Sarah in na khempeuhah Pasian a Masak Manin
A
pasal in a nusiat khit ciangin Sarah in amah leh amah a khuasak zawh nadingin
lampi hong zong hi. Nasep nei zo, mu zo
lo hi. Pasian tungah thungenin mite tungah Topa Kammalte hawmsawn kawikawi hi.
India gamah Khristian tam lo ahih manin hamsatna tampi tuak hi. Sarah in a veng
kimlepaamte kiang hawhin, cinate thungetsakin damna ngah tampi om hi. Dawi lut
mi tampi in zong damna ngah uh hi. Ta nei lo nupate aa ding thungenin ta nei
zong om hi.
Sumlut
nei mi lo ahih manin hamsatna tampi phu kha hi. Ahi zongin Pasian a kisam mite
nusia ngam lo hi. Pasian mah masak ahih manin, ama kitangsapnate Pasian in pia
hi. Mi kimkhat in Sarah kiang va hawh
ding nuamsa uh a, mi kimkhat in ahihleh va hawh nuam lo uh hi. Ni khat Sarah in
innkuan khat kiangah va hawh hi. Hih innkuante in dawi bia hi. Inntekte in
Sarah in zong a biakna ah kihel dingin zawn hi. Sarah in nial hi. Tua bangin
Sarah in a nial ciangin innteekte khat heh lua ahih manin Sarah tungah sathau
sa mahmah tawh buak hi. Sarah in thungen in tua bang bawlsiatna pan damna ngah
nadingin thungen hi. A zingciangin inntekpa in Sarah tungah mawhthuumna va nei
hi. Sarah in amau innkuan aa ding thungen dingin sawl hi. Sarah in amah bawlsia innkuante aa dingin
lungdam takin thungetsak hi.” Tu-in tua innkuan in kikhel khin uh hi. Sarah
tawh kibangin a nungta Pasian biakhawm uh hi. Tuan i-in sathau sa sung pan
suahtakna ngahin bangmah liamna nei lo
ahih manin lamdangsa uh hi.
Tu-in Sarah in SDA pawlpi panpihna tawh
Pasian nasemin om hi. Ama nasepna tungtawnin mi tampi in a nungta Pasian thuman
theihna ngah uh hi.
Jesuh in eite a hong hotkhiat nadingin
na khempeuh nusia hi. Ama hong itna in
Amah masak ding hongkai hi.
