte it ding
thu hong hilh hi. Tu-in ama nungzuite tungah
kilemna pia dingin
hong pai ka hi kei
a, kikhenna leh hamsatna piangsak
dingin ka hong pai hi, ci-in pulaak hi.
A nungzuite leh tua thu a za mi khempeuh in lamdangsa-in, nang le kei in zong koi bang hi ding hiam, ci-in i
ngaihsun hi.
Matthew
10:35–39 in cihtakna leh kipawlna tawh kisai thu hi. Jesuh in Micah 7:6 siksanin a pulaak hi-in,
Ama thuhilhna a za mite in tawntung
ading khensatna nei dingin a thuhilhna hi. Ta in a pa it ding a, zahtak hi. Hih pen Moses in mual tung
panin a ngah thukhun hi. Pasian in tua dingin zong kisamsa hi. Ahi zongin ta in Jesuh ahih keileh a nu le pa kua it zaw ding cih khensatna nei ding leh, hih munah khensatna lianpi
kisam hi. Nu le pa in tate
it ding leh kem ding uh hi. Ahi zongin tate a itna uh sangin Jesuh it zaw
dingin khensatna lianpi
kisam hi. A masa-in
koih dingte masa-sak ding kisam ahihna Jesuh in hong hilh hi.
Jesuh in hih deihtelna thu laigual thum tawh pulaak
hi; Pasian mai-ah
a kilawm nunzia pulaak
hi. Tua bangin Pasian mai-ah kilawmna in gamtat zia le tong dinmun sang tungah kinga hi lo
hi; mawhna zawhna tungah zong kinga lo hi. Pasian mai-ah kilawmna ngah theihna a hangin
Jesuh tawh kizopna
hi. I nu leh i pa, tate a kipan na khempeuhte sangin Jesuh i masak zawk
ciangin Pasian mai-ah kilawmna ngah ihi hi. Jesuh thuakna
singlamteh zui- in Ama nungzui dingin
a khensat hi.
“Khangnote
in Jesuh singlamteh pua-in Ama nungzui dingin a tonpih biakna siangtho sungah a
om ding uh sangin ka deihsak zawk a sang zaw
dinmun ka nei kei hi. Khrih nungzui khangnote aw kuankhia un; thuman
kimakaihsak un; sianthona leh dikna thu puan bangin silh unla. Nangma Honpa in
hong makaih ding a, na siamnate a hoih penin zangin na kizat theihna mun hoih penah a hong tonpih ding hi.” Ellen G. White, Testimonies
for the Church, vol. 5, p. 87.
Khat
veivei ciangin eima khensatna om lo-in thuzawhna tawh a hong kisawl manin
singlamteh i puak hun om kha thei ding hi. Tua bang ciangin kipiakkhiatna tawh
singlamteh a pua ihi hi. Kipiakna tawh singlamteh na pua a, thu zawhna
tawh na pua ahi zongin,
bang thu siksanin
cihtakna tawh singlamteh pua
na hiam?
MONDAY July 12
Angsungkhual
Taksingkung
a zung in leinuai-ah thukpi-ah munkip a lak bangmahin huaiham angsung
zonna in mawhna
zungpi hong suak hi; mawhna
in Jesuh sungah
tawldam ding hong dal hi. Mawhna khempeuh lakah huaiham angsung
zonna in olno
takin mawhna sung hong tunpih,
a kilangkhia penpen
mawhna hong suak hi, hi mah lo hiam? Mi a tam zaw in huaiham
angsung zonna pen mawhna-in ngaihsun nawn lo-in ngei-na bangin ngaihsun uh hi.
Luke 12:13–21 sim in. Jesuh thugentehna-ah thulian buai-na bang pulaak
hiam? Mailam hun ading geelkholhna in Pasian gam ading kinlohna leh
angsung zonna hi ding hiam? Hi lo ahihleh Jesuh in bang lauhuai thu vauhilhkholhna nei hiam?
Hih
thugentehna in Luke sung bekah kigelh hi. Mipi sung panin min kithei lo mi khat in a thudot
Jesuh in a dawnkikna hi. A pa in gamh hawmsak
dingin ngen a, Jesuh in tua unaute thu khensak
hi. Jesuh in amaute buai-na bulpi- huaihamna thu pulaak hi.
Gamtatna khempeuh in huaihamna panin hong phu khia hi.
Na nuntakna-ah huaihamna tawh na gamtatnate ngaihsun in. Koi bangin
huaihamna in Pasian tawh kizopna,
innkuan sung kizopna, pawl sung kizopna
veng le pam tawh kizopna,
naseppihte tawh kizopna
sukha hiam?Philipians 2:5–8 sungah
bang thu bulpi
kigelh hiam?
