Lee Young in Pasian a Masak Manin
Lee Young Chan in a nuntakna-ah Pasian masak ding khentat hi. Amah bangin eite in zong na khempeuhah Pasian i masak ding hi lo hiam?
Lee in kum 17 a phakin South Korea gamah kituiphum hi. Pasian tungah citakin a nuntak zawh nadingin kum tampi sung kisin toto hi. College sangkah a zawh ciangin nasep zon kipan a, Pasian mah masak dingin khentat hi.
Tua
bangin nasep a zonna-ah Sabbbath ni tawlngak theih nading mungtup lianbelin nei
hi. Mun khatah van puak kawikawi ding nasep khat ngah hi. A kitangsapna
khempeuh Pasian in hong sik ding hi, cih muanna nei hi. Topa aw thupha nong
piak leh na tungah kong thuman ding hi, cih dan a, a thupha ngen masa hi lo-in, Topa tungah cihtak mi in thupha
sang hi zaw hi, cih mu hi. Lee in a ngah khempeuh lak pan sawmah khat leh
sumpite tungah citakin. Pasian in thupha
pia ahih manin tua bangin sumpi khia thei hi.
Sawmah khat leh sumpite tungah cihtakna
in Pasian kiang panin thupha hong pai hi,; amah in na khempeuhte phungpi hi,
cih a pulaak hi. Lee in zi le ta nei-in a omteh Pasian in inn khat leh mawtaw
khat pia hi. Hih van le nate Pasian nasepna dingin zang hi. Pasian in ama
tungah a citak lo mite thupha pia ahih leh Ama tungah a citakte, tatsat lo-in
Amah a beel mite tungah bangzahin thupha pia nuam zaw semsem ding hi lo hiam?
Lee nunzia in kipiakna tungtawnin
nuntakna in mannei hi, cih kimu thei hi. Kamsang Daniel mah bangin khangno hun
mahin Topa tungah citak ding kisam hi. Ellen White in hih bangin hong hilh hi:
“ Hih leitungah na hoih khempeuh in Pasian in leitung mite a itna a
kilatkhiatna hi. Cimawh gentheite zong
Ama aa hi. Upna khempeuh in Ama aa hi.
Hauhna, sum le paai, kham le ngunte zong Ama neihsa hi. Guahzu sakin zu sak
nuam kei leh zong Ama thu hi. Ahi zongin Pasian in Ama thuphate mite tungah
hong pia-in limtak kem a zeek ding a
hong deih hi. Angsung huaihamna ah zat ding hi lo-in midangte phattuamna a
piangsak thei dingin zat ding hi zaw hi.Mihing in amah a Piangsakpa zia le tong
nei-in Amah a suun thei dingin sawmah
khat leh sumpi piakna hong kal hi. A tawpkhakna-ah mihing in Topa tawh tawntung
nuntakna sungah a nungta khawm ding hi.
Lee in ama nuntakna-ah Pasian masak
tawntung hi. Amah bangin eite in zong
Pasian i masak ding hong hilh hi. Jesuh hong itna hangin na khempeuh nusia-in
hong honkhia hi. Ama hong itna in Amah i masak ding hongkai hi.
