George King in Pasian masak tawntung hi. Pawlpi in thugen ding phal lo hi taleh, nungkik lo-in hotkhiat lungdamna thu hilh kawikawi hi.
George King in mi khempeuh tungah
hotkhiatna thu gen dingin Pasian sapna ngah ahihlam kitel hi. Tua laitak 1880 kum
hi-in James White damlai hi. James va dong hi. James lehg Ellen White in amau
inn ah hawh dingin zawn hi.
George King in Pasian sapna ngah
ahihlam a theih uhteh, kaal nih khit ciangin James-te nupa in Richard leh Hulda
Godsmark hopih uh a, a nasepna uhah George
King tonpih dingin pulaak hi. George King in Godsmark innkuan tawh nasemkhawm
uh a, inn sungah thugen kisinsak uh hi. Tua bangin thugen kisin George King in
hamsasa hi. Zingsang nisuah pan nitak nitum dong thungenin ki-ap hi. Khuavot
mahmah taleh tutnate gualin tua bangin George King thugen ngai zel uh hi.
Cihmah hunin thugen siam ngei kei niteh cih ding khatin siam het lo hi. Ahi
zongin George King in Pasian masak tawntung ahih manin thugen siam lohlam
kiphawkin, thugen kisin nawn loin laibu zuak hong kipan hi. Tua bangin inn khat
khit inn khatah pai-in laibu a zuakna tungtawnin hotkhiatna thu zong gen
kawikawi thei hi.
Kum 30 sung bangin laibu zuak hi. A
sihma deuh 1906 kumin George King in
khangno tampi pantah a, North leh South America leh West Indies ah laibu zuak
kisinsak uh hi. Hih hun sungin William Arnold pen Australia, Abram LaRue Hong Kong ah, Albert
Stauffer Brazil gamah, Herbert Meyers
in Burma, and
Robert Caldwell in Philippines cih
bangin khahkhia uh hi. 1886 kum ciangin
pawlpi nasem hong khangin leitungbup ah laibu zuak mi 400 val bang om hi.
George
King in na khempeuhah Pasian masak ahih manin, kuamah in thugensak kei taleh
laibu zuakin Pasian nasem hi.
Jesuh in eite a hong hotkhiat nadingin
na khempeuh nusia hi. AMa hong itna in Amah masak dingin hongkai hi.
