MEXICO June 5
Esther Garcia, 35
Esther in kum 12 a phak a kipan nitak a lup dingsialin, “Ka pasal ding hong pia in,” ci-in thungen hi. Esther pa in zukham den hi; a zi tawh kitawng den hi. A zukham ciangin a zi leh a tanu Esther temta khat tawh vau den hi. Khat veivei ciangin temta tawh deng hi; dengkha sam lo hi. Esther in a taktakin thunget dan ding thei lo hi. Ahi zongin Pasian in hong huh ding hi, cih um hi. A lawmte khat a hopih bangin Pasian hopih hi.
“Pasal hoih khat hong pia in, innkuan
nuam khat hong ngahsak in, tapa khat hong pia in” ci-in Topa tung pan ngen hi.
University sangkah a zawhkhit ciangin Esther in Luis tawh kimu uh hi. Amah pen zatui zuakna
mun khatah nasem hi. Kimu khawm zelzel
uh hi. Luis in Sabbath ni ciangin
kikhawm dingin zawn thei zel hi.Esther in kikhawmin zui thei zel a, nuamsa
mahmah hi. Pawlpi mite’n Esther limtak muak uh a, nidangin a ngah ngei loh
lungnopna ngah thei hi.
Thugensia pa in Daniel thu gen a,
Esther bil ah pasal khat in hopihna aw khat a za hi. Hih mun in nangma ading hi. Na pawlpi pen na
pawlpi ding hi, cih hopihna khat za hi. Esther in Luis en a, “ Hong hopih na
hiam” ci-in dong hi.
“Hopih kei veng ee,” ci-in Luis in dawng kik
hi.
Esther in kua hi ding hiam tua bangin
a hopih ci-in lamdangsa hi. Kikhopna pan a ciah khit ciangin, a zak thute
ngaihsunsun hi.
“Hih mun in nangma mun hi. Hih pawlpi in nangma
pawlp hi ding hi,” cih bekbek a lungsim ah hong suak hi. Esther in tua bangin a
hopih kua hi ding hiam cih pen thei lo hi.
Sabbath ni hong tunkik ciangin Luis in
Lai Siangtho thusinpihna munah Esther vapai pih hi. A zingciangin Luis sanggam nu le a pasal in
Esther innah va hawh uh ciangin lungdam mahmah hi.
Esther
in Piansakna thu leh Thukham Sawm thute a zak ciangin theibeh semsem
nuamin amah leh amah in Lai Siangtho kantel hi.
Sunday ni nitak lam khat Esther in Lai
Siangtho thusinin a omlaitakin a pa in zukhamsa-in inn hong ciah hi. Amah in
Adventist thu-um nupa khat mu a, anhuanbuk sungah a lutsuak hi.
Esther in pakan, kuangging khawng a za
hi. Tua ciangin a pa in Esther sam
hi. Esther a vapai ciangin a pa
in temta tawh na vau hi. “ Inn panin na lawmte tawh paikhia in,” ci-in sawl hi.
“ Na paikhiat kei uhleh kong that ding hi,” ci-in hehsa-in hawlkhia hi. Tua aw
pen a pa aw hi lo hi. Esther in tua bangin a pa maitang mu ngei lo hi. A pa mel
pua nawn lo-in midang mel khat pua hi. A pa hopih dingin ngaihsun hi. “ Aw
damtakin gen in” ci-in a pa kho a, “
Zudawn, zatep hi keng, Lai Siangtho thu a kan hi bek ing, hih pen kei adingin
thuhoih hi,” ci-in a pa dawngkik hi.
A pa in Esther nial veve hi. “Hih mite leh nang hong thatkhawm ning,” ci-in
hanghang hi. Esther in a lawmte tungah
na ciahkhia phot un, ci-in sawl hi.
Thungenkhopna nei-in tua khit ciangin a lawmte zong ciahkhia uh hi. A lawmte ciah khiat khit ciangin Esther in a
lupna inn sungah lutin khitui luangin kap hi.
“Topa aw, hong huh in. Hih bang tawh
nungta nuam keng,” ci-in thungen hi.
Tua khit ciang Esther in lungnopna
khat ngah hi. A pa in leengkha khansung ah tu mu hi.A pa in Esther amuh ciangin
zahpih nuihsan hi. Esther in tua pen a pa nui hi lo hi, cih thei ahi manin a
lupna inn sung lut kikin thungen hi.
“Topa aw, ka nuntakna-ah bang deih na hiam?
ci-in thungen hi. Thakhat thu-in Topa deihna phawkpah hi. Topa tungah kipia-in
kituiphum ding a khensat pah hi.
Tu-in kum 8 khit ciangin Esther in Amatitan
Seventh-day Adventist pawlpi-ah khangno makai khatin om hi. Luis tawh kiteng uh
a, ama lamet bangin ta pasal khat nei uh hi.
“Pasal hoih khat, leh tapa khat Topa
tung ka ngen a, Topa in hong pia hi,” ci-in pulaak hi.
2018 kum quarter masa Sababth School sumpi in Southeast
zato innpi ah kizang hi. Hih khua ah
Esther-te innkuan teeng uh hi.
MUC in
tu quarter Sabbath School 13na sumpi minpuasakin Tuikhing pawlpi huang
ki-umsak hi.
