Lungso-na leh
Langpanna
Sabbath Nitak:
Tu Kaal Sung
Sim Ding: Gam. 11:1–33, 12:1–13, 13:27–33,
14:1–23, 14:39–45. 1Kor. 10:1–11,
KAMNGAH: “Leitung beikuan hun sungah a om eite a dingin hih thupiangte i etteh ding thu hi a, eite hilhkholh nadingin lai sungah a kiciamteh ahi hi.” (1 Kor.10:11).
Zinlin
ma-in uite leh inn a kikhawi ganhingte patau-in omkhong thei lo uh hi, ci-in mi tampi in ka theih uh. Leitung
mipilte in ganhingte in zinlin ding thei khol hi; lei dung zui-in a pai tha phawktheihna nei uh hi, ci-in
pulaak uh hi. Tua bangin a tuahkhak uh a om ciangin lau-in patau uh hi; a pumpi uh linggawp hi. Ui sangin sai in zinlin ding phawk masa zaw hi, ci uh hi. Mihingte phawk
khat theih loh lei dung zui-in a pai tha, ganhingte in phawktheihna nei uh hi.
Aug.
23, 2011, Washington D.C ah 5.8 scale
a pha zinlin hunlai, Smithsonian Institution National Zoo (ganhing khawi-na)
a om ganhingte in lamdang
takin om hi, cih kimu hi. Zan a gamta ngia nam khatte in zinlinma minutes 15 sung
haam ziahziah uh hi.
Tu
kaal sung thusinna sungah
zinlinna cihte hang hi lo-in
mawhna hangin patauh dipkuatna
thute i en ding hi. Tua bang mite in Khrih hong piak
tawldamna sang nuam lo-in Ama thu nial mite hi ding uh hi.
SUNDAY July 4
Sehnel
gama Lunghimawhna
Israelte in
Sinai panin Canaan manawhin a pai-na
uh lampi-ah lunghimawhna leh lungkhamna tawh kidim uh hi. Egypt panin a paikhiat uh kum
khat bang cingkhin
a hi (Gam. 1:1). Amaute
in Kamciam Gam lut ding hi ta hi. Mimal simna leh limtak thukhun
tawh kalsuan uh hi. Amaute in Pasian ompihna leh Ama vangliatna mu khin uh hi. Ahi zongin Sinai panin a
kituahkhiat uh ciangin
phunphun uh hi. Gam. 11:1–15 sim in. Israelte in bang
thu hangin phun uh hiam?
Israelte
in Egypt gama ngasa, tangmai, leengmaw, sa, dawnpawl, ling uih neute nek ding lunggulh
uh hi. “Tu-in amaute’ lakah a om gamdang mite in anlim a lunggulh mahmah uh hi.
Israel mite zong kap kik uh a, “Sa nek ding nei hi leeng maw! Egypt-ah man pia
loin i nek ngasate, tangmaite, dawnpawlte, lo-uih neute, lo-uih sante, le
lo-uih kangte i phawkphawk hi. Ahih hangin tu-in
i tha bei ta a, hih manna
simloh bangmah
dang om peuhmah
lo hi,” a ci uh hi (Gam. 11:4–6). Amaute in Egypt gam saltangin gentheih a thuaknate uh mangngilh uh a, ahi zongin
gawl duhna hangin Egypt an tuamtuamte a phawkkik uh hi (Pai. 1 tawh enkak in).
Pasian in amaute manna tawh kum khat val bang vak khin hi; ahi zongin
amaute in lungkim lo-in a lunggulh uh tam semsem hi. Moses nangawn hehsak uh hi. A genhak mipi makaih ding thubaih het lo ding hi. Ahi zongin
Moses in kua tungah kinga ding cih thei gige hi. “ Moses in Topa’ kiangah, “Bang hangin na nasempa
hong hici bawlsiat na hi hiam? Bang hangin na maipha hong musak loin, hih mi khempeuhte’ tavuan kei’ tungah
hong suan na hi hiam? (Gam.
11:11). Koi bangin Pasian
in mipite phunciakna dawngkik hiam? Gam. 11:16–33 sim in.
