TRINIDAD AND TOBAGO April 17
Crystal White, 32
Caribbean tuikulh a om naupang tampi in min neu nei ciat uh hi. Crystal White in Catherine ci-in minneu nei hi. Ahi zongin mikim in Polly ci uh hi. Bang hang hiam cihleh Catherine in kii deih lua banah kamtam mahmah khat hi. Crystal in sanggam numei khat nei a Rochelle ci hi. Ahi zongin mite’n Mopsi ci-in sam uh hi. Bang hang hiam cihleh amah pen gawng mahmah khat hi.
Crystal pa in Meisia nu ci-in sam hi.
Ni khat Trinidad khuano Cumuto ah nitak khat inn sung kahlei tungah a tut
laitakin a pa in khe beng in “Mi melsia nu” ci-in sam hi. Crystal a hehsuak
mahmah hi. Sanginn ah sangnaupangte khat
le khat min tuamtuam tawh kisam uh a, ahi zongin a pate un a tate uh min tuam
khat tawh a sap uh ciangin naupangte heh uh hi. “Kei ka melsia kei” ci-in Crystal nial hi. A pa in tua bangin a pau, bang mah ngaihsun
lopi-in a pau khiat khak hi.
A pa in, “Nang pen ka tate lak pan mel sia penpen hiteh” ci hi. Crystal a heh suak semsem hi.Amau unau sawm pha uh hi. Tu-in Crystal in tua bangi melsia ci-in kisapna hangin a lungkia mahmah hi. A pa kampau in a tanu nunzia tampi kikhelsak hi. Amah in lungkiatna tawh kidimin amah leh amah kithah ding ngaihsunsun hi. An zong nei lo tui zong dawn lo-in tua bangin omcip hi. Tua bangin om hi lehang gawng semsem dingin ka mel hoih zaw ding hi, ci-iin ngaihsun hi.
Nisim a sangtuahsial a lupna inn sunga
limlang mai-ah ki-en den hi. “ Bang hangin ka tal gol lua hi ding hiam,” ci-in
lungkia-in a khitui luang hi. “ Bang
hangin na ha gol lua hiam? Bang hangin thau lua na hiam? ci-in dotna bekbek
hong lut hi. Ni khat limlang mai-ah dingin lungkia-in a et laitakin radio panin
la kihong khat ngai kha hi. “ Na mel a sia hi lo hi; na mel hoih hi,” ci-in
phawk tawntung in” ci-in hopihna dan khat a za hi. Pasian in a lamdangtakin a
hong bawl ihi hi. Nang in Jesuh Khrih ta na hi hi.” Hih kammalte in Crystal
lungsim lawngkha hi. “ Pasian in a lamdangtakin hong piansak ka hihleh bang
hangin siatna tawh kidim ka hiam? Pasian in sep khialh khat nei hi ding hi,” ci-in a ngaihsun hi.
Cyrstal in nakpi-in kap zaw semsem hi.
Pasian kiang pan mawhmai ding ngen hi. Dahna khituite leh lungkhamna khituite
in nuamna khitui hong suak kik hi. Midangte gen bangin nungta lo-in amah mah in
Khrih mu dingin khensat hi.
Kum 17 a cin ni-in nidang bang nawn
lo-in a ngaihsutna khempeuh kikhelin Jesuh mit tawh amah mah ki-en a, nidangin a siatnate amuh hangin tu-in
nuamna bek tawh kidim hi. Late 139: 14 sung bangin “ Nang kong phat ding hi.
Bang hang hiam cihleh nangmah in a lamdangin kei nong piangsak a, na nasepna
khempeuh in lamdang hi. A lamdang nangma nasepnate in vangliatna tawh kidimin
om na hihlam mu thei hi; tua hun a kipan Cystal in annek kipan hi. Mehteh
mehgah tuamtuam gawmkhawmin mehtui-in bawl hi. Tua hun a kipan man nei lo
bangin ngaihsutna khempeuh beisiang hi. Nuntak nading thu a omlam phawkpha
sansan hi.
Lungkia-in om nawn lo-in na khempeuh
Pasian khut sungah muanna tawh nungta hi. Pasian sungah muanna tawh nungta-in a nuntakna in nuamna
tawh kidim hi. Pasian kiang pan a ngah nuamna kuamah in a lakkhiatsak thei kei
ding hi, cih khamuang hi. Mi khat peuh in ama min a lawh ciangin bangmah
awlmawh nawn lo hi. A pa in melsia nu ci-in a sap hangin, Pasian bawlsa ahihna
kiphawkin hoihna tawh a piansak ahihna, Pasian tanu khatin a omna phawkin
bangmah lunghimawhna nei nawn lo hi.
“Hih bangin ka nuntak pen Pasian hong bawlsa
hi. Pasian in hong bawl khial hi lo hi,
cih ngaihsutna tawh kidim hi.
Tu-in Crystal in kum 33 pha khin a,
pawlpi makai khatin omin Pasian in nate a bawlna-ah bawl khial cih peuhmah om
lo ahih manin lungneu nading thu om lo ahihlam khangnote a hanthawn phapha hi.
“Ka neulai-in mite nawlkhin thuakin
maimialin ka om hi, ci hi. Pasian in kei adingin ngimna nei-in a hong piansak
ahih manin tua bang mahin Pasian in zong mimal khat ciat adingin ngimna khat
nei ahihna thu midangte tungah ka pulaak
hi, ci hi.
Tuma kum thumlai-a Sabbabth School
sumpi in, Crystal sangkahna university of the Southern Caribbean, Trinidad leh
Tobago cihte ah nuntak khuasak hoih zawk nading ngimna tawh “center of
influence” innpi khat kibawl hi. Hih mun panin Pasian nasem ding khangno tampi
kipantah hi.
MUC in
tu quarter Sabbath School 13na sumpi minpuasakin Tuikhing pawlpi huang
ki-umsak hi.
