Cikhum leh antang Leitawi
COLOMBIA May 15
University sangnaupang kimkhat in
midangte sangin huhna kisam zaw uh hi. Beatrice in ta nih nei mi etteh taakcing
nupi khat hi.
“Antang tawmkhat hong leitawisak ve” ci-in Beatrice in inntek nu Maria dong hi.
Maria in ama innah sangnaupang kimkhat
innsapsak a, tua tawh nungta hi. Tawl khat khit ciangin Beatrice in kisapna
khat nei leuleu hi.
“Cikhawm tawm khat hong leitawisak in”
ci-in ngen leuleu hi.
Maria in zong leitawisak leuleu hi. Tua khit ciangin Beatrice in nahtang, antang leh cikhawm kisam kik hi. Maria in Beatrice kisap bangbang leitawisak hi. Tua bangin a kikholhna uh tungtawnin Pasian thu genpih theizel hi. Ellen G White laigelhte zong sim zelzel hi. Ministry of Healing laimai 143 ah, “ Khrih sepzia bek tawh nasep kizo ding hi. Honpa in mi tawh kikhawlin amaute hoih nading bekin nasem hi. Amah in mite hehpihna lungsim nei-in amaute kitangsapnate a huh hi; amah in mite muanna a ngah hi. Tua khit ciangin ka nung hong zui in, ci-in a sam hi.
Maria in tua bangin Beatrice tungah hehpihna nei-in
a kitangsapte huhna panin kilawmtatna nei thei uh hi. Maria pawlpi in Pasian
thugenna khat nei a, tua munah thungai dingin Beatrice zong zawn hi. Beatrice in
hih thugennate zaknopsa-in, a nihun Lai Siangtho thu sinkhopna nei uh hi.
Tawlkhat khit ciangin Beatrice in
kituiphum hi. Kituiphum khit ciangin zong Lai Siangtho thusinna zomto suak uh
hi. Beatrice ta kum 12 khat leh kum 8 pha numei no zong kituiphum uh hi. A dang
innsapte in zong Lai Siangtho thu sinnna nei uh a, tu-in mi 30 bang in
biakpiakna nei khawm uh hi.
Tua ciangin sangnaupangte in
kitangsapna tuamtuam a neih uh
ciangin Maria kiangah hong pai uh
hi. Sangnaupangte khat in hanthotna pia
dingin Maria sam hi. Maria zong vapai a,
Director
pa tawh a kimuh ciangin, “Hih nu kua
hiam? ci-in dong hi.
“ Lai Siangtho thu hong sinpih amah
hi,” ci-in a dawngkik hi.
Director pa in lamdangsa-in thu
tuamtuam dotbeh hi. Maria in zong limtak in hilh hi. Nipi kaal khatin khat vei
ta, ama innah sangnaupangte kikaikhawmin
Lai Siangtho thusinkhopna leh thunget khopna nei uh hi.
Hih thu a zak ciangin direcot pa in
lamdangsa hi.
“Tuhunin tua bangin angsung zong lo-in nasem mi
tam lo hi”
Director pa in Maria tungah, na inn ah
thusinna khawl inla, hih sanghuang sungah hong nei in, ci-in ngen hi. Bang hang
hiam cihleh tua thusinna-ah a kihelte pen sangnaupang vive hi.
University in mun khat vaihawmsakin a, ki-um nai lo innkhan khat om a, tua sungah tutphah simloh a dang bangmah om lo hi. Tua bangin a kikaihkhop uh ciangin a pua lam pan kimu mang khin ahih manin mi hong tam semsem hi. Sangsia 3 leh sangnaupang 40 bangin thusinna nei uh hi.
Tua thute lakah Rosa zong vakihel hi.
Amah pen Maria tawh sangkah khawm ngei khat hi-in thusinna-ah ut pha lo hi.
Maria in Rosa kihel ding leh kihel loh ding lunghimawh lo hi. Amah tawh
kilawmta nuam bek hi. Maria in Rosa hopihin laikhak zel hi. A innah samin anne
khawm zel uh hi. Rosa in Lai Siangtho sim ding lau hi;bang hang hiam cileh Jesuh tungah a cihtak
loh khak ding patau hi. Ahi zongin tua thusinna-ah kihel hi. Tua bangi Lai
Siangtho thusinna leh thungetna nei khawm zel uh a, Jesuh a kihtakna leh a
lau-nate hong bei hi. Tawlkhat khit ciangin Jesuh tungah kipia-in kituiphum hi.
Maria in Rosa kituiphum hi, cih a zak
ciangin lungdam mahmah hi. Kum thum sung Lai Siangtho thusinna a neihna sungah
Rosa bek mah in a khangno pen sawmna hong suak hi. Maria in tua bangin nasep a
lawhcin theihna ahang in Khrih sep bangin a zuihna hang hi, ci-in pulaak hi.
“Khrih nasepzia zui-in Rosa ka zong a, hopihin tua bangin thusinna ka nei khawm uh hi.”
Tu quarter Sabbath School 13na sumpi
in Colombia Adventist University ah
kipuak ding hi. Hih sanginnpi in Maria teenna khua panin vanleng tawh nai nih
bang kileng ding hi.
MUC in
tu quarter Sabbath School 13na sumpi minpuasakin Tuikhing pawlpi huang
ki-umsak hi.