I kitangsapnate ngenin Ama tungah
i kiko ciangin Pasian in a hong za lo dingin bengngong hi lo hi. Israelte in sa nek ding ngen uh a, amaute saduhna a kaam dingin Pasian
in vamim pia hi. A taktakin Israelte
kitangsap in sa hi
lo hi. Eite in lungdam thei lo, lungkim thei lo-in lunghimawhna tawh kidimin i om ciangin i hehna, i
thangpaihna in buai-na khat om hi, cih a kilangkhia sak hi-in, buaina zungpi hi
lo hi. Tua bangin lunghimawhin i om ciangin i lunghimawhpih thu le la sangin a
thu thuk zaw khat om hi; tua in i phawk khak
loh kizopna susia hi. Israelte
in Pasian makaihna
a langpan uh ciangin
bangmah ngaihsun nawn lo-in amau ut bangin gamta pah uh hi. Eite zong tua bang mah ihih manin kidop
ding kisam hi.
Bang hangin
a beisa nopsakna
phawkin a dangte
kimangngilh kha zel hi ding hiam?
MONDAY July 5
Siatna
in Kizel Baih
Gam.12:1–3.
Bang thu hangin Miriam leh Aaron heh uh hiam?
Moses
in Cushite numei khat zi dingin a lak ciangin Miriam leh Aaron lungkim
lo uh hi. Zipporah
pen namdang Midian mi hi (Pai. 3:1). Israel
makaite sunga thupiang in mihing ginatlohnate kilangsak hi.
Lai
Siangtho hong
hilhna-ah tua bangin
Miriam leh Aaron lungkimlohna a zungpi in genkholh
siamna silpiak tawh kisai thu hi. Pai. 2 sungah
Pasian in Moses tungah Israel upa sawm sagih
teelkhia dingin sawl hi. Amaute in
Moses nasep huh ding uh hi (Gam. 11:16, 17, 24, 25). Aaron leh Miriam zong
makai mah hi (Pai. 4:13–15, Micah 6:4), ahi zongin tu-in makai mi thak a kikoih
ciangin amau panmun kiluah khak ding patau uh hi ding hi. ‘Topa in Moses tungtawn bekin thugen ding a
hiam? Topa in kote tungtawnin zong
thu hong gen thei hi lo hiam?
(Gam. 12:2).
Koi
bangin Pasian in Aaron leh Miriam lungkimlohna dawngkik hiam? Gam. 12:4–13.
Bang hangin Pasian in manlang
takin dawngkik pah hi ding hiam?
Tha khatin
Pasian in a dawnkikna thu kitel pah hi. Kamsanna
silpiak pen thuneih nading leh
vangliatna lah nading hi lo hi. Moses in Israelte makai kician mahmah khat
hi. Bang hang hiam cihleh amah
in a nuntakna
khempeuh tawh Pasian tungah
kinga hi.
Aaron
ma-in Miriam a kipulaakna ahang in (Gam. 12: 1) Moses a langpanna uhah Miriam in makaipi
khat hi, cih kilang hi. Tua hunin Aaron in Israelte siampi-lian a sep laitak hi. Aaron in phaak natna
ngah ahileh biakbuk sungah lut thei lo dinga siampi
nasem thei nawn lo dinga, mipite aitangin mawhsutna nei thei lo ding hi. Pasian in Miriam tungah
thakhat thu-in phaak natna a piakna thu ngaihsun lehang
Pasian in Miriam leh Aaron tungah lungkimlo ahihna kilang hi. Aaron in Miriam
ading mawhthumna nei-a, ahi zongin amah mah zong tua mawhna sungah kihel hi
(Gam.12:11); tu-in mawhsakna leh lungzinna nusia-in
Aaron in Miriam
adingin thuumsak hi; tua
bang mahin Moses in Miriam adingin zong mawhthuumna nei hi (Gam. 12:11–
13). Hih bang lungsim nei dingin Pasian
in eite zong hog deih hi. Pasian
in tua bang mawhthuumna sangin Miriam a damsak hi.
Koikoi-ah
pawlpi makaite leh pawlpi mite kikalah kithukim lohna leh mawhsakna om hi. Tua
bangin mawhsaknate sangin amaute adingin mawhthuumna nei-in thungetsak hi zaw
lehang pawlpi cidam zaw dinga ei mahmah in thu zuihna-ah khangto zaw ding hi lo
i hiam?
