Peter in Pasian A Masak Manin
Na khempeuhah Pasian koih masak ding hamsa hi. Peter nunzia in na khempeuhah Pasian masak ding a hong hilh om hi lo a hiam?
Peter
pen Jesuh nungzuite lak pan a khangham pen khat hi. Amah pen khentatna kician
nei-in a muanhuai taakcing khat hi. Nitak khat huihpi nung laitak Jesuh in tui
tungah lampai hi. Peter in Jesuh hopih masa pah a, gunkuang panin tuakkhia-in
tui tungah lampai theihna ngen hi. Peter
in Pasian masak ding pen hamsa ngaihsut lo hi. Ahi zongin tui tungah lampai
thei takpi-a a sawt lo-in Peter in muanlahna tawh kidim hi. A hat semsem
tuihual in a umcih tak ciangin Peter in
tuikia sukin maizum ngaihsut lo-in Jesuh tung pan huhna ngen hi; nungzui dangte
in guallelin mu uh hi.
Lawpsap
laitakin Pasian i masak ding hamsa hi. Ahi zongin Peter in a lawpsap laitak
mahin Pasian masak hi. Jesuh tungah kiko-in huhna ngen hi. Jesuh in Peter
honkhia hi.
Jesuh in mat le hen a thuak ciangin hih
thu kimu kik hi. Peter in Jesuh tungah
bangbang piang taleh ka hong nusia ngei kei ding hi, ci-in kamciam a, ahi
zongin Jesuh in tua nitak mahin na hong
nial ding a, nong taisan ding hi, ci-in hilhkhol hi. Peter in lau-na lungsim
nei lo hi; Jesuh aa ding si ngam hi. Gethsemane huanah galkapte in Jesu a umcih
uhteh Peter in tua migilote thahsawm hi. Peter in galkap hi lo, ngabeng khat
ahih manin tua mipa thahkha sam lo-in, a bil sattansak kha hi. Jesuh in tua
mipa bil thuahsakin, kidalna kisam keng, ci-in a pulaak takleh Peter in Jesuh
nasep lamdangsa semsem hi.
Peter in Jesuh man ding a hong pai
galkapte do gawp sawm hi; ahi zongin Jesuh in tua bangin gamta lo dingin Peter
hilh hi. A gamla mun khat panin Peter in Jesuh en a, a nungzui hi a Topa
thumvei nial sawnsawn hi; Jesuh genkholh tangtung takpi hi.
Jesuh in thukhenmangte thusitna thuakin
a om laitakin a gei ah John om hi. Peter in Pasian masak lo kha hi. Tua khit
ciangin bang thu piang hiam?
Khialhna
tawh i kidim laitakin Pasian masak hi lehang maizumna gimna tawh kipelh ding
hi. Pasian vangliatna hangin Ama mawhmai-sakna ngahin nunna thak tawh i
kalsuan thei hi. A nung