SABBATH TAWLNGAKNA
Tu Kaal Sung Sim Ding:Pian. 1:26, 27; Pian. 9:6; 2 Pet. 2:19; Rom. 6:1–7;
Pai.
19:6; John 5:7–16.
KAMNGAH: “Ni guk sungin nasep kizo ding a, ahih hangin a ni sagih
ni pen a thupi tawlngakna Sabbath,
a siangtho kikhopna
ahi hi. Note in tua ni-in na na sem kei ding uh hi. Tua pen note’ tenna khempeuhah Topa a dingin
Sabbath ahi hi (Siam. 23:3).
Ni
sagih Sabbath tawlngakna kisam sam nawn
lo hi, ci-in mi tampi in Sabbath nial uh hi. Jesuh
in Saturday ni panin Sunday ni-ah khel hi; Jesuh in Sabbath beisak
hi, ci uh hi. Paul in zong ni sagih ni panin Sunday ni – Thawhkikna
zang zaw hi, ci uh hi. Jesuh in eite Sabbath
tawlngakna hi; Ama sungah tawlngakna i ngah nakleh ni khat peuhpeuh tawlngak
ni a zat ding kisam nawn lo hi, ci uh hi. Bangbang i gen zongin i gen thute a nial mi tampi om ding hi. Ni sagih
tawlngakna in vantung
tun nading lampi
hong tunpih ding hi. of course, there will always
be the argument, strange as it is, that by resting
on the seventh-day we are somehow seeking to work our way to heaven.
Lamkhat panin Khristian tampi in Sunday ni a hi a, ni khat peuhpeuh tawlngak ni
hi thei hi; a thupi in ni hi lo hi; tawlngakna hi, ci uh hi.
Seventh-day Adventist-te in
ihih leh Pasian Thukham Sawmte leh
Thukham Li-na in, thukham a dangte – thukham nga-na, gukna in vantung gam hong tunpih ding hi lo hi.
Tu kaal sungin Sabbath
thupiak sunga Pasian
hong piak tawlngakna leh bang hangin
tua tawlngakna in thupi hiam cih thute i pulaak
ding hi.
SUNDAY August
29
Sabbath Leh Piansakna
Thukham
Sawmte lakah thukham li-na bek in “phawk in” cih kammal pulaak hi. “Guktak loh ding phawk in,” “Deihgawh loh ding phawk
in” kici lo hi. Sabbath ni na
siangthosak ding phawk in” cih bek om hi.
Phawk
cih thupiak in a beisa thute leh a piangkhinsa thute pulaak hi. Phawk cih thu in a beisa hun tawh kizopna nei hi. “Sabbath
ni a siangtho-in zat ding phawk in” cih thupiak in nate kipatcil
Piansakna ni sagih hong hilh hi.
Pian.
1:26, 27 leh Pian. 9:6 sim in. Bangzahin mihing in manpha-in Pasian bawlsa
na ganhing, singkung
lopate tawh kibatlohna bang thu hong hilh
hiam? Tua hi-in bang hangin
tua kilamdanna i tel ding thupi hiam?
Piansakna
thu i phawk ciangin eite in Pasian lim leh meel sun a hong kipiangsak ahihna
thu leh a dang piansaknate tua bangin kipiangsak lo hi, cih hong hilh hi. Mihing in ganhing tuamtuamte tawh DNA kibatpih
nei phial taleh mihing in piansak
nuntakna nei khempeuh lakah kibatpih nei lo-in a tuam vilvel piansakna ngah hi, cih hong hilh hi. Mihing
in zawng ahih keileh
ganhing khat panin a piang hi lo hi. Pasian
lim le meel suunin hong kipiangsak
ahih manin piansaknate khempeuh lakah mihing
tawh a kibang bangmah
om lo hi; na dangte tawh kibang lo-in
a kipiangsak hi.
Koi bangin
mihing kipiansakna thu in piansak
nate tawh i kizopna
pulaak hiam? Pian. 2:15, 19.
