TRINIDAD
AND TOBAGO April 10
Chenelle Spooner, 31
Kum sawmthum phakhin Chenelle in sangsiate thusinna a neihna mun khat panin thau ging galzak hi. Sangsiate in innpua lamah diangkhia uh a, pawl khatte inntung khan thumna lamah taikhia mang uh hi. Lampi ah mi khat in a mawtaw pan pusuak khia-in a tai khat mu hi. Tua mawtaw sung panin thau ging hi. Sangsia kimkhat in lau-in awnggawp uh hi. Tua mawtaw in sanginn lam zuanin hong pai ciangin sanginn sung a om khempeuh in buk nading mun zong ciat uh hi. Minutes nih sung bang daitakin om uh hi. A tawpna-ah thau ging hong veng hi. Chenelle in naupangte lau-in a kahna ngeingai za hi. Amah zong kap hi. Hih bangin kikapna thau gingte kha 7 ciangin khat vei bang tuak kha zelzel uh hi.
Sangsiate in lau-a om sangnaupangte a
lau loh nadingun va hopih uh hi. Chenelle in zong naupangte a huh khit ciangin
sanginn nusia-in a pai khia hi. Palikte in sangpua lamah na tungkhin uh hi.
Palikte in lampi gei-ah a mawtaw khawlsak dingin gen uh hi. “Ka mawtaw tawmvei
sung ka en thei ding hiam? ci-in dong hi. Palik makai khat in Chenelle kiangah
a mawtaw lamah pai dingin sawl hi. Thautang in mawtaw kongkhakte sukha hi. Chenelle in tuate amuhteh lamdangsa hi. A
mawtaw pen tuma kum nihlai-a a lei hi-in hoih lai mahmah khat hi.
Tua
kikapna-ah mi thum in liamna ngahin kuamah a si om lo cih a nungciangin Chenelle
in a za kik hi. Lau-na tawh kidim khin uh ahih manin tua ni laisin suak nawn lo
uh a, sangnaupangte inn ciahsak phot uh hi. Nitak lamin sangsiate in thusinna
nei uh hi.
Chenelle mawtaw kisiatna tam hi. Thau
tawite in a kap nop mipa in ama mawtaw nuai-ah bukna-in nei hi. Tua nitak
ciangin Chenelle in Pasian kepna hangin lungdamkohna nei hi.
“Topa
aw, ka nuntakna hong kep manin na tungah ka lungdam hi. Mi khempeuh in thau
tang tawh kipelh uh hi. Nangma kepna hangin na tungah ka lungdam hi, ci-in a
lungdamna pulaak hi.
A beisa hun a a tuahkhak buai-na a
ngaihsut kawmin a lawm tawh a kiho-na thute a phawkkik hi. A mawtaw sungah
sathau khek ding a ngak kawmkawmun amah tawh a zinkhawm a nasem nu nu tawh
kihoho uh a, mite in Pasian sangin mawtaw thupi a ngaihsut zawkna thute a
kikumkum uh hi. Tua bangin a kiho laitakun Chenelle in tu-ma kha 7 hunlai-in
khualzinna lampi tungah migilote in mawtaw pangin a kapna thute a za hi.
Thautang in a khak mawtaw khat lampi veilamah tukin a omna thute a gengen hi.
Tua bang tuahsiatna khit ciangin Chenelle in mawtaw sangin Khrih in thupi zaw
hi, cih phawk thakna nei hi. “Ka mawtaw pen zing le thai ah kisia thei hi a,
ahi zongin Khrih in ka nuntakna a hong keplaisiah Ama na ka sem thei hi, cih
hong phawk hi.
A zing ciang June 12, 2019, sanginn pua
lamah thau ging khat za kik leuleu uh hi. Tua kikapna khit ciangin a naseppihte
in Chenelle tungah a mawtaw zuak dingin hilh uh hi. “Na mawtaw zuak in. Na
mawtaw tungtawnin dawi gilote in nasem hi, ci uh hi.
A lawmte khat in “Hi mah hi, zuakkhia
in” ci-in thapia hi.
“Hih mawtaw tungtawnin siatna khat
teitei hong tung hi,” ci-in pulaak ciat uh hi. Ahi zongin Chenelle in a mawtaw
a zuak nading thu mu lo hi. “Van le nate
tungah kinga lo-in Pasian mitsuanin nungta ding kisam hi,” ci-in dawngkik hi.
Chenelle in a mawtaw tungtawnin Pasian
hoihna kilang hi, ci-in pulaak hi.
“Ama sungah upna nei-in Ama min
suangin thungen lehang hamsatnate lak panin Topa in hong honkhia hi,” ci-in
pulaak hi.
Tuma kum thumlai-in Sabbath School
sumpi in University of the Southern Caribbean adingin “center of influence” inn
golpi khat kilam hi. Hih mun panin nuntak khuasakzia hoih zawk nading thu
kihilhna-in kizang hi.
MUC in tu quarter Sabbath School 13na
sumpi minpuasakin Tuikhing pawlpi huang ki-umsak hi.
