September 18, 2021

 Albert Stauffer  in Pasian A Masak Manin

 Albert Stauffer in  na dangdangte sangin Pasian masak ahih manin a teenna nusia-in missionary dingin kuankhia hi. Eite in zong Pasian i masak nadingin amah etteh ding om hi.

 Albert in a innah nuamtakin om hithiat leh ahi thei hi. Ahi zongin a nuntakna-ah Pasian koih masa ahih manin General Conference  sapna bangin Brazil gamah Tulai Thuman puak dingin va pai hi.

1894 kum hi-in laibu zuakna tawh nasep lawhcing ding kithei khol lo hi. A laibu zuakte pen tua gam mite pau Portuguese tawh kigelh hi lo ahih manin hamsatna lianpi tuak hi. Ahi zongin laikhetna khat phuankhia thei uh a, tua panin lailet nasepna nei-in lai tuamtuam hawmkhia thei uh hi.  Tua bangin a sep kum nih khit ciangin Albert leh  naseppihte khat in Curitiba khuapi, Brazil gamah va pai uh  uh hi. Hih khua-ah Mrs Ana Diedrich Otto in nausuaksak siamah khat om a, amah zong kikhopna-ah va kihel hi. Kuama theih ngei lo mi nih in hih bangin biakpiakna nei amuh ciangin lamdangsa-in Sabbath hong tun kik ciangin

a thugen uh ngai dingin va kikhawm hi.  German lai tawh kigelh Jesuh nunzia a sim khak ciangin lamdangsa-in nuam mahmah hi. A Sunday kik ciangin Lai Siangtho thusinna nei kik uh a, Mrs Ana leh a pasal Oscar Emilio Otto in Adventist upna sang thei-in kituiphum uh hi. Brazil, Argentina leh Uruguay  a kipan America leh leitung mun tuamtuamah gam sungtengah laibu zuakin zinkhia kawikawi hi. Na dangdangte sangin Pasian a masak zawkna uh hangin laibu zuak nasep in tu-in leitung gam, 200 valah kizel hi.

Albert Stauffer nisimin Pasian masak tawntung hi. Ama hanciamna in eite zong hong hanthawn hi. Jesuh in eite hong honkhia dingin na khempeuh nusia hi. Ama hong itna in Amah i masak ding hongkai hi.