November 28, 2021

 Joe leh Susan in Pasian  A Masak Manun

 Joe leh Susan in bangbangin hamsa taleh na khempeuhah Pasian masak dingin khentat uh hi.

 Joe in Silver Spring khuapi, Maryland ah IT nasem khiat hi. Zumkhak sung khualzinna pan inn hong ciah kikna inn a tun ciangin a mawtaw hawl sung panin sathau bua khia, Joe Marcellino in mu hi. Joe in a lawm Eric sam hi. Eric in mawtaw sung panin sathau bua khia cih mu hi. Tua sathau bua in engine susia ahih manin bawl kikding hileh US$3000 bei ding hi. Amau nupa pen kiteengcil hi-in  $3000  bek mah nei uh hi. Ahi zongin Joe in sumbei-in a mawtaw bawl ding ut lo hi. Tua bangin sum neihteng tawh mawtaw bawlsak uh hileh sawmah khat leh sumpi ding kicing nawn lo ding hi, cih thei hi. Susan in bang leh bangle sumpi khia phot ni ci-in ngaihsun a, kha sum ai apiak ding uh sumpi  $1500  khia uh hi. Sumpi a khiat  khit uhteh mawtaw bawl nading sum kisam ahih manin thungen khawm uh hi.

A mawtaw uh pen a sawt nai lo khatin a bawlsak uh ahih manin,  tua mawtaw bawlna pan lai ngah uh a, kisiatna khat a omleh hong pai  kik un, ci ahih manin, va lak kik dingin ngaihsun uh hi. Tua mawtaw sung pan sathau khekna hangin company in US$ 3000 pia hi. Mawtaw bawl a man khitteh $1500 a ngah beh uh ciangin nupate in lamdangsa mahmah uh hi. Joe leh Susan in insurance company panin hong piak uh hi, cih a theih uh ciangin lamdangsa uh hi. Joe leh Susan in nadangte sangin Pasian a masak ciangun amaute lamet loh thupha sang uh hi.  A sawt lo-in a mawtaw uh zuak uh hi.Wayne in Joe le Susan mawtaw lei dingin kiho uh hi.  Hih mawtaw pen Africa gam a  missionary nasem khat zat ding hi.  Africa gamah tembaw tawh puak uh a, hih mawtaw in tai 40000 val bang kizang khin hi napi, Africa gamah tai 100000 val bang a kizat hangin bangmah kisiatna nei het lo hi. Pasian in Ama nasemte zat mawtaw kepsak hi, cih kilang hi. Tu-in Joe in kum 61 pha ta hi. Pasian i masak nakleh a lamdangin Pasian in na sem hi, cih teci pulaak hi.

Joe leh Susan in Pasian masak uh a, kitangsapna tampi om taleh sawmah khat khia masa uh hi. Jesuh in eite a hong hotkhiat nadingin na khempeuh nusia hi. Ama hong itna  in Amah i masak ding hongkai hi.