Ace leh Roenna Sintos in Pasian A Masak Manun
Ace leh Roenna in Philippines tualsuak hi. Kumpi nasem hi uh a, kum tampi sung makai lianpi hi. Roenna in naupaai buaina a tuah ciangin lametna leh nopsakna tampi kisia hi. Ace in a nasep khawlin a zi a kep kul hi. A zi Roenna noptuam zaw deuh ahih manin nasep kipan kik hi. Ahi zongin Ace in geelna dang khat nei hi. Pasian in ama nasem dingin sam hi, cih ngaihsutna khat nei hi. Ama nasep ngei leh Pasian nasep pen kilamdang ahih manin cih nading thei pak lo hi.
Ace leh Roenna in ahih theihzahun
hanciam uh hi. Ace media ministry sem dingin hanciam a, a hun hoih khempeuh tua
dingin zang hi. Bang bang piang taleh Pasian masak ding khentat uh hi.
Pasian nasep a kipat uh ciangin amau
lamet bangin hamsasa hi. Nasep kiciat
nadingin van zat tuamtuamte kisam, na hoih kisam hi. Amau siamna sit lo-in
hanciamin nasem uh hi.
Tu-in hih nupate in kuama ngaihsut khak
het lo na lianpi hong sem khia uh a, Digital Evangelism Initiative, leitungbup
Seventh-day Adventist Pawlpi nasepna lianpi a pankhia hong suak uh hi. Sum tampi ngahna kumpi nasep nusia-in nekkhop
ding tawh lungkimin Pasian nasem dingin a kipat uh a kipan, Pasian in ompih hi.
Lunghimawhna tampite kawmkalah Pasian a muanna uh siksanin mainawtin nasem hi.
Jesuh
in eite a hong hotkhiat nadingin na khempeuh nusia hi. Ama hong itna in Amah i
masak ding hongkai hi.
