Kicing Cih Om Thei Lo (Longing for More)
Sabbath Nitak
Tu Kaal Sung Sim
Ding: 1 Cor. 10:1–11, Lev. 4:32–35, John
1:29, Heb.
4:1–11,
Late 95:8–11.
KAMNGAH:”Tu-in amaute
in thusia a lunggulh bangun
eite in i lunggulhloh
nadingin hi thute pen eite etteh ding ahi hi.”1 Cor. 10:6.
USA,
New York khuapi-a om Queens Museum of
Art pen leitungah gol penpen khuapi kilamzia ding etteh dingin a kibawl innpi
khat hi. Hih innpi sungah New York khuapi sunga om inn khempeuh limkisuai hi. 2.2 centimeter ciangin pi 100 ahih keileh meter
33 hi, cih tomlakna hi-in, hih innpi sau-na vekpi kigawm meter 9335 sau hi. Khutsiam mi 100 in kum 3 val a bawl uh hi- in
1964 kumin zo uh hi. 1990 huam sungin kipuahpha-kik a, tuhun 2021 kum
New York khuapi kilangsak
thei nawn lo hi. Muhnop
mahmah khuapi khat hi-
in khuapi kilamcil mah pulaak hi.
A tawpna-ah limcinna in amah sangin a lian zaw, a thupi zaw, a zai zaw
khat limcing hi. Tua ding mahin limcinna
(model) a kizang hi. Limcinna
in a taktak hi lo-in, a taktak a om khat pulaak hi zaw hi. Limcinna in a taktak
in a thupina hong theisakin, limcinna in a taktak
dinmun kheng thei lo hi. Limcinna in a taktak i theihtel nadingin
hong huh hi zaw hi.
Lai Siangtho in tua bang limcinna tampi nei hi. Hih limcinnate in vantung thute- vantungah a taktakin a kisem nate leh aom thute hong hilh hi. Hebrews 4 in tawlngakna thu gen a, tua tawlngakna in vantung tawlngakna zong hong hilh hi.
SUNDAY September
5
Moses sungah Kituiphum (Baptized Into Moses)
1Corinthians 10:1–11 sim in. Paul in
Corin mite etteh ding bang thute pulaak hiam?
Greek tawh kigelhna-ah 1Cor.10:6 in 1 Cor.10:11 sunga tawh kibangin etteh ding cih kammal in “typos”
cih kammal kizang hi. Hih “typos” cih kammal
in min lawhna (noun) hi-in, na khat ciamtehna, ahih keileh a khiatna nei kammal hi. A lim a mel, etteh ding (model)
cihna hi. Hebrews 8:5 in limcinnate leh tua limcinnate
tangtunna kizopna hong hilh hi: “Thukhun Lui biakbuk a siampite nasep in
vantung thute limcingin pulaak uh hi. Bang hang hiam cihleh
Moses in Pasian
sawl bangin biakbuk bawl hi. “Tua siampite
nasepna in vantung a om nate lim leh a lim bek hi.
Biakbuk
lam dinga Moses a kithawi lai-in Pasian in ama kingah, “Mualtunga kong lahsa
lim banglianin na khempeuh bawl in,” ci-in thu a pia hi. Heb. 8:5 in vantung
biakbuk leh leitung biakbuk kizopna hong hilh hi. Tua thu a pulaak khit ciangin Pai. 25:9 pulaak hi. Sinai Mual tungah Pasian in
Moses tungah a lahkhiat om bangin biakbuk
lam hi. Leitung
biakbuk leh a sunga kisem biakpiaknate in vantung
biakbukah eite Siatni Lianbel Jesuh nasepnate limcing, etteh a kisem kibawl hi,
cih hong hilh hi. Hih thu ngaihsunin Paul in 1Cor. 10 sunga a gen thute hong theitelsak
hi. Pasian mite in sehnel kantanin Kamciam Gam zuanna uhah a thuak khak uh
thute Paul in pulaakkik hi. “I pate” cih in Egypt nusia-in a paikhia Jew mi masate limcing hi. Suun ciangin
meilim nuai-ah pai uh a, zan ciangin
meikhuampi in a taan hi. Amau in tuipite kantan uh hi; amaute in saltanna panin
suahtakna nunna thak sungah a kituiphum uh hi.