Pasian
in hih leitung a piansak hi-in, piansak nate a kemcing dingin mihing tungah
masuan hong pia hi. Eite in “piansak nate tungah ukna” nei dingin hong kikoih
hi; nate tungah ukna nei cih ciangin i ut bangin nate tungah gamta thei ding hi, cihna hi lo hi. Pasian
in nate a kep bangin
eite in a kemcing
ding ihi hi; Pasian in nate tawh kizopna a neih bangin
eite in zong nate tawh kizopna nei ding ihi hi. Mawhna in na khempeuh
susia hi; ahi zongin hih
leitung in Pasian
bawlsa hi; nate susia dingin phalna hong kipia lo hi. A diakdiakin
midang khat siat nading bangmah bawl lo ding thupi hi.
Sabbath in Pasian in Piangsakpa hi, cih a pulaak
banah kimlepaam nate kepcingzia ding bang hong hilhbeh hiam?
MONDAY August 30
Suahtakna Hangin Nuamna
I pulaaksa
om bangin Sabbath
in piansak nite a pulaak hi bek hi lo hi. A nihvei-na Thukham Sawmte a
kipulaakna-ah Moses in Israelte in kum 40 sung sehnel gam sung a khualzinnate
uh pulaak hi. Hih munah piansakna thu siksanin Sabbath tawlngakna thu kipulaak nawn lo-in, Egypt gam saltanna leh sila hihna panin suahtakna
hangin Sabbath tawlngakna thu na gen hi (Thkna. 5:12–15). Tu-in eite in Egypt
gamah sila leh saltang ihi kei hi. Ahi zongin
saltanna leh sila hihna nam tuamtuam i tuak kha thei hi.
Tuhunin
koi bangin sila leh saltannate i tuak kha zel hiam?Pian. 4:7, Hebrews 12:1, and
2 Peter 2:19 sim in.
Sabbath in sila leh saltanna nam khempeuh panin suahtakna hangin lungdam ni ding hi. Sabbath ni-in
eite in mawhna
sila panin suahtakna hangin lungdam ni ding hi. Tua suahtakna in eimah leh eimah a suahtak hi lo-in Pasian vangliatna in a hong suakta-sak hi zaw hi; tua suahtakna upna tawh i ngah hi. Hih suahtakna
in mihingte tha lawh theih hi lo hi, cih hong kihilh hi. Israelte
in Egypt panin a paikhiatma-un innkuam tungah sisan
a tat uh ciangin ta upate in sih nading panin suakta uh hi
(Pai. 12). Tua bang mahin eite in zong Tuuno - Jesuh sisan hangin
mawhna sung pan suahtakna ngah ihi hi.
Romans
6:1–7 sim in. Paul in Sabbath ni-a hong kipia thute tawh bang thu kizopna pulaak hiam?
Thuhilhkikna
5:15 sungah “15Egypt-ah nasemin saltang na hihna uh le tua lai panin Topa na
Pasian un a vangliatna khut le a thahatna tawh hong paikhiatpihna na phawk ding uh hi. Tua ahih ciangin Sabbath
ni na tan’ ding uh Topa note’
Pasian in thu hong pia hi. Israelte
in hih thu a phawk nadingun
kihilh phapha hi. Pasian vangliatna leh Ama hatna in amaute honkhia hi. Taksa saltanna sangin a lian zaw mawhna
sila hihna panin a hong honkhia
Khrih vangliatna leh Ama nasepnate a phawk dingin thu kipia
hi lo hiam?
Hih thupiak
in Pasian hong
hotkhiatna sungah tawldamna i ngah theihna in Ama vanglian khut in a sepna hang hi, cih i phawk ding hong hilh hi. Ei le ei hanciamna tawh diktansakna ngah
ding hanciamna panin suahtakna i ngah hi. Pasian in eite hong Piangsakpa hi-in Amah
mah in eite hong bawlpha
kik ding hi; tumah mahin zong i sungah na hong sem ding i kiphal nakleh,
Amah in mawhna sila panin hong honkhia
thei hi, muanna
a hong guan hi.
Mawhna
sila sungah a nungta na hi hiam? Koi bangin mawhna sila panin suahtak nading
Jesuh sungah kamciam a hong kipia khin nuntakpih ding na hiam?
TUESDAY August
31
Zin leh Lengla
Pai.19:6
sim in. Nidang Israelte dinmun bang hong hilh hiam? ( 1 Pet. 2:9.)
