TRINIDAD
AND TOBAGO April 3
Daniel Amattaeran, 29
Daniel in kum 11 a phakin a vengte khat in Suriname khuapi Paramarebo ah hip-hop lamdan khat hil hi. Daniel in tua bang lamdante TV ah mu ngei zelzel a, ahi zongin amahmah kisin ngei lo hi. Khut kilen a, khe khat bek tawh lam cih pen lamdangsa mahmah hi. Hih dan lamte pen numei deih lamdan hi-in a en zong numei vive hi zaw pian hi. Aman zong hip-hop lamzia ding kisinsin hi. Daniel in lam uk mahmah khat hi. Lam kidemna tuamtuamte panin zong pahtawi-na ngah zelzel hi. Tua bangin pahtawi-na a ngahte lakah Netherlands gamah pai theih nading ngah hi. Amah pen hong minthang semsem hi. Nungak tampi in panpih uh hi.
Ni khat Daniel in a lupna tungah
tawlpi khat tu-in thu ngaihsunsun hi. Tua bang hun laitakin amah a hopihna aw
ging khat za hi. “Na nuntakna-ah bang sem nuam na hiam? ci-in dotna za hi. Kha
Siangtho hopihna hi kha ding hi, ci-in ngaihsun hi. A nu le pa in a neulai-in
biakinn ah kikhawm dingin tonpih thei zel uh a, ahi zongin kum sawtpi sung
kikhawm nawn lo hi.
Daniel in Kha Siangtho hopihna deih lo hi. Tua sangin leitung nopsakna leh gualnopnate lunggulh zaw hi. “Pasian aw, tu’n hi nai lo” ci phot hi. Lamna-ah kihel dingin ngaihsun kik hi. A teek a guai ciang tha nei lo-in a lam zawh nawn loh ciangin biakna lam kinbawl zaw ding leh tua hun ciangin biakinn pai ding ngaihsun hi.
Daniel in zan a ihmut ciangin a mang sia den a, dawite in hopih tawntung hi. Zan khat a mangin Jesuh Nihvei hong pai-na mangman hi. A mang sungah Jesuh in puankaang silhin meilompi tungah a tu mu hi. Leitung in meikuang tawh kidimin mihingte in a sak, a khang mun citeng ah tai kawikawi uh hi. Tha khatin Daniel in a mangmatna panin khanglo-in a lungtang kinawhsai mahmah hi.
“Kei a mangthang ka hi ta hi.” ci-in
ngaihsun hi.
“Pasian kiang zuan ding hun hi ta hi,
ci-in pulaak hi. Ahi zongin ama ngaihsut bangin gamta tuan lo hi. Hun tawlpi
khat hong beito-in kum 19 hong phak ciangin college sangkah a, Khristian hi lo
a sanggamte khat tawh omkhawm hi. Ni khat Daniel in tutphah tung khatah DVD
khat mu a, tua tungah “Hip-Hop thuman” cih khat mu hi. Hih DVD pen Khristian
ministry khat in a hawmkhiat hi napi Khristian innkuan lo inn sungah hih bang
DVD amuh ciangin lamdangsa hi. “Hih kua lei hiam? ci-in dongpah hi. Koi pan
kingah hi-a, kua lei hiam cih a thei kuamah
om lo uh hi.
Daniel in hih DVD en phapha-iin
Hip-Hop hong piankhiatna thu pen migilote kipawlna, mi thahna, guktakna,
guihtheih khamtheih tawh kidiahin siatna tuamtuam tawh kidim kipawlna khat sung
pan hong piangkhia ahihlam mukhia hi. Daniel in a cih nading thei lo-in a
lungmang hi. Hip-hop in dawi tawh kipawl ahihlam amuh ciangin hip-hop mudah
mahmah hi. A beisa-in hip-hop pen numei tawh kithuahna, gualnopna mawkmawk
bangin ngaihsun hi. A lawmte khat tungah “Hih DVD sunga thute a takpi mah hiam,
ci-in dong a, a lawm in, “ hi kei” ci-in dawngkik hi. Daniel in man leh man kei
taleh bang phamawh hiam, ci-in ngaihsun hi. Daniel in a lam mah zomtoto hi. Tua
kawm mahin a sanggam Adventist thu-um khat tawh biakinn ah kikhawmin pai zel uh
hi. Kha lang phial bang Pasian thugenna-ah kihel a, thugensia pa in kituiphum
ding a khensat khempeuh ki-apna nei dingin a mai ah hong pai un, ci-in a sap
ciangin Daniel zong a mai-ah vapai hi. Tua bangin a pai kawmkawmin a pumpi
khempeuh linggawp hi. A lungsim sungah thunih kido den hi. “Hip-hop nusia ding na hiam? Numei, khamtheih
tuamtuam leh gualnopna taisan ding maw? ci-in hopihna khat za a, a dang hopihna
khat in “Jesuh tel zaw in. Amah bek lampi hi” ci-in hopihna khat ngah hi.
Thugensia pa in khensatna a nei zo nai
lote a paikhia un, ci-in sapna a piak ciangin, Daniel in a lungsim sungah ki-ap
ding ka hiam, ki-ap nai lo ding ka hiam, ci-in ngaihsunsun hi. Daniel in sumle
paai, minthanna leh numei tawh gualnopna khenglah hi.
Tua zan inn a tun ciangin ihmu thei lo
hi. Khukdinin thungen a, “Topa aw, ka kikhel ding nong deih takpi leh nalamdang
khat hong lak in. Zing ciangin thugensia pa in sapna hong neih kik leh ki-ap
zawhna tha hong guan in,” ci-in thungen hi.
A zingciang nitak thugenna-ah thungai-in
vapai kik a, thugensia pa in ki-apna nei ding mipite samkik hi. Daniel zong a
tutna pan dingkhia-in ki-apna nei ding ngaihsun hi. Ahi zongin a ciling gawp
hi. Tua leh a bilah hopihna nih za hi. “Topa aw, ki-apna nei ding a mai-ah pai
zawhna tha hong guan in”ci-in thungen hi.
Tua leh, a nunglam pan a sawn khat om
tawh kibangin kisawn hi. Amai lam zuanin hong pai hi. Kal khat khit kal khat
thugensia pa lamzuanin hong pai hi. A maigualah vading hi.
Tu-in Daniel in kum 29 cingkhin a,
pastor sem dingin University of the Southern Caribbean ah laisin laitak hi.
Amah leh amah pen Facebook evangelist ci-in facebook panin Pasian thugenna,
Pasian thulamah thapiakna video tuamtuam lahna leh facebook tungtawnin Pasian
nasepzia ding cihte zong thuhilhna pia hi. Tua bangi a nasepna tungtawnin tu-in
mi 24 in kituiphum khin uh hi.
“Pasian in hong hehpih mahmah hi, cih
ka phawk hi. Tua hang mahin Pasian nasepna-ah ka kihel theihna bangbang tawh
mapangin na ka sem hi.
A beisa kum thumlai-in Sabbath School
sumpi huhna tawh University of the Southern Caribbean college adingin biakinn
khat kilamthei hi. Hih college in Trinidad, Tobago khuapi-ah om a, Daniel
sangkahna sang hi. Tua banah a sawt lo-in a kihong ding “center of influence”
ding a, hih mun panin Pasian nasem dingte thusinna mun hoih khat hong suak hi.
MUC in tu quarter Sabbath School 13na
sumpi minpuasakin Tuikhing pawlpi huang ki-umsak hi.