Paul in sehnel gam sung Israelte
tuahkhak thute – gunpite kantanna
in mimal kituiphumna limcing
hi; van panin a kipia
manna in vantung
pan hong pai nunna thu
limcing hi, ci-in hong hong hilh hi (Pai. 16:31–35). Israelte in suangpi sung panin a phualkhia tui a dawn
uh hi; tua suangpi
in Khrih limcing hi (1 Cor. 10:4). Jesuh in keimah
in nuntakna an ka hi hi (John 6:48); nuntakna
tui ka hi hi (John 4:10) cihte in bangmah kisapna om lo, kicinna pulaak
hi. Tua hi-in Paul in Thukhun Lui sunga limcinnate in vantung thuman thute
pulaak ahihna leh tua thute in tuhun Khristian mimal khat ciat in i nuntakpih
dingin a hong hilh hi.
Israelte
in Egypt panin a Paikhiatna uh ngaihsun in. Hih Paikhiatna in vantung thu tawh kizui-in
i nuntakna-ah bang limcing hi ding hiam?
Amaute in a hoih thu leh a sia thu bang hong nusiat uh hiam?
MONDAY September 6
Meihal biakna leh biakna pawite
Thukhun Lui sung Siampi laibu sungah kigelh mah bangin
meihal biakpiakna leh biakna pawite in
limcinna hi-in Thukhun Thak thuman hong hilh uh hi. Tuhun mite
in hih meihal biakna leh biakna
pawi kigelh thu kipaisan ziauziau hi. Ahi zongin tua thute
sungah thu manpha
leh a thupi thute hong hilh uh hi.
Israelte
in mawhna hangin biakpiakna a piakzia ding uh kihilhna-ah Siam. 4: 32 – 35, bang thute kihel hiam? Tuhun ciangin meihal
biakpiakna kinei nawn lo hi mah taleh i mawhna mai nadingin a hong hilh bang
thu na mu hiam? Meihal biakna
leh John 1:29 leh 1 Peter 1:18–21
in bang kizopna
nei hiam?
Biakpiaknate in a thupi thute leh a manpha
thute hong hilh hi. Tua thute hong pianna anung
ama thute ahih keileh a hong pianna
thute ngaihsut ding kisam hi. Meihal biakpiakna in biakpiak
hun ding, biakpiakna mun ding,
sepzia bawlzia ding
thukhun nei hi. Thukhun
Lui sunga meihal
biakpiakna tawh kisai thukhunte en lehang Pasian in biakpiakna mun
ding, biakpiakna hun ding, bang tawh biakpiakna pia ding leh tatzia ding limtak hilhkhol
hi, cih kimu hi. Tua biakpiaknate tawh kisai a thupi mahmah
khat in sisan leh sisan thehna tawh biakpiakna hi. Hih biakpiakna in vankhuanuai-ah a deihhuai lo penpen khat hi; bang hang hiam cihleh tua in mawhna hangin biakpiakna hi.
Sisan in bang panmun nei a, bang
hangin meihalna tau sisan
kibaangsak hi ding hiam?
Biakbuk ah biakpiakna piakzia ding thukhun a omsa
hi; ahi zongin tua thukhunte bang hangin kikoih hiam cih a vekin kihilh
lo hi. Mite theihsa ahih manin kihilh nawn lo hi kha mai thei hi. A tawpna-ah
Israelte in sisan manphatna thei uh hi (Siam. 17:11).
Siam. 4:32–35
sungah limcinna a khiatnate Siam. 4:35 in a hong hilhna-
ah: “Tua hi-in siampipa in ama mawhna hangin kilemna bawl ding a, ama mawhna
kimaisak ding hi.” Tua hi-in sisan in mawhmai-na tawh kipawl biakpiakna-ah a bulpi khat hong suak hi. Sisan tawh eite in siangtho
Pasian tawh kizopna a ngahkik thei ihi hi. Meihal biakpiaknate in
limcinna hi-in, Khrih nunna, a sihna leh eite tangin
siampi nasep pulaak
hi.