TUESDAY July 6
Caleb in mipi tungah
limtak thuhilhna nei taleh amaute
in muanlahna leh gensiatna vive tawh kidim
uh hi. Pasian in Israelte tungah a piak
gualzawhna kamciam ngah dingin mainawt ngam lo uh hi. Lungzinna tawh
kidim uh a, mainawt a zawhna hangin lungdam ding sangin kapna leh phunna tawh a
kidim uh hi.
Patauhna tawh
kidim ciangin upna
tawh kalsuan ding hamsa
hi. Lunghimawhna in
lungsim gimna bek hong tun bek tham lo-in, limtakin thu khensat theihlohna, thau luatna, zongsatna hoih lo tuamtuam leh lungkhamna
piangsak hi.
Gam.
14:1–10 sim in. Bang thupiang omkik hiam?
Israelte
in siatna manawh semsem uh hi. Caleb
in amaute tungah thuumthuum taleh amaute in Pasian langpan bek tham lo-in a makaite
uh suang tawh deng dingin kithawi
uh hi ( Gam.14:9); amaute
in Caleb thuumna nial uh a, lunghimawhna in langpanna piangsak a, langpanna in a tawpna-ah sihna piangsak hi.
“Cihtakna nei lo thukansimte in Caleb leh Joshua nialgawp
uh hi; mipi in amaute suang tawh deng dingin kithawi
uh hi. Amaute in Caleb
leh Joshua thahsawm uh
hi.Mipi in Caleb leh Joshua lamah tai henhan uh a, amaute khut sung a om suangte lamdang
takin leilakah a khiasuk hi; amaute in lau-
na tawh kidim uh hi. Pasian in mihonpite khut sung panin Caleb leh Joshua
a honkhia hi. Pasian vangliatna in khuaphia bangin hong kilang a, biakbuk kim
khempeuh a taan hi. Mi honpi in Topa vangliatna
kilang amu uh hi. Galhangte sangin a lian zaw amuh uh ciangin mipi in bangmah
in a langpan ngam nawn kei uh hi. Thusia pulaak
amaute in tu-in
launa tawh kidim a, nak man
lo-in giahbuk lamah
a tai uh hi.”Ellen G. White,
Patriarchs and Prohets, p. 390.
Tua
bangin mipi in lau-in a om laitak mahun amaute muhna-ah Topa vangliatna hong kilang
hi. Gam. 14 sim lehang mi honpi in daihcip
uh hileh kilawm hi; amaute in
Pasian in Moses a hopihna a za thei ding uh hi ta hi. Mipi in Moses, Caleb leh
Joshua langpanin suang tawh denlup a sawm uh
ciangin a tawpna-ah Pasian langpangin Amah nial ahihlam uh amaute in phawk kha
lo uh hi.
WEDNESDAY July 7
Mawh
Thuumsak Pa (An Intercessor)
Moses
in mi honpi langpanna a thuak laitakin Pasian in Moses tungah bang masuan thak
khat pulaak hiam? Gam. 14:11, 12.
Israelte
khempeuh hemkhia dingin thupia-in Moses tawh minam khat panpha ding a, Moses in
amaute pa hi ding hi.
Koi
bangin Moses in mipi langpanna-ah mihing langpan hi lo-in Pasian mahmah a
langpanna uh thukkik hiam? (Gam. 14:13–19).
Hih
munah Pasian mi mantak kilang hi.
Moses dawnkikna in, ama khit kum 1400 bang a bei khit ciangin
a hong tung
Mawhthuumsak Pa limcingkhol hi; Amah in a nungzuite
adingin mawhthuumna nei hi (John 17). Moses in mipi adingin mawhthuumna a neihsak in Khrih in ei adingin
mawhthuumna a neih ding pulaak khol hi. Amaute in bang mawhna nei uh
hiam? Eite mawhna in bang hiam, cih dong lo-in, Moses in Topa tungah “Nangma hehpihna lian
tawh kizui-in amaute
mawhna maisak in, ci-in mawhthuumsak hi” (Gam.14:19). Moses thuumsakna zui-in Topa in amaute mawhna a maisak mah bangin mawhmai-na i ngah
nadingin Topa in hong thuumsak hi. Bang hang hiam cih leh Jesuh in sihna
hong thuakin sihna panin thokik a, eite adingin palaai hong sem hi.