Jesuh thugentehna-ah mihau pa in ama kitangsapnate leh ama deihna bek bulpi-in nei a kimu thei lo vantung
thute a kin kei hi. Leitung nate sangin
Pasian gam ki-ukna thu guipite in lian zaw, hoih
zaw thuk zaw hi. Paul in a
pulaakna-ah Jesuh in eite aitangin
a hong kipia Pa hi dingin a tawsawn thute hong hilh hi.
Philippians 2:5–8 in huaiham
lo, kiniamkhiatna leh itna thute hong hilh hi.
Pasian leh midangte
itna in i nuntakna, i lungsim, thukhensatnate a hong makaih kei leh leitung
hauhna ding bekin nasemin vantung
sumkholhna-ah bangmah nei lo mi i
suak ding hi (Matt. 6:20).
Bang hangin
neih leh lamh, van leh nate deihna
lungsim in hong ukcip
baih mahmah
hi ding hiam? Nisim annek tuidawn ding,
silh leh teen kitangsapna tuamtuamte adingin sum kisam mah hi. Bang hangin
i neih zah sum tawh
kilungkim zo lo hi ding hiam?
TUESDAY July 13
Ngimna
leh tupna
Jesuh in singlamteh tungah
khailupna a thuak
madeuh nipi kaal nunung
sung a nunziate in thu zuihna-ah lawpna leh tha hong guan thute hi. Tua thute in leitung lunghimawhna leh leitung nate iplahna tawh kidim mite thuak
ding thute zong hong hilh hi.
Luke 22:14–30
sim in. Jesuh leh a nungte in nitak an nekhawm uh a, tua hun sung mahin nungzuite in amaute
lakah kua in lian pen ding hiam, ci-in khat le khat kidemna kampaute Jesuh
in a zak ciangin amaute tungah a lungsim puakzia ding ngaihsun in ( Luke
22:24). Bang hangin nungzuite in kiniamkhiatna
in manpha ahihna
phawk kha lo-in
mihing kiliatsakna mitsuan uh hi ding hiam?
Pawl
sung, innkuan sung, nasepna munte-ah kua in
a lian pen kigen khiakhia khol lo hi. I lungsim sungah
i ngaihsun kha thei mah hi; ahi zongin
mi tungah kigen lo hi. Nungzuite in amaute lakah kua in lian pen ding hiam cih
thu a kidot uh khat vei bek hi lo hi. Matthew
18:1 sungah Jesuh
kiangah Nungzuite hong pai uh a, ngaihsut ding thu khat Jesuh vadong uh hi. “ Tua ahih
leh vantung ki-ukna
sungah kua in a lian pen hi ding hiam,
ci-in Jesuh a dot uhteh, Jesuh
in amaute thu a hilhpah
hi. Jesuh in a kiangah
naupangno khat samin, nungzuite laizangah a koih hi. Mittang khempeuh in
naupang en uh hi; bang hi peuh mah ding hiam cih ngaihsutna tawh kidim ciat uh hi.
Jesuh gamtatnate in khiatna nei hi; Matthew
18:3 sungah, a Topa un amaute zakin, “ A mantakpi
kong genin ah note in hih naupang
bangin na kikhel
kei uhleh vantung gam sung na lut kha kei ding uh hi,” ci hi. Jesuh
sungah tawldam ngah nadingin
kikhelna in a bulpi hi. Huhna kisam
ihihlam i phawk ding kisam hi. Mihing
tungah kingakna in a mawkna
hi; Jesuh tungah
kingak ding kisam hi. Tua ciangin i ngimna tupnate hong kikhel ding a,
manpha i sak thute zong a hong kikhel ding hi. Jesuh in a nungzuite tungah:
Naupang khat bangin Keimah
hong muang un; kei tungah hong kinga un. Liatna
taktak in na ngah ding hamphatna
nusia-in vantung thu manphate nuntakpihna hi. Nungzuite in Jesuh tawh a nunung pen nitak annek khopna hun a tundongin hih thu nuntakpih kha lo uh hi.
Amaute ki-elna leh kidemna tuamtuamte in Jesuh tawh kikholhna hun manpha
susia-in cikmah hunin tua bang hun mahpha a ngah kik thei nawn kei uh hi.
Nungzuite
in Jesuh tawh kum tampi nungta khawm, nasem khawm, a thuhilhnate za-uh hi napi nungzuite sungah bangmah kilamdanna om lo hi. Mihing lungsim
bangzahin sia-in dahhuai
hiam, cih kilang
hi. Ahi zongin
thu hoih lam ngaihsun
lehang, Topa hehpihna in amaute nusia
ngei lo hi; amaute khat le khat in tungnung
kituh uh hi taleh, Jesuh in amaute
nusia ngei lo hi. Mihing in ei le ei kiliatsakna, kiphatsakna thang sungah awk pahpah ihih manin tuate a hong zawhpih dingin bang hangin singlamteh tunga Jesuh
hong sihna i mitsuan ding thupi hiam?