Pasian tawh kizopna
i neih nadingin
mawhna hangin Jesuh, Pasian
Tapa in a nuntakna hong pia ahih
manin bangzahin mawhna
deihhuai lo mahmah hiam? Tua hi-in bang hangin gamtatna
tungah kinga lo-in
hehpihna tungah kinga zaw
dingin hong hilh hiam? A tawpna-ah Khrih in ei adingin a sepsa khempeuh i behlap theih om ding hiam?
TUESDAY September
Tawlngakna-ah
Etteh Dingte
Tawlngakna-ah
etteh dingte banah Lai Siangtho sungah tawlngakna limcinna leh gentehna om hi.
Tuate lakah Thukhun Thak Hebrews sunga kigelhte i gen ding hi. Hebrews 4:1–11 sim in. A omlai Ama
tawlngakna kamciam in bang pulaak hi ding hiam? Koi bangin sehnel
gam sung Israelte leh amaute thuakna in Pasian
tawlngakna hong hilh hiam?
Lungduai takin thuakzawhna leh cihtakna in thupi mahmah
hi. Hebrews 4 in ni
sagih Sabbath thu hong hilh hi mah taleh a thu bulpi a hong hilh in Pasian mite in upna sungah kiptakin
a nungta dingin
hong sam hi; (Heb. 3: 7-19)
tua in Topa tungah
cihtakna leh lungdamna thu-ah cihtakna hi.
Hebrew
4 sunga thute in a beisa huna Pasian makaihnate panin amah tawh kizopna ding
thute a thei uh hi; tua hileh kuamah in thumang lo-in mangthang lo ding uh hi
(Heb. 4:11). Hih thu limtak ngaihsun
in; hih in hamphatna lampi hi. Israelte in lungdamna thu za khin uh hi; ahi
zongin a zak thute bangun nungta lo uh hi. Topa sungah muanna leh Ama thu mang ding sangsikin Topa lehdo ding
a khensat uh hi ( Heb. 3:7–15
tawh enkak in), tua hangin
amaute in Pasian
in amaute a piak tawlngakna sung a lutkha
kei uh hi.
Hebrews
4:3 in upna leh tawlngakna kizom hi, cih hong lak hi. Jesuh in um a, Amah in a kamciam
bangin tawlngakna hong pia ding hi, ci-in
muanna nei hi lehang,
Ama tawlngakna sungah eite zong a lut thei ding ihi hi.
Hebrews 4:3 sim in. Hih mite buai-na bulpi in bang hiam? Amaute
tungah a kigen lungdamna thu
mah a za eite in bang thu nuntakpih ding hong hilh hiam? Heb. 4:2. Christian masate in Pasian kilaakna
– Thuthun Lui sang uh hi; Jesuh Khrih in amaute
mawhna hangin thahna
thuak Pasian Tuuno
hi, ci-in um uh
hi. Tua sihna sungah upna tawh Jesuh sungah hotkhiatna a ngah uh hi; ama hong
piak tawlngakna a ngah uh hi.
Koi
bangin
Jesuh sisan
tawh hotkhiatna ngahin Jesuh
sungah tawlngakna ngahna, gamtatna
tawh hi lo-in hehpihna tawh hotkhiatna kingah
hi, cih thu na theitel hiam?
WEDNESDAY September
8
Lungkhuah Kei Un
Hebrews
4:4–7 leh Late 95:8–11 sim in. Hebrews leh Late sungah vauhilhkholhna bang thu
om a, tuni-in tua thute in bang hong hilh uh hiam?
Hebrews
4:4–7 in piansakna thu leh Israelte cihtaklohna – Late 95:11 siksan hi. Pasian in amaute adingin a koih tawldamna
sungah amaute lut kha lo uh hi. Late 95:8–11 in sehnel gam sungah Israelte in Pasian tawlngakna
sungah a tuahkhak
thute hi; ahi zongin Pasian
tawlngakna – Kamciam
Gam tawlngakna sungah a lut kha kei ding uh hi, ci-in Pasian
kiciamna pulaak hi. Israel khangthakte in Kamciam
Gam sung lut kha uh hi. Pasian
huhna tawh amaute in kulhte bawlin
tua gamah teeng uh hi. Ahi zongin
amaute in Pasian tawlngakna sungah a lut kha kei uh hi. Mi tampi in Jesuh sunga hotkhiatna tawh a nungta kei uh hi. Bang hang hiam cihleh
amaute in upna nei lo uh hi; a thuman lohna un upna a nei lo mi hi, ci-in
kithei hi. Pasian deih tawlngakna in leitang tawlngakna sangin
thuk zaw hi.
