Advent Press (Pawlpi Laibawlna Innpi) in Pasian A Masak Manin
Advent Press in na khempeuh sangin
Pasian masak ding khentat hi.
Advent Press in Ghana gam a om Seventh-day Adventist pawlpi laibu bawlna innpi khat hi. Hih company in kumpi, West-central African Division tungah leiba hau mahmah hi; US US$2 million val bang hi ding hi. A huang sung khempeuh buan tawh kidim hi. Van zatte zong kizang thei nawn lo hi. Nasepna picing thei lo-in nasemte kha sum pia zo nawn lo hi. Van a om sunte zuak khia-a leiba loh ding cih simloh a dang om lo hi. Ahi zongin pawlpi makaite leh hih mun a makaite in na tuamtuamte sangin Pasian masak ding ngaihsun uh hi.
Kum10 sungin leiba khempeuh pia zo dingin geel
uh hi. Ahi zongin Pasian in ompih in a
lamdang takin kum 7 sungin leiba siang zo hi.
Leiba
a lawh zawh nadingin pawlpi mimal khat ciat in sawmah khat piak citak dingin
hanthawn uh hi. Tua khit ciangin a khua, a khua ah thungen kipawlna nei ciat uh
hi. Tua khit ciangin kum 5 sung kha sum 50% khiam uh hi.
Kipiakkhiatna
a om keileh nalamdang kimu lo hi. Na khempeuhah Pasian i masak keileh Pasian in
a tuam vilvelin nasem thei lo hi. Pasian in amaute thungetna za-in Sabbath
School laibu bawl nadingin pawlpi mite khat in huhna pia hi. Tu in hih laibu
bawlna innpi in leitungah SDA pawlpi neih laibu bawlna inn hoih pen 13 hi,ci-in
kiciamteh hi.
Hih laibu bawlna inn pan kingah sum
tawh pastor dingin Valley View University sangkah sangnaupangte sangsap piaksak
uh hi. Vanzat lui khempeuh a thak tawh
khek uh a, US 2.5 million man ding hi. Buan tawh kidim huang in tu-in inn hoih
mahmah tawh kidim hi. Nasemte kha sum limtak pia thei uh hi.
Advent Press in Pasian a masak manin
Pasian in anasepna phungsak hi. Jesuh in eite a hong hotkhiat nadingin na
khempeuh nusia hi. Ama hong itna in Amah i masak zawh nadingin hongkai hi.