Israelte
in Egypt gam panin sapkhiat ngahin Pasian tawh thuciam bawl mite hi. Amaute
in tua thuciam
tungah a cihtak
nak uhleh, amaute
tungtawnin leitung mun
khempeuhah lungdamna thu kizel ding hi. Pasian in a tuam vilvelin amaute
kem hi, thupha pia hi; tua bang
mahin amaute in a tuam vilvel
masuan nei uh hi.
Pai.
23:12 sim in. Bang thupiang om hiam? Pasian in Israelte banah namdangte bangci
muh hiam?
Leitung mihing
khempeuh adingin a hong kipia Sabbath pen mi tampi in phawk
lo uh hi. Tua bang mite in Pian. 1-2 siksanin Jewte
ading bek hi, ci uh hi.
Tua bang ngaihsutna in Lai Siangtho
tawh kituak lo hi. Pasian in mihing
khempeuh ahong bawl ahih manin mihing khempeuh in Sabbath tawlngak ding ahi hi.
Sabbath in eite tungah
bang limcinna nei hi, cih i phawk ding kisam
ahih mah bangin midangte
tungah Sabbath in bang thu pulaak hiam, cih thu zong
i phawk ding kisam hi. Eite hong Piangsakpa leh eite hong Honpa sungah tawldamna
leh Amah tawh kizopna hangin Pasian
in eite hong itin eite adingin
a sih mah bangin Amah a thei lo mite zong itin amaute adingin zong sihna
thuak hi, cih i phawk ding hi. I gensa bang mahin (Pai. 20:10, Thkna. 5:14), nasemte, zin leh khualmite akipan
ganhingte dongin Sabbath ni tawlnga ding uh
hi.
Israelte
tawh thuciam a bawl Pasian a thei kha lo namdangte in zong Sabbath
ni tawlnga-in nopsakna ngah ding uh hi. Mihing
bek hi lo-in ganhingte in zong bawlsiatna, nenniamna a
thuak ding hi lo hi. Nipi kaal khat hong tunsim Hebrew mite in namdangte mah tawh kibangin
Pasian piansak mite ahihna uh phawk ding uh hi; midangte neih khak loh hamphatna leh nopna
nei hi mah taleng, amaute tawh kibangin mihing ihih manin amau tawh kizopna-ah zahtakna
leh mihing manphatna siksanin kizop ding kisam hi.
Koi
bangin Sabbath na tawlngakzia in Sabbath a um lo mite adingin thupha suak thei
ding hiam? Cihnopna-ah koi bangin Sabbath tawlngak in midangte tungah teci hi
ding hiam?
WEDNESDAY September
1
Mi Huhna in Pasian Sabbath Pahtawi-na Hi
Thukhun Thak hunlai-in biakna
makaite in Sabbath
ni hong tun ciangin limtakin tawlnga
uh hi. Sabbath ni siangtho
takin a tawlngak nadingun pelh
ding thukhun leh zuih ding thukhun tampi nei uh hi. Tua thukhunte lakah
khauhual khih lo ding phel lo ding,
puan phel lo ding, meikuanglai tuibuak lo ding, vanpuak
nei lo ding a, ahih keileh a kiciangtansa om zahval lampai
lo ding cihte kihel hi.
Jesuh
tungah bang mawhsakna thu hong tung hiam?John 5:7–16.
Biakna
makaite in Jesuh in nalamdang bawlin cinate in damna a ngah uh mu gige napi-in damna ngah mipa in Sabbath ni-in a lupna
puak amuh uh ciangin mawhsak uh hi. Jesuh in hih ni
thupi Sabbath ni tungah ukna nei Topa ahihna
thei lo-in, amau
bawltawm thukhun
tuamtuamte limtak zuih ding
thupi ngaihsut zaw uh hi (Mark
2:28). Amaute bangin
eite in zong i bawlthawm thukhun tuamtuamte tawh i khialhkhak
loh ding kisam hi.
Koi bangin
Isaiah 58:12–14 in Sabbath ni tatzia khawlzia
ding lam hong lak
hiam?
Pasian in Amah i biakna-ah a hawmpi-in bia ding leh kineihkhemna tawh bia ding deih
lo hi. Amah in nawlkhin thuakte, simmawh thuakte panpih a, khat le khat a ki-it hong mu nuam hi. Isaiah
in hih thu kitel takin hong hilh hi.
