October 10, 2021

 Pastor Pavel leh Valentina in Pasian A Masak Manun

 Pastor Pavel leh Valentina in na dangte sangin Pasian masak ding khentat uh hi. Hamsatnate kantanin zawhna ngah uh hi. Amau mah bangin eite in zong na tuamtuamte sangin Pasian i masak zawk ding, i etteh ding kisam hi.

 Pastor Pavel leh Valentina in tai 9 bang gamlatna munah pawlpi kem uh hi.  Tua bangin khualzinna-ah gim, tawl, gilkial dangtak uh hi. Ahi zongin hih Sukhumi khuapi tunma ah nek ding bangmah om lo hi.

1993 kumin Georgian leh Abkhaz kikal kido-na hangin annek tuidawn hamsa hi. Zan ciangin van zuak uh ahih manin Valentina in lau pipi van lei dingin a va pai ciangin bangmah na om nawn lo hi.  Ni khat biakpiakna a neih khit uh ciangin van lei dingin va pai a, Maya kici a pawlpi mite khat in nek ding pia hi. Ahi zongin Valentina in sang nuam lo hi.  Maya in pia teitei a, Valentina in tua moh phel nih suahin a langtuakin hawm uh hi.

Valentina  leh a pasal in a nasep uh nuamsa uh hi.  Pongmoh a nek loh uh kha 6 val khin hi. Maya piak pongmoh a nek kawmin inn zuanin a ciahna-ah piteek khat in a nek ding ngen hi. Valentina in gilkialin a om laitah Maya in moh pia-in a lungdam bangin, a kituahpih piteek zong a moh hawm leng nuam mahmah ding cih ngaihsun ahihmanin a moh nek tawm hawm hi. Tua piteek nuamlua-in a khitui luang hi.

Pavel leh Valentina nupa in hamsatna tampi thuak uh hi taleh na khempeuhte sangin Pasian masak zaw ahih manun lungnopna tawh kidim uh hi.

Jesuh in eite a hong hotkhiat nadingin na khempeuh nusia hi. Ama hong itna in Amah i masak zawh nadingin hongkai hi.