Tua
hi-in Moses in, “A lian nangma itna kip tawh a kizui le Egypt panin tuhun dong hih mite na maisaksa
tawh kizui-in hih mite’ mawhna
maisak in, kong thum hi,”ci-in a thuumsak hi (Gam.14:19). Hehpihna
in langpanna do- in lunggimna a zo thei hi.
Mawhmaisakna in a thakin nuntak kipatna hong suaksak hi.
Ahi
zongin mawhmai nadingin piakkhiatna om lo-in mawhmai lo hi. Hehpihna in ut bangin a gamta dingin hong phal lo hi. Mawhna mai hi taleh
mihingte in amau langpanna thaman
a at kik veve uh hi; amaute
in Khapsa Gam a lut kei uh hi (Gam. 14:20–23).
Pasian in amaute sehnel gam sungah kum 38 sung tawntung
a makaih hi. Amah in amaute
an leh tui a pia hi. Amah in biakbuk
panin Israel mite a hopih hi. Amah in sehnel gam a om lai-un amau tawh a
omkhawm hi. Ahi zongin amaute in si khin ding uh a, a suan leh khak khangthakte in Kamciam Gam a luah
ding uh hi.
Tua bang thu ngaihsun
lehang amaute in thukhenna thuak tawh kibang uh hi; a taktakin thukhehna thuak
hi lo-in hehpihna ngah uh hi zaw hi. Tu khang
mite in Topa muang lo-in Ama tungah kinga
kei le-uh, bangci
bangin vangliatna tawh kidim Canaan a zo thei ding uh hiam? Amau mahmah
in khuamial sungah tuktuk
uh hileh bangci
bangin minamte tungah
khuavak hi thei ding uh hiam?
Mawhmaisakna
gah in bang thu hamsa a hong hilh hiam?
THURSDAY July 8
Upna
leh Ummawhna
Israelte in sehnel gam sung a khualzinna uhah a tuahkhak
uh thute leh Jesuh Nihvei-na hong paimadeuhin Pasian mite tuahkhak
ding thu kibang
a om ding hiam?(
1 Cor. 10:1–11.)
Lai
Siangtho pulaak
thute en lehang Pasian mite
in Khapsa Gam zuanin
a pai-na uhah sehnel gam nawktan uh hi. I nuntakna-ah sehnel gam i nawk
ding tampi om hi. Tu-in muh
theih a tuamtuam, zak theih
awging tuamtuamte, si le sa nopsakna a khangsak thei nate in thu thu
upna leh thu zuihna a nawngkaisak hi. Tua bang nate
in numei pasal
pengtatna, leitung van
le nate iplahluatna khangsak
hi. Thacing, cidamna,
huzaap nei, van leh neih kicing
mi khat in leitung buai-nate a zo thei dingin kilamen uh hi.
Israelte
mah bangin eite in zong lungnopna, daihna i zong ciat a, ahi zongin mi tampi in
lungnopna a om lohna munah pai-in vazong uh hi.
Koi bangin Israelte in
Pasian thukhenna ngaihsun uh hiam? Gam. 14:39–45.
Israel in Pasian thukhenna a thuak ciangin,
“Kote in ka mawhkhin uh hi;
Topa hong kamciam gam zuanin
ka pai ding uh hi,” ci uh hi (Gam. 14:40).
Lungsim khempeuh
tawh a ki-ap lo mi in natna
zatui gina kisun
lo tawh kibang hi.; bangmah
muibun lo hi. Tuhun ciangin siavuante in naungek a suah zawh nai 24 sungin Hepatitis
B natna kidal nading zatui-sun pah uh hi. Hih pen kipatna hoih hi. Ahi zongin
tua khit ciangin kisut hun ding ciangin kisun
lo-in, kisut ding zah kisun
kei leh, tua pen a mawkna
suakin natna dal zo lo
hi.
