TRINIDAD
AND TOBAGO April 24
Noelia,
35
Noelia in nitumma-in Sabbath ni ading a anhuan min dingin nawhsa takin huan hi. Amah pen Chase khuano, Trinidad leh Tobago ah teeng hi. Amah pen lai Siangtho thuhilhin nasem kawikawi khat hi. Hih nasepna panin mi 25 kituiphum khin hi. Tu-in kituiphum ding a ngaihsun numei khat in sam a, Friday nitak ciangin Lai Siangtho thusinpihna nei uh hi.
Noelia in ama deih an Guyanese huan uk
mahmah hi. A innsapna inn sung neu khatah tua bangin manlahin anhuan hi.
Kawlkai cihte a kipan gah tuamtuamte meh dingin bawl hi. Anhuan kitaklahin a om
laitak a lupna tungah phone ging za hi.
Laikhak khat hong lutin a et leh a omna innpi bomb puakkham gin ngaih
mahmah khat om ahihna thu kipuak simkha hi. Tua bomb puakkham gin ngaih lua
ahih manin inn kilingin Noelia kilawnkhia-in a nung leh inn kitaih kha hi. A
puksuk ciangin mit tawh kimu thei lo khut khat in amah len a, a omna inn sung
panin inn pua lamah paikhiatpih hi. Inn pua a tun ciangin Noelia in huhna ngen
in awng hi. Ama kammal kitel thei lo hi. Ahi zongi a vengteng in galmuh uh a,
delh pah ngeingai uh hi. Mi khat in cina pua mawtaw sapsak pah a, mawtaw hong
tun mateng tui sungah hak dingin kisawl hi.
Mi kim khat in a inn sung tui buakin
mei pelhin kitaklah mahmah uh hi. Tuivot hong tawi uh a, Noelia lutungah buak
suk uh a, a om dan khat hong nuam zaw hi. A vun khempeuh thuaklah phial ding
bangin sa gawp hi. A pumpi khempeuh meikang hi phial hi. Ambulance hong tun
ciangin mawtaw in manlang takin zato puak pah hi. Tang lo-in limtak a om ding
lenkip uh hi. Siavuan siamahte in limtak vel uh a, a thupiangte zong dong uh
hi. “ A inn sung a gas bung puakkham hi, ci-in dawng kik uh hi. Tua leh
siavuante in lamdangsa uh hi. Hih bangin a nuntak theih nading om lo hi. Tua
bangin gas bung puakkham a thuakte a nungta kuamah om lo hi, ci-in siavuante in
gen uh hi.
Tua bangin siavuante kihona a zak
ciangin Noelia in Topa tungah lungdamko phapha hi. “ Ka nuntakna-ah ngimna khat
nei hi ding hiteh, tua hangin nangmah in sih nading panin nong suakta sak hi”
ci-in Topa tungah pulaak hi. Khua a phawk zaw deuh ciangin zato pan innciahsak
uh hi. Tua zan ciangin a pawlpi mite khat hopihin a innah hawh dingin sam hi.
Noelia zong lungdam mahmah hi.Ahi zongin a thuah khak thute a ngaihsut ciangin
a dipkua tawntung hi. Pawlpi mite in a thupiangte a zak uh ciangin lamdangsa uh
hi. Amaute in Pasian min phatna lasa-in Ama kepna hangin lungdam uh hi.
Sabbath nitum a, Noelia in lampai thei
lo hi.A khe bawk gol semsem hi. Tawl khat sung lampai thei lo ahih manin pawlpi
mite hong pai-in ama kiangah biakpiakna bawlpih uh hi. Dam pak lo dingin a
ngaihsut uh hangin kha khat leh a lang khit ciangin Noelia in limtakin lampai
thei hi. Tua bangin manlang takin a
damkik a theih uh ciangin Pasian damsakna hi, cih simloh bangmah thu dang
peuhmah om lo hi. Noelia in “kaampha cih peuhmah sang thei lo hi. Pasian kiang
pan thupha ka um hi. Hih bangin manlang takin ka dam theihna a hang pen pawlpi
mite hong thungetsakna hang hi, ci-in tecipang hi.
Tua bangin thuaksiatna a thuak a kipan
Noelia in Pasian tawh a kizopna kilamdang mahmah hi. A tawntungin Amah it thei
a, nidang bang nawn lo-in Amah a muanna lian zaw semsem hi. Nisim a phutkhak
hamsatnate hangin bangmah lunghimawhna nei lo hi; Pasian kepna leh Ama hutna
sungah khamuang tawntung hi.
Kha 9 khit ciangin Noelia tawh kimu
dingin a inn ah hong pai a lawm in Khrih tungah a lungsim ap hi. Tu-in Noelia in
ama hihtheih zah tawh Pasian na sem a, midangte tungah huzaap lianpi nei hi.
Pasian na sepna-ah bangmah in hong khaktan zo lo hi, ci-in pulaak hi.
Tu quarter Sabbath School 13na sumpi
in University of the Southern Caribbean
kipuak ding a, hih mun in Pasian nasepna mun phualpi hong suak ding hi, cih
lametna kinei hi.
MUC in
tu quarter Sabbath School 13na sumpi minpuasakin Tuikhing pawlpi huang
ki-umsak hi.