WEDNESDAY July 14
Kineihkhemna (Hypocrisy)
Kineihkhem mi cihte pen ama hihna lo khat ama hihna bangin
gamta mi hi. Jesuh in
laitheite leh Pharisee-te a taihilh gawpna-ah, kineihkhem cih kammal Matthew 23 sungah sagih vei kimu hi. Kineihkhem cih pen Jew biakna
makaite zia le tong hi (Matt. 23:13, 14, 15, 23, 25, 27, 29). The Gospel Thu Bu-te in Jesuh in numei pasal
mawhna a bawlte,
siahdongte, a kizuakte,
mithatte hehpihin a mawhna uh maisak hi, cih hong hilh hi. Ahi zongin Jesuh in
kineihkhemna ahihleh maisak lo hi (Matt. 6:2, 5, 16; Matt. 7:5; Matt. 15:7–9;
Matt. 22:18).
Matthew
23:1–13 sim in. A kineihkhemte omzia Jesuh pulaak thute gualsuk in.
Jesuh in laitheite leh Pharisee-te tatzia
thu li pulaak hi. Kum zalom khat sunga om Judaism in Pharisees zia le tong, amau bek mah thuman kisakna thute pulaak hi. Amaute in suang
tunga kigelh thukham hi taleh kam tawh kipulaak thukham hi taleh, siantho-na ultungsak
mahmah uh hi. Sadducee-
te pen hauhna tawh kidim makaite hi-in, siampi nasem tam zaw uh hi. Sadducee a
tam zaw in Greek kampau leh ngei-na zui uh hi. Amaute in Greek kampau
zang uh a, Greek ngaihsutnate zui uh hi; amaute
thukhenna leh sihna pan thawhkikna thu a um kei uh hi. Amaute pen thu
zuihna-ah a laihawl zui uh hi. Pharisee ahi a, Sadducee
ahi zongin a nihun kineihkhemna tawh nungta uh hi.
Jesuh hong hilh bang mahin i gen bangin
sem kei lehang mi kineih
i suak hi. Ei mahmah in zui
lo napi-in midangte zuih dingin a gengente, ei phatna hong kipakta
ding lunggulhnate, vantung
i Pa pahtawi na leh minphatna pia lo-in ei le ei kipahtawi-na cihte
in kineihkhemna hi.
Jesuh
in kuama maitangzah lo-in a kineihkhem mite a thuhilh hangin, amaute tatzia
hoih lo a deih lo hi bek hi; Jesuh in amaute it veve, hehpih tawntung hi.
“Pasian
Tapa
in
biakinnpi
leh
mihonpite
amuh
ciangin
a maitang in vantung
itna pulaak hi.A kam panin awging
in lungsim gimna leh dahna khituite pulaak
hi, “ O Jerusalem, Jerusalem, nang kiangah kamsangte kong sawl a, ahi
zongin amaute suangtawh dengin amaute
na that hi. Akpi in a kha nuai-ah a note ahuai bangin, nang Jerusalem aw
kong hu nuam hi. Akpi in a note a kaikhop bangin nangmah kaikhawm dingin kong
sam a, nang na ut kei hi.” Ellen G. White,
The Desire of Ages, p. 620.
Jesuh
in biakna makai kineihkhemte a mawhsak bangin, banghangin nangmah in kineihkhemna leh mawhsakna kisam ding na hiam? Koi bangin
kineihkhemna tawh nungta ihih leh ei le ei phawk a, kineihkhemna nusia ding i hiam?
THURSDAY July
15
Lunggimna Zunglot (Uprooting Restlessness)
John 14:1–6
sim in. Koi bangin lunggimnate lakah lunghimawh lo-in om
thei ding i hiam? Kilemlohna, huaihamna, kineihkhemna zawh nading leh tawldamna tak ngah nading
tawhtang in bang hi ding hiam?
Lunggimna zawhna in Jesuh tawh kipan
hi. Amah in Lampi, Thumanna leh nuntakna hi. Lungzinna
tawh kidim leitungah
i lampi ding Amah in thei a, i nading lampi a hong hilh hi; Amah
mah in vantung Thukham pia Pa hi-in Amah in thuman thutak hi. Ama Kha Siangtho
in thuman khempeuhah a hong makaih hi (John 16:13).
Natna, gimna, tawlna, lungkiatna i tuak ciangin Amah in nunna
tha hong guan
hi. Leitung nuntakna
bek hi lo-in nunna
bucing a hong kamciam hi (John 10:10). Hih leitung nuntakna tawh kibang lo-in
tawntung inn, tawntung nunna hong kamciam hi. Piangsak Pa in tu-in zong
mihingte lametna sangin
a lian zaw a kicing
zaw-in a hong pia thei hi.
