MEXICO
May 22
Roger Pech, 52
Chaplain Roger in Mexico gam, Southeast Hospital ah nasem hi. Hih zato ah lupna 40 bang om hi. Ni khat Chaplain Roger in kum 80 a pha Jose in zato atung thak cina hi-in hih nu lupna gei-ah hong khawl hi.
José in cikhum natna leh sikhang natna
tawh zato lum hi. Tha nei lo hi. Chaplain
Roger in Jose theingei hi. Jose in tapa tawh Adventist thu-um mi hi-in kum 20
sung bang a teenna munah kiveng ngei uh hi. Tu-in a veng ngei pa zato lum
ahihlam thei hi. A tute khat zong nurse sem om hi. Jose pen Lai Siangtho thu
sinna leh Pasian thu kigenna munte-ah thungai thei zelzel khat hi. Jose in
Adventist upna thute thei mahmah khat hi-in ahi zongin kituiphum ding khensat
zo lo hi. Chaplain Roger damtakin thu uppih zel hi.
“A si dingin na kiging hiam? ci-in
dong hi.
“Mawhmai-na ngah dingin na lamen hiam?
Vantung tung dingin na kiging hiam?
Jose in, “Si ding cih pen ka thei
hi.Ahi zongin si dingin ka kigingnai kei
hi, ci-in dawngkik hi.
“ Jesuh in ka mawhnate hong maisak nai
kenteh” ci-in ngaihsun ing ci hi.
A tute tawh tua bangin zato ah hong
pai uh amuh ciangin Jose lungkim mahmah hi.
“Pasian in thupha hong pia-in, Ama
tungah lungdamkoh ding kisam hi”
Chaplain Roger in, “Na innkuanpihte
Pasian in hong kem hi, ci-in Ama tungah
na lungdam leh, bang hangin tu-in Jesuh tungah
kipia lo ding na hiam? ci-in dong hi.
José in ka khantawnin Khristian biakna
sungah ka om hi. Adventist thugennate ka
ngai hi; a inn ah zong ka kikhawm hi. Tua val bang kisam lai ka hiam? Kisap
bangmah nei lo-in ka ngaihsun hi,” ci-in a dawngkik hi.
Chaplain Roger in José en a, “ Si
dingin kigingnai lo na hihleh, na mawhna mai hi, ci-in ngaihsun thei nai lo
nahihleh, kikhop cihte sangin na kisapna lianpi khat om hi ding hi, ci-in
dawngkik hi.” “Khrih tungah na ap nailoh
bang a omlai hiam?
José in hih thu ngaihsun kipan hi. Tawl khat khit
ciangin “ tua lian hi, ka kisap hi,” ci-in pulaak a, “ Pa in Pasian thu thei
zaw hi” ci-in dawng hi.
José tapa José Jr. “in “ Ama’n Lai
Siangtho thusinna tam veipi nei khin banah Pasian thu kigenna mun tuamtuamah zong
thungai-in pai hi. Ama kisap pen kipia dingin a lungsim khensat ding bek hi,”
ci-in dawng kik hi. Hih hunpha sim loh hun hoih dang ngah nawn lo kha ding
hiteh, tua hi-in na khensat nakleh keimah in tui hong phum ning,” ci-in
Chaplain Roger in hanthawn hi.
Tua nitakin José in a nuntakna Jesuh
tungah pia-in kituiphum ding khensat pah hi. Chaplain Roger in Jose in a
kituiphum zawh nading, thagui thatang a neihzawh nadingin thungetsak hi. A
zingciangin Chaplain Roger in Jose kiangah vahawh hi. Tampi a hoihlam manawh
ahihlam kiphawk hi. Chaplain Roger in tuiphumna laidal zong bawl khin hi. Jose
in Topa adingin kipia-in kituiphum ding na khensat takpi hiam, ci-in a dot
ciangin Jose in, “ Khensat khin takpi mah ing,” ci-in dawngkik hi.
Zato panin a tuahzawh nipi kaal khat
khit ciangin Jose in kituiphum hi. A nuntak sungah a kituiphum ni in lungdamna
tawh a kidim ni hong suak hi. Chaplain Roger khut lenin, “ Ka kamciam bangin ka
nungta ding hi,” ci-in pulaak hi.
Tua khit ciangin Jose in Sabbath ni
hong tunsialin biakinnah kikhawm hi. Tua zawh kum 3 khit ciangin kum 83 pha-in,
2019 kumin si hi. Chaplain Roger in hih zato-ah a sep hun sungin Jesuh itna
hangin a kikhel Jose bek mah om hi. Chaplain Roger in Jose tawh a nasepna-ah
Khrih ettehin a tawpkhakna-ah Jose nunzia hong kikhel hi. “Hotkhiatna nasepna-ah Khrih sepzia bek in
zawhna ngah ding hi. Khrih in mi lakah kihel hi; mite hoih nading leh phat
nading bekin nasem hi. Jesuh in mite a itna theisak hi; amaute kisapnate huh hi;amaute muanna a ngah hi; tua khit ciangin
ka nung hong zui in, ci-in a sam hi. Mun
khempeuhah pumpi taksa cinate a kipan lungsim cina tam hi. A hoih penpen i sep
theih ding in amau gen thute limtak ngai ding kisam hi. A lunggim mi khat in
ama thuak hamsatnate a pulaak ciangin a vanpuak zangtuam hi. Amau gen thute
limtakin ngai hi lehang i thuhilhnate hong sangsiam ding uh hi. Tua ciangin
Jesuh hong itna thu na gen thei ding hi.
2018 kumin Sabbath school sumpi in Southeast
Zato, Villahermosa, Mexico. gamah kipuakin
zato inn lambehna-in kizang hi. Hih zato-ah Chaplain Roger leh midang 7
in zato lumte tungah hotkhiatna thu gen uh hi.
MUC in
tu quarter Sabbath School 13na sumpi minpuasakin Tuikhing pawlpi huang
ki-umsak hi.
