Boom
Ángel Haro, 43
Angel in kum 21 pha-in a gamla etna tawh mitlimlangbulh khangno khat hi. Mexico Chinuahua huam sung a om khua kimteng en kawikawi hi. Angel in galkapte thautawi mu hi. Ama omna mun panin tuagalkapte omna in tai 4 bang gamla-in thau, bomb puakkham cihte ginngaih mahmah hi. Angel in meikhu kang amuh zui-in tua galkapte omna munlam vazuan hi.
“Topa aw, thau ging ka za nuam hi; a puakkham
ka mu nuam hi,” ci-in thungen hi. Tawlkhat khit ciangin “boom” ci-in a ginngaih
mahmah khat za takpi hi. Thau tang gol mahmah khat kia-in a puakkhapna pan
meikhu mahmah hong pusuak hi. Tai lang sunga om na khempeuh kisiazan gawp hi.
Angel zong bangmah ci lo hi. A gei-om galkapte bangmah liamna ngah lo bilbel uh
hi. Hih galkapte nasep in thautang, bomb khempeuh puakkham ding hi. Ni 15 a
cinkhitteh Mexico Khuapi hong ciahkik ding uh a, tua hun mateng a puakkham thei
khempeuh khat zong koihkhong lo ding ngimna nei uh hi. Tu-in tua bangin a nasep
uh a nunung pen ni hong tung hi. A zingsang ciangin galkapte galkap meileng
tuangin ni 7 sung tawlnga dingin a phual lamzuanin hong pai uh hi. Angel zong
lungdam mahmah hi. A nu kiangah hawh thei ding phalna ngen hi. A nu in Lai
Siangtho khat a piak mangngilh thei lo hi.
Galkap kisinna pan a ciah khit sialin
Lai Siangtho sim den a, Jesuh tangthute zaknopsa thei mahmah hi. Angel in Seventh-day Adventist pawlpi sungah lutin a
kituiphum a kipan a nu in ama ading thunget ding hi, cih pen theitel hi. Tu-in
amah mah in thauvui thautang puakkham ding a et kawmkawmin thungen hi.
Boom! ci-in a gin ngaih mahmah khat za
kik hi. Vantunglamah meikhu kang kahto hi.
“Topa
aw, khat vei a puakkham ka mu nuamlai hi,” ci-in thungen hi. Tua bangin a om
hangin, Angel in lauthawng veve hi. A lawmte nih zong heh mahmah hi. Amauteng
thum in a puakkham lo thautangte kaikhawmin puakkhamsak uh hi.
Nai nih khit ciangin tua ni aitang nasep zo khin a, Angel leh a
lawmte nih in a puakkham nai lo thautangte zong kawikawi uh a, kg 15 a pha ding
bomb golpi khat mu uh hi.
Ángel in thautang khakna hangin a si
bilpi leh keivom tawh kibang ganhing site mu hi. “Hih ganhing site phum
in”ci-in galkapte in sawl hi.
Galkapte in sawlpaang geite ah buk
nading kanto uh hi. Galkap khat in sing kiciangte tungah diesel sungsukin meisah tawh hal amuh ciangin Angel leh galkap dangte in tai lang bang gamlatna munah tai uh hi. A sawt lo
khat ciangin amaute zong kihemkhia uh hi. A puakkham ding ngak uh a, minutes 5,
10, 20 ngak uh hi.
“Topa
aw, puakkhamsak in,” ci-in thungen uh
hi.
Tua
leh tha khatin Boom, ci-in hong puakkham takpi hi.
Galkapte in suangkua hawm sungah bu uh
hi. Meikhu kang tampi hong pusuak hi. Tawl khat khit ciangin galkapte in tua
thautangte puakkhapna munah vapai kik uh hi. Lungdam kipak thei mahmah uh hi. A
ngimna uh tangtungin a sawt lo-in innlam zuan kik ding cih lungmuang uh hi. Thakhatin Boom cih a
ging za kik uh hi. Angel in zong thakhat in boksuk pah hi. Tua bangin cihmah
hunin lau ngei lo hi.
“Topa aw, hong dal in. Hong hu in”
ci-in thungen hi. Lamdang takin a
nihvei-na thautang hong puakkhak kik hi. Tawl khat khit ciangin galkapte in
hong dingto uh hi. Liamna khat zong
thuak kha lo uh hi. Amau gei mahmah ah thautang kia-in puakkham ahihlam thei uh
hi. A nuntakna a suahtakna hangin lungdam kipak uh hi. Tua ciangin khukdinin
Topa tungah lungdamko uh hi.
“Topa aw, nangma nong hutna hangin lungdam
kong ko uh hi,’ ci-in Angel in Topa tungah lungdam ko phapha hi.
Tua ni a kipan Angel in a nu hilh
Jesuh thute ngaihsun hong kipan hi. Lai
Siangtho sim hong kipan hi. Tua banah Ellen White gelh laibute zong hong sim
kipan hi. Kum nih khit ciangin Angel in
a nuntakna Jesuh ap-in kituiphum hi.
“Tua ni-in a lamdang takin ka suakta
hi. Thautang nih vei puakkham lo hi.
Puakkham hi leh ka nungta kei ding hi. Pasian in ka nuntakna hong kem
hi,” ci-in Topa kepna pulaak hi. Topa in ka nuntakna-ah deihna khat nei hi ding
hi, ci-in ka um hi, ci hi.
Tu-in Ángel in kum 43 pha hi. Southeast
Hospital, Seventh-dayAdventist,Villahermosa,
Mexico ah nasemin om hi.
2018 Quarter masa Sabbath School sumpi
in Villahermosa, Mexico gam a om Southeast Hospital panpihna sum a kipuahpha
zoto hi.
MUC in
tu quarter Sabbath School 13na sumpi minpuasakin Tuikhing pawlpi huang
ki-umsak hi.
