Brenton Jackson in Pasian A Masak Manin
Brenton Jackson in na khempeuhah Pasian
masak dingin khentat hi. Ama nunzia in
eite’n zong Pasian i masak zawh nading hong huh ding hi.
Brenton in New Zealand gam a teeng Adventist
innkuan khat sung panin a khangkhia khat hi. Jesuh itin Pasian in amah bangzah
takin it cih zong theitel hi. Ahi zongin kum 13 a phakin a lametna khempeuh
kisia hi. A nu le pa kikhen uh hi. Hih in ama nuntak khuasakna susia hi. Kum tampi
sung Khristian biakna tawh kizopna bangmah nei
lo hi. Tua bangin a omna panin nasep nei lo, om nading nei lo cimawhin,
sum $ 200 bek nei hi. Koi bangin hih bangin genthei ka hiam? ci-in ngaihsun hi.
A tawpna-ah a naupanlai-in Pasian itna a tuah thu phawkkik hi. A pate
kipiaknate, na khempeuhah Pasian a masaknate uh phawk kik hi. Tua bangin a
nuntak manun bangmah kitasapna om lo ahihlam khuanung phawk hi. Tu a kipan a
nunzia kikhel hi. Pasian a muanna tawh Brenton a sum neih khempeuh $ 200
pawlpi-ah pia hi. Lai Siangtho sung a Jesuh gen meigongnu bangin Brenton in a
neih khempeuh a piak hi. Ahi zongin tua bangin a piak manin cimawh tuan lo hi.
Pasian in tuni dongin Brenton kitangsapna khempeuh sik hi.
Ellen White in hih bangin hong phawksak
hi: “ Topa in i sumpite a kisam hi lo hi.
Eite citpiakna tawh Topa hauhna leh nopsakna a kibehlap ding hi peuh mah
lo hi. David pulaak mah bangin na khempeuh in Topa kiang pan hong pai hi. Topa
in na khempeuh a hong piak mah bangin midangte tungah zong a pia khia dingin a
hong deih hi bek hi. Tua in Topa tungah itna i lah theihna, ama tungah lungdam
i koh theihna lampi hi” (Counsels on Stewardship, page 18).
Brenton in a nuntakna khempeuhah Pasian
masak tawntung hi. Amah bangin eite in
zong na khempeuhah Pasian i masak ding
hong tawsawn hi.
Jesuh
in a hong itna manin na khempeuh nusia-in hong honkhia hi. Ama hong itna in
Amah i masak ding hongkai hi.