Israelte langdo-na thu Gamlakvakna 14 nunung
lamah kigelh hi. Amaute
in Pasian a langpanna uh hangin sihna leh lungkiatna lianpi a thuak uh hi.
Amaute in Pasian makaihna nial uh a, thuciamna singkuang ahi a, Moses makaihna om lo-in amau ut thu-in a gamta uh hi. Upmawhna
in siatna lianpi
manawh hi; upmawhna in sihna manawh
hi. Upmawhna pen lau-na
in tha pia hi.
Bang hang hiam cihleh lau-na khat peuhpeuh i neih ciangin khensatna khat i nei
a, ahi zongin nungciangin i kisik kik hi.
Upna tawh
na gamtatnate leh upmawhna tawh na gamtatnate ngaihsun kik in. Bang kilamdanna nei hiam?
FRIDAY July
9
Ngaihsutbeh Ding: “Tu-in amaute in a mawhnate uh kisik uh hi; ahi zongin
amaute kisikna in mawhna hangin
a thuak uh gimnate hangin kisik uh hi-in,
Topa
thupiak a manlohna
uh leh Ama tungah a lungdamlohnate hangin kisikna hi lo hi. Pasian
in Ama gensa bangin amaute in gimna tawh a kipelh uh
ciangin,
amaute in lungkhauhin a siat lampi a zui kik veve uh hi; amaute in sehnel gam zuan lampi ka tawn nawn kei
ding uh hi, ci hi. Galte omna gamah nuamtakin tawlnga-in a om uh ciangin amaute
in Topa tungah a ki-ap
takpi mah hiam, ci-in sittelna a thuak uh ciangin amaute in Topa tungah citak taktak lo ahihna uh
kidawk hi. Amaute in amau deihna zui-in siatna sung tung uh a, Pasian thupiak
bangin zui ding
ci-in a pulaak thukan mi nihte
thah dingin a ngaihsun uh hi.Ahi zongin
tua bangin gamtatna
in siatna hi, cih
a theih uh ciangin lau-na
tawh kidim uh hi; a vawh bangin
a at ding uh kihta uh hi. Amaute lungsim in kikhel lo
hi; siatna a thuak uh ciangin paulap tuamtuam nei uh hi. Hih thute hangin
Pasian in Moses tungah Israelte in sehnel gam sung zuan kik dingin thupia hi.”
Ellen White, Patriarchs and Prophets,
p. 391.
“Ahi zongin
upna in upmawhna tawh kipawl lo hi. Upna man taktak a nei
mi in upmawhna a langpan
hi. Bang hang hiam cihleh
upmawhna in upna do
nadingin Satan khutzat
khat hi. Upna in Pasian
kamciamte muang hi; upna
gah
in thumanna hi. Upmawhna in ahihleh kamciamte sang thei napi-in, Satan mah bangin paulap nei-in
thupiakte palsat hi. Upna in Adam leh Eve in Pasian hong itna sungah khamuangsak hi; Ama thupiakte zui-sak hi. Upmawhna
in ahihleh paulap nei-in Topa thupiakte palsat hi; bang hang hiam cihleh
Ama hong itna in lian mahmahin
mawhna thaman panin
hong honkhia ding hi, ci hi. Pasian deihna bangin nuntak ding
ngaihsun lo-in Ama hehpihna in i mawhnate hong maisak nading hi, ci-in upna in upna man lo hi. Upna man
taktak in Lai Siangtho kamciamte tungah kinga-in Lai Siangtho hong lamlahna
zui hi” Ellen G. White, The
Desire of Ages, p. 126.
Kikup Ding Dotnate:
1.
Upna leh upmawhna kibatlohna kikum un. Bang hangin upna masuanin
Canaan gam luah ding hi napi-in, a nung ciangin
Israelte in upmawhna tawh do uh hiam? Koi bangin ngimna
leh kimlepaam in upna leh upmawhna
kibatlohna sungah nasem
hi ding hiam?
2.
Mawhna hong kimaisak
a, ahi zongin mawhna thaman tawh i nungta- khawm hi, cih thu ngaihsun in. Mawhmai-na ngah khin hi napi mawhna hangin gimthuak mite koi bangin huh thei ding na hiam?
