MEXICO June 19
Florencio Vazquez, 61
Kum 4 a pha Florencio in a pite huan sungah khatah nasem a hahkat mahmah khat hi. Buhsuanin, avocado, cacao, leh lingpaak tuamtuam khawng ciing uh hi. Ama nasepna-ah naupangno kum 7 a pha Antonio in nasep huh zel hi.
Florencio in Saturday ni hong tunteh
Antonio bangmah nasem lo-in a om hong thei hi. Tua banah a sanggamte mi nih
thalawh sumte zong Saturday niteh la lo-in om amuhteh lamdangsa hi. Saturday
nitum khit khuamial ciangin innciah pan hi.
Florencio in bang hangin tua bangin
gamta na hiam, ci-in a dot ciangin “Lai
Siangtho ka sem hi” ci-in Antonio in dawngkik hi.
“Pasian in Saturday ni-in bangmah
nasem lo ding hong deih hi. Bang hang hiam cihleh hih ni pen Ama ni siangtho
hi, ci hi. Florencio in Antonio gen
thute um hi; bang hang hiam cihleh amah pen naupangno dangte tawh kibang lo hi.
Amah pen migi, nasep hahkat banah Lai Siangtho sim tangtang hi. Amah pen a lawm
hoih pen hong suak hi.
Tawlkhat khit ciangin nasep tawlngak
hun sungin Antonio in Florencio innah pai-in kikhawm dingin zawn hi.
“Ka biakinn ah hong kikhawm in,” ci-in
sam hi. “ Biakinn ah naupangte ading limtak hungeelna om hi,” ci-in pulaak hi.
“ Lai Siangtho simkhopna nei-in mi
tampi tawh kilawmtatna hi, ci-in sam hi. “Aw, hong zui ning,” ci-in kithukim uh
hi. Ahi zongin mah hong pai lo hi. A pi
pen pawl dang hi-in Seventh-day Adventists pawlpi a langpan mahmah khat hi.A pi
in amasa-in Saturday a tawlnga mite pen mi thadahte hi, ci-in ngaihsun hi. Bang
hang hiam cihleh hih ni-in amaute in bangmah nasem lo hi. Ahi zongin Antonio in
lungkia lo hi; tawl khat khit ciangin Forencio kiang vahawh kik a, zolbawl hi.
“Biakinn ah kikhawm ding hong zui in” ci-in
zawn hi.
Florencio in zui nuam mah hi, ahi zongin a pi in phal lo
hi.
Antonio in tatsat lo-in Florencio zol
veve a, kha khat khit ciangin
Florencio in ngaihsutna thak khat hong
nei hi.
Saturday
ni zingsang khat a pi in van zuak dingin innpan paikhia baih hi.
Ama’n zong biakinnah kikhawm dingin
Antonio va zui pah hi. Hih biakinn ah kikhop nuamsa hi. Pawlpi mite’n limtak na
muak uh hi. Sabbath School naupangte thusinna nuamsa phadeuh hi.
Inn hong tunkik ciangin a pi in na
ngak hi.
“Nang koi-ah pai? ci-in thusit hi.
“Antonio tawh Adventist biakinn ah kikhawm”
ci-in naupangno in dawngkik hi.
A pi heh pha mahmah hi.
“Tua pawlpite ka deih lohlam thei hi lo na
hiam? Pai nawn ken? ci-in hehsa-in a tupa han hi.
“ Tua biakinn ah na pai nawn kei leh
beer hong leisak ding hing, ci-in kamciam hi.Ahi zongin Saturday ni hong
tunkikteh, a pi a vaikhak khiat kalin, naupangno Florencio in kikhawm dingin a
lawmte tawh biakinn lam zuan hi.
Kum nih khit ciangin Antonio-te innkuan
in khua dang khatah kituah uh hi. A lawm ding nei om lo ahih manin Florencio in
biakinn pai nawn lo hi. Thumang lo-in tatsia semsem hi. Kum 9 a phak ciangin
zudawn, zatep tawh kidim hi. A pi phalna tawh beeng a kipan kanza cihte zang
hi.Ahi zongin Antonio tung pan a ngah
thuman khaici mangthang lo hi.
Guihtheih khamtheih tawh kidiahin om
a, kum tampi sung hih ahoih lo nate panin suakta dingin hanciam hi.
Florencio in Pasian huhna ngen
hi. “ Hih siatnate pan hong damsak in,”
ci-in thuum hi. Kum khat sung thungen hi. Tua leh thakhat thu-in, kum 45 phak
ciangin zatep nopna, zudawn nopna leh beng, kanza zatnopna lungsim beisiang hi.
Siatna panin suakta hi. Pasian tungah a
thungetna Pasian in pia hi, cih thei ahih manin lungnopna tawh kidim hi. A
nuntakna Jesuh pia-in Seventhday Adventist pawlpi-ah kituiphum hi.
Florencio in Adventist a suahtak teh
kum 4 a phak hunlai a lawm Antonio gen thute phawk kikkik hi. Seventh-day
Adventist pawlpi in Lai Siangtho thuman thutak zui hi. Sabbath ni siangthosak
hi, cih thute phawk kik hi.
Tu-in Florencio in kum 61 cingkhin hi. Pasian in a nuntakna a hotkhiatna
zia, khamtheih tuamtuamte sung pa a suahtakna thute a pulaak kawikawi-na
tungtawnin mi 20 bang in a nuntakna-uh Jesuh tungah kipia-in kituiphum khin uh
hi.
“A vanglian mahmah Pasian i nei hi,”
ci-in Florencio in pulaak hi. “ Ama vangliatna ka genthei kei zongin, ka
nuntakna hong khel ahihlam ka thei hi, ci hi.
2018 kum quarter masa Sabbath School
sumpi in Southeast Zato innpi ah kipuak
hi. Hih zato in Villaheros khua, Mexico ah om a, Florencio-te innkuan teenna
khua hi.
Mai Sabbath in quarter cinni Sabbath
13na ahih manin sumpite khiat ngei a zah thum kiging ciat ni.
MUC in
tu quarter Sabbath School 13na sumpi minpuasakin Tuikhing pawlpi huang
ki-umsak hi.