Pasian
kamciam thei
napi tawlngakna mantak sungah tawldamna a ngah kei
uh hi; bang hang hiam cihleh amaute
in thumang lo uh hi (Hebrews 4:6 )
Thuman lohna leh Pasian tawlngakna sungah lut kha
lo hi, cih thu in bang kizopna nei hiam?
“Tuni”
cih kammal in thukin hi, cih pulaak hi. “Tuni” cih a khiatna in ziakai lo-in,
tu mahmahin khensatna nei-a Topa sapna dawngpah ding hi, cihna hi.
Paul
in ‘sçmeron’ cih kammal zang a, a
khiatna in “tuni” cihna hi-in bangzahin tawlngakna in thupi ahih lak kammal
hi. Late 95:7, 8 sungah
Pasian mite tungah vauhilhkholhna leh a pu a pate uh khialhnate amaute in a khialhkik loh nadingun hilhkholhna thute hi. Tua bangin khialkik
uh hileh Pasian
hong piak tawlngakna mantak sungah amaute
a lut kha kei ding uh hi.
Tuni-in Topa aw na zak leh na lungsim khuahsak
kei in” cih thu in tuni-in
nang le kei adingin a khiatna in bang hi ding hiam? Tuni cih kammal in bang thupi-na nei hiam?
A tawpna-ah Late sungah tuni
cih kammal a zatzawh
kum tul tampi valkhin hi. Bangbang ahi zongin bang hangin tuma kum tul
tampi hunlai mah bangin
tu-in zong ‘tuni’
cih kammal in thupi
hiam?
THURSDAY September
9
Vantung Khuapi Khat Zawhna
Hebrew
4 hong hilh nop thu i ngaihsut
ciangin Hebrews 4:8–11 in limtakin
hong hilh hi. Joshua in Israelte tawlngakna pia lo hi. Tua ahihleh Pasian
in zuau puak lo ahih manin Pasian mite adingin
tawlngakna khat omlai
hi, cih hong hilh hi. Hih
tawlngakna in Jew thu-um mite ading bek hi lo hi; ama Honpa-in Jesuh a sang mi khempeu
tungah akipia tawlngakna hi.
Galatians
3:26–29 sunga thute in singlamteh khita mi khempeuh
tungah Pasian thuciam ahihna
thu ngaihsun in. A thupiangte siksanin Paul in Khrih
sungah Jew mi om lo hi; Greek mi om lo hi, sila omlo, to om lo, numei om lo, pasal
om lo hi, ci-in a gen ciangin
a khiatna in bang hi ding hiam?
Khat veivei
ciangin Hebrews 4 siksanin ni sagih ni Sabbath tawlngak
a thupi-na hong hilh hi, ci-in,
kimkhat in ahihleh
a hong pai ding hunah a dang tawlngakna om ding ahih manin Sabbath
tawlngakna in kisam hi, ci uh hi. Ahi
zongin Hebrew 4 in Piansakcil a kipanin ni sagih ni a hong tunsialin Pasian tawlngakna
a tuam vilvel in na khempeuh a bei hun ciangin
tawlngakna a tuam vilvel in na khempeuh
a bei hun ciangin
tawlngakna hong tung ding hi,
cih hong hilh kholkhol hi, ci uh hi. Jew mite in Sabbath tawlngakna pen a hong tung ding leitung (olam haba) ahong hilhkholhna-no
khat hi, ci uh hi. Pasian mite adingin
Sabbath tawlngakna omlai hi;
hih tawlngakna in leitung
nate a kipiansaka Pasian tawlngakna masa pen tawh a kizomto suak leh tua tawlngakna a
pulaak hi; a khiatna in ei hanciamna tawh sepna panin tawlngakna leh a hong kamciam
mah bangin ahong honkhia ding Amah i muanna
hi.