“Sabbath palsat loh nadingin na khe na kep a, ka ni siangtho ni nang nopsak bangin zang lo-a, Sabbath ni a deihhuai ni leh a pahtawi
huai Topa ni siangtho hi ci a, nang deih bang zui lo-in
nang nopsak bangin gamta lo a, na mot paupau
kei leh tua ciangin Topa sungah
lungnopna na mu ding a, leitung
a sangnate ah hong khaangto-in na pa Jacob
leitang luah-in kong vak ding hi,
Topa kam in cikhia hi”(Isa. 58: 13, 14).
Eima si le sa “nopsak” “eima deihna” cihte in Sabbath
sianthona siasak hi” (Isa. 58:13). Mihing
in sep dingin a geel thute in Pasian Sabbath
ni tawh kituak lo hi. Cimawh
gentheite huh a, singim lunggimte, gilkial dangtakte huhin guaktangin a omte
puansilh pia-in, khuamial sung om mite honkhia ding i phawk kha kei hi. Sabbath hong tun ciangin
eima nopsak nading
zong lo-in, midangte nopsak nading leh, eima kitangsapna sangin midangte
kitangsapna huh ding hi zaw hi.
THURSDAY September
2
Pasian Mi I Hihna Limcing
Leitung
Galpi
Nihna-lai
German galkapte in England
gam zo gawp dingin lamen uh hi. Ahih theih bangbangun kigalgingkhol uh hi. Tuipi gei khuate-ah kulhpi tuamtuamte zong bawl uh hi. Lampi
hoih tampi om ahih manin
galte in noptaksa-in galdo thei uh hi. Tua hangin mun
tuamtuamah galvilna, lampi khakna
bawl kawikawi uh hi. England gam makaite in a lamdang takin na khat hong sem uh hi. Galte do-na zekai ding leh buaisak
dingin, meileng lampi gei-a lamhilhna tuamtuamte hemkhia uh
hi; lampi ciaptehnate (road signs) susia uh hi. Suang tung leh inn tunga kikoih
ciaptehnate kisusia zo lo
ahih manin, a kimu thei lo dingin khuhna khat nei uh hi. Ciaptehnate in thupi hi. Tuate in lamlakte
hi; lampi kitheihna khat hi. Global Position System a kizatma-in khualzinna-ah
gamlim leh lampi ciaptehnate kizang hi.
Sabbath in bang ciaptehna hiam? Pai. 31:13, 16, 17 sim in. Koi bangin Pasian thukham kip tawntung hi,
ci-in a um eite in tua thute nuntakpih thei ding i hiam?
Pai.
31 sunga thute in nidang Israelte tungah kipia hi; ahi zongin Khrih sunga om
eite in Abraham suanlekhak ihih manin tua kamciam gamhluah mite ihi hi (Gal. 3:29); tuhunin
Sabbath in Pasian
leh a mite kikal ciaptehna khatin om hi. Sabbath in Pasian
tawntung thuciam, a kiptawntung a mite a ciaptehna hi (Pai.
31: 16, 17). Hih ciaptehna
in Amah in eite hong Piangsakpa, i Honpa leh hong Siangthosak
Pa hi, ci-in i theih nadingin hong huh hi. Mangngilh thei baih ihih manin nipi kaal hong tunsimin Sabbath
in tua thute hong phawksak laan kikhai tawh kibang hi.
Pasian Sabbath
in tatsat lo-in
i kipaticilna, i suahtakna, i tun nading mun
leh nawlkhin thuakte leh nenniam
thuakte tungah i masuan hong phawksak
hi. A taktakin mihing in Sabbath a vazuan ihihna sangin Sabbbath in nipi kaal khat hong cinsim,
eite in kua hi-a, kua in hong bawl a, hong Bawlpa
in ei adingin bang nasem
a, a tawpna-ah Amah in i teen nadingin vanthak
leh leitung thak a bawl ding hi, cih Sabbath in hong hilh hi.