“Note lunghimawh kei un,” cih thu in lametna tawh a nungta dingin
sapna hi. Na lungkiat
ciangin Amah in a sangzaw
munah hong domto thei hi. Mawhna
leh siatna khuamial
sungah cimawhin na om ciangin
i sungah na hoih hong pankhia Amah in a hong zawhpih
ding hi (Phil. 1:6).
Bangzahin nuntak
hamsa taleh Jesuh sungah hong kipia-sa kamciamte mitsuan in. Amah in eite ading
mun hong bawlkholhsak hi; tua munah
gimna natnate a tawntungin beimang ding hi. Tua lametna Jesuh sungah a
hong kipia khin hi. Deidan om lo, dinmun deidan lo, mi khempeuh tungah tua lametna tawh a nungta thei hi.
I
natna, i gimna, i siatnate leh bangbang dinmunah i om zongin Topa vazuan hi lehang
Amah in eite hong sang hi, ci-in i theihtel
ding kisam mahmah hi.
Hih in hehpihna hi; hehpihna hong kipia khin a, hehpihna i muh mateng upna tawh a zong ding ihi hi.
Jeremiah 3:22 sim in. Pasian in bang sem dingin hong sawl hiam? Tua
hileh Amah in eite adingin
bang hong sem ding hiam?
Jesuh
pulaak kammal ngaihsun in: ‘Keima omna
munah note zong na om nadingun Keimah
ka hong pai kik ding hi” (John 14:3). Nihvei
Kumkikna in bang zahin thupi hiam?A diakdiakin ei Adventist-te in sihna
thu i theihsa om bangmahin
bang hangin Nihvei Kumkikna in manpha hiam?
FRIDAY July
16
Ngaihsutbeh Ding: “Huaihamna
tawh a nungta mi sungah khantohna leh nunna
gahpha thei lo hi. Khrih,
nangma Honpa-in na san ciangin
huaihamna mangngilhna in midangte
na huh ding hi. Khrih hong itna na gen ding a, Ama
hoihna na pulaak nuam ding hi. A hong kisawl na khat peuhpeuh na sem nuam ding
hi. Na vangik pua inla, na theih bangbangin a mangthang mite honkhia in. Khrih kiang
panin Kha Siangtho
na ngah ding
a, a nuntakna hong pia itna nei-in midangte
adingin na nungta
ding hi. Vantung
hehpihna in na nunna
gahpha-sak ding hi. Na upna khang semsem
ding a, thuman na san sungah na kip semsem
ding hi. Na itna in picing semsem
ding hi. Na nunna
in Khrih sianthona, a ithuaina leh a manphatna a kilangsak semsem ding hi.”
Ellen G. White, Christ’s Object Lessons, pp. 67, 68.
Pawlpi
mite khatlekhat kikalah buai-na hong om ciangin a langnihun mu-in amau tawh
kikum a hun na zatnate in hun mawk bei hi lo hi. Amau hong pulaak thute limtak
na ngai ding a, tua bang buai-nate hehpihna in a beisiangsak ding hi.
Kiphatsakna leh huaihamna nusia hi lehang minutes nga sungin buainate hong bei ding hi.” Ellen G. White, Early
Writings, p. 119.
Kikup Ding Dotnate
1.
Na lawmte
tawh huaihamna zawhtheih
nading lampite kikum un. Koi bangin tua bang thute
nuntakpih thei ding na hiam?
2.
Ngimna pen a sia hi
pah lo hi. Ahizongin huaihamna a khangsak thei ngimnate kihel lo-in Pasian
tung panin na lianpite leh lametna lianpi
nei thei ding na hiam?
3.
Huaihamna, kineihkhemna leh hazatnate i neih hangin
a kilangkhia ding i
deih kei hi. Tua bang thute mite hong theih ding i dal theih zahin i dal
nuam hi. Taksingkung bangin leinuai-ah a kimu lo a zungpite
mah bangin tua bang a hoih lo thute in i sungah hong teng hi. Kha Siangtho makaih nunna in bangci bangin kikhel
nunna hi ding hiam? Koi
bangin patauhna zo thei-in Khrih sungah tawldamna mantak ngah ding i hiam?
4.
Thursday ni-a Nihvei Kumkikna
a thupina ngaihsun
kik in. A tawpna-ah Kumkikna
om lo ding hi leh, lamet ding bang a omlai ding hiam? Kumkikna om lo ding hileh, Khrih
hong pai masakna
thu leh eite adingin
a nunna khempeuh in kimanna nei ding hiam? Nihvei Kumkikna hun hong tun mateng
sihna pan thawhkikna om lo ding hi, cih thu in a mawkna
hi lo ding hiam?
