Abraham in na khempeuhah Pasian Masak
Abraham in a sepna khempeuhah Pasian masak dingin khentat hi. Ama nunzia in ete in zong Pasian i masak ding hong hilh hi lo hiam?
Abraham in Tanzania gamah teeng mihau khat hi. Amau ngei-na khat in bawng khawi tawh a nungta mite hi. Maasai minamte in bawng sangin manpha a sak zawk uh bangmah om lo hi. Bawngtal khat a sih ciangin dah mahmahin mihing si mah bangin ngaihsun uh hi. Bawngtal khat in US $ 1000 bang man hi.
Abraham in AWR tungtawnin Jesuh hong itna
thu za kha hi. Tua a zak a kipanin bang bang piang taleh Jesuh bek mah masak
pen pen dingin khentat hi. A bawng neih 100 sawmah khat dingin pia hi. A vengte
leh a lawmte in lamdangsa uh hi. Mihai bangin ngaihsun uh hi.
A bawngte sawmah khatin a piak a kipan
amuh ngei loh thu khat hong piang hi. A bawngte suakin a peeng vive suak hi.
Bawng pen a tam zaw khat ta bek a suak hi-in, tu-in a peeng amuh teh lamdangsa
hi. Nidang sangin bawng hau zaw hi. A
vengte in lamdangsa-in pastor dong uh hi. Ko zong ka bawngte uh a peeng ding
deih ung, ci-in pulaak uh hi.
Abraham in Pasian nasepna amuh ciangin
sawmah khat hi lo-in sawmah nih pia dingin khentat hi. Pastor pa samin a bawngte simsak hi. 1, 2, 3,
4… 10 ciang sim ciangin khat ta la khia-in sawmah khat dingin tuam koih hi. Tua
bangin a bawngte simin sawm a phak
ciangin khat ta sawmah khat dingin ciamteh hi.
A veng a paam mite in bangbang gen
taleh Abraham in na khempeuhah Pasian masak hi. Jesuh in eite a hong hotkhiat
nadingin na khempeuh nusia hi. Ama hong itna in Amah masak ding hongkai hi.
