Pharisai-te in Pasian A Masak lohmanin
Na khempeuhah Pasian i masak ding hamsa hi. Kum zalom khatlai-in Israel sungah Pharisaite leh thukhamhilh siate in mite zahtak mahmah mite hi. Amaute in Lai Siangtho simin, a kantel mahmah mite hi. A tamzaw in Piancil panin Thuhilhkikna lotngah uh hi. Thupiak khempeuh amalmalin a khiatna leh hilhcianna nei uh hi. Lai Siangtho thuthuk theihna nei ahih manun amau le amau pil kisa-in kiliatsakna leh kiphatsakna-in nei uh hi.
Pasian in Ama thukham a zuite thupha
ngah ding ci-in kamciam hi lo hiam?
Jesuh in thu a hilh ciangin Pharisaite
leh thukhamhilh siate in hamsasa-in zuih zawh dingin ngaihsun lo uh hi. Jesuh
in thukham khempeuh a phungpi itna leh hehpihna thu hilh hi.
Jesuh hilh thute in thuneihna leh
vangliatna a lunggulh Pharisaite ngaihsutna buaisak hi.
Jesuh in amaute tungah “ No a
kineihsiam laitheite leh Pharisaite in gimna na thuak ding uh hi. Bang hang
hiam cihleh note in lengmasel, cumin
tang leh masala tungah sawmah khat na pia uh a, ahi zongin thukham sungah
a thupi zaw thumanna, itna cihte na nial
uh hi. A dangte nusia tuanlo-in thutang, thumanna, hehpihna thute na zui ding
uh hi” ci-in hilh hi (Matthew
23:23, 24).
Pharisaite in lemgmasel kung bangzah
pha, teh bangzah cihte tungah sawmah khat pia uh hi; tua bangin gamtat uh hi napi, thutang lo,
hehpihna nei lo uh hi. Tua hangin Jesuh in amaute tungah thukhen hi. Jesuh
hilhna-ah sawmah khat piak ding hi; thuman, thutakna leh
hehpihna zong kisam hi.
Tu-in
hih thute ngaihsun lehang lamdang lo hi. Pharisaite, thukhamhilh siate mah in
Jesuh singlamteh tungah that uh hi. Amaute gamtatzia a langpan tawntung Jesuh
tungah thuakzawhna nei nawn lo uh hi.
Mi genthei tampi in Jesuh nung a zuih
uh a lamdang hi lo hi. Bang hanghim cihleh amaute in mite nawlkhinna thuakin
nenniamna thuak uh hi. Amaute kikhel uh hileh Jesuh in amaute nial lo hi.
Tu-in zong pawl sungah na khempeuh
tungah citakna nei-in Pasian masak ding hamsa hi. Mihing in Pasian Gam sung lut
nadingin hoihna khat zong nei lo hi.
Ahizongin Kha Siangtho in hong puahpha-in a hong khel ciangin Jesuh i
suun ding hi. Pasian masak hi lehang sawmah khat piakna ah citakna om ding a,
hehpihna itna nei-in i nungta ding hi.
Pharisaite
in Pasian a masak ding uh nial hi. Tua hangin amaute leh a mipihte in gimna
thuak uh hi. Pasian hong itna in Amah masak dingin eite hongkai hi.