A siangtho Pasian in Amah tawh thuciam
a bawl dingin eite hong sam
hi;
hih thuciam in Piangsak
Pa leh Honpa in Ama piansak mihing tawh kizopna
a hong bawl hi. Nipi kaal khat hong tun ciangin Pasian thupiakna leh Ama
thuneihna om bangin eite in Khrih Jesuh sungah a hong kipia tawlngakna sungah a lut dingin
sapna ngah ihi hi; Amah in eite upna kipatna
leh upna a hong zawhpih Pa ahi hi; eite khempeuh
nopsakna sung i lut nadingin
Amah in singlamteh tungah
thahna hong thuak hi (Heb. 12:2).
Koi
bangin Sabbath
ni hong tun ciangin Pasian
tawh kizopna kip na ngah hiam?
FRIDAY September
3
Ngaihsutbeh Ding: “Eite in kaal khat sung tawntung
Sabbath i phawk
ding kisam a, Pasian hong thupiak a om bangin Sabbath ni ading a kiging tawntung
ding ihi hi. Thukhun
zuihna bang bek lel a ngaihsutna tawh Sabbath
tawlngak ding hi lo hi.” Ellen G. White, Testimonies for the Church,
vol. 6, p. 353.
“Vantung khempeuh
in Sabbath ni tawlnga
uh hi. Ahi zongin amaute
in Sabbath ni sep ding leh sep loh ding khat khit khat gual suk lo uh hi. ( not in a listless, do-nothing way. Sabbath ni-in nunna tha thak ngahin
Pasian leh Khrih i Honpa tawh kimuh
ding ni hi lo hiam? Upna tawh Amah i mu thei hi.
Amah in tha thak hong
pia nuam hi; mihing khempeuh
thupha hong pia nuam
hi.” Testimonies to the Church,
vol. 6, p. 362.
“Sabbath ni tawlngakna hun zatnate sangin
Pasian in a hong kalh thute
in lian zaw hi. Sabbath
in nisim nasep
masuante panin tawlphotin biakpiakna leh Pasian thute lungngaihna hun a zat ding ahi hi.
Kaal sung tawntung Pasian maipha zonate sangin Sabbath
ni-in Ama maipha a zong zaw dingin hong deih hi; amaute in Ama maipha
ngah ding lunggulh uh hi; amaute in Ama thuphate ngah ding lamen uh hi. Pasian
in a mite thupha pia dingin Sabbath ni ngak lo hi. Vantung
in a nasep khawl ngei lo hi; mihing in nasep
hoih a sepna panin khawl
lo ding hi. Sabbath
in bangmah sem lo-in a mawkna-
in hun beisak ding ni ding hi lo hi. Topa tawlngak ni-in
leitung nate sem ding
thukham in hong phal lo hi; angsung
nasepnate panin tawlnga ding
hi; leitung nopsaknate panin khawl
ding ni hi; ahi zongin Pasian in Sabbath
ni-in piansak nasepna
panin khawl hi; Amah in Sabbath ni-in
tawlnga-in, Sabbath ni thupha a pia hi. Tua hi-in mihing in nisim
nasepte panin tawlnga ding hi; a hunte cidam
nadingin tawlngakna, biakpiak
hun, a siangtho
nate sem ding hi.Khrih
in cinate a damsak nasep in thukham tawh kituak mahmah hi. Damsakna nasep in Sabbath pahtawi
hi.” Ellen G. White,
The Desire of Ages, p. 207.
Kikup Ding Dotnate
1.
Kimlepaam nate limtak kepcingna
in tulai leitung
gam tampi in a buaipih mahmah thu khat hi. Leitung
kumpite nungzui hi lo-in koi bangin ei
Adventist thu-um mi khat in piansak nate limtak
kemcing thei ding i hiam?
2.
Nasep in lungsim
ngaihsutna pan hong kipan hi. Koi bangin innkuan sung, pawlpi sung, kimlepaam a om huhna
kisamte panpih thei ding na hiam? Koi bangin Sabbath in piansak
nate kepcingna leh mi huhna-ah hong huh thei hiam?
3.
Sabbath hong tunsialin mihing
khempeuh in Pasian
hong piansak hi, cih
hong phawksak hi. Sabbath in Pasian muh bangin mite muhtheihna hong guan hi. Koi
bangin Sabbath in Pasian lim le mel suunin hong bawl mihingte, Ama itna i
ngahna in minam, nuntak khuasakzia, numei leh pasal kideidanna in khiatna
nei lo hi.