Khrih hong
hotkhiatna sungah tawlngakna om khin ahih manin Sabbath thukham kicingkhin hi; tua hi-in
Khritiante adingin Sabbath kisam nawn lo hi, cih pen theihkhialhna khat hi. A
tawpna-ah Khrih tawh tawlngak khawm
ding a hong kamciam in ni sagih Sabbath tawlngakna hemkhia lo hi; tua sangin Sabbath
in Khrih sungah
tawlngakna hong hilh phapha hi.
Ei le ei tha tawh hanciamin, go-getters hun in Jesuh sungah
tawlngakna leh hong honkhia-in hong khel
dingin Ama hehpihna
muanna cih tawh a kitalsik hong suak hi.
Koi
bangin mawhna lianpi tawh kidiahin kikhelna zo ding lametna bei mite in Jesuh sungah
tawlngakna a ngah nadingun huh thei ding na hiam? Lai
Siangtho bang mun na pulaak
ding hiam?
FRIDAY September
10
Ngaihsutbeh Ding: “Jesuh
kiangah i gamsatnate leh i gimthuaknate tawh vazuan ding
i ut khol kei thei
hi. Khat veivei
ciangin bangmah hong
huh thei lo ding mite kiangah i hamsatnate
vapulaak zaw hi; Jesuh kiang zuan
ding i phawk kha kei hi; Amah in lungkhamna panin lungnopna-ah ahong tunpih
thei hi. Si le sa deihna niala, kipiakna in singlamteh vangliatna leh zawhna
ahong pia hi. Pasian kamciamte in manpha hi. Ama deihna i tel nadingin a kammalte i kantel ding
kisam hi. Kha Siangtho hong
hilh thute limtak kantelin
nuntakpih hi lehang i pai-na
lampi nuam ding a, tuk lo-in i mainawt thei ding
hi. Pawlpi siate leh pawlpi mite in amau
lungkhamnate Jesuh tungah vasuankhia thei
uh hileh, Amah
in lungnopna leh tawldamna pia dingin ahong ngak gige den hi. Amah amuang
mite Topa in a nawlkhin ngei kei hi.” Ellen G. White, The Signs of the Times,
March 17, 1887, p. 161.
“Kong it khangnote aw, note Thukhenpa in dikna tawh kidimin Amah in
Pa mai leh vantungmite mai-ah na min apulaak hun hong tun mateng lametna
leh nuamna tawh na mainawt
ding uh hiam? Khrih nihvei
hong pai kik ding
kiginkholhna hoih penpen in a hong pai
masaklai a hong
puak ama hotkhiatna lian sungah upna sungah
tawldam takin omna hi. Khrih
in nangma Honpa
hi, cih na up ding kisam hi.” Ellen G. White, Our High Calling, p. 368.
Kikup Ding Dotnate
1.
Bangci bangin
ni sagih ni Sabbath tawlngakna in a mite adingin Pasian vantung tawlngakna limcingkhol hiam?
Koi bangin Sabbath tawlngakna in tawntung tawldamna ciapkhakna hi thei hiam?
2.
Tatkhiatna in Pasian tawh kizopkik theihna leh Pasian kiang tunkik theihna lampi hi. Hih thu Romans
5:11 sungah kigelh: “Tua bek zong
hi lo-in kilemkikna hong
ngahsak i Topa Jesuh Khrih hangin
Pasian tungah i kipak hi” cih
thu ngaihsun in. Mi khat in “ Pasian tawh kilemkikna cih thu in bang hiam? Pasian
tawh kilemkikna hangin na nunna sungah bang kilamdanna
om hiam, ci-in hong dong hileh, bangci bangin na dawngkik ding hiam?
3.
Christian kalsuanna-ah koi bangin kinloh
ding thute kinlo-in
om thei ding i hiam? Bang thu in Pasian Kammal
hong mitsuansak hiam?
4.
Israelte
in sehnel
gam sungah a khialhnate
uh leh upna a neihlohna thute ngaihsun in. Tu-in eite in sehnel
gamsungah khualzinte hi nawn lo- in
amau tawh kilamdanna tampi a om bang thu guipite amau phutkhak
eite in zong i tuak kha hiam? Thu guipite mah tu-in zong a kibang thu guipi tu-in zong i tuak hiam? Koi
bangin eite in zong amaute thuakkhak hamsatnate thuakkha-in amaute khialhnate
eite in pelh thei ding i hiam?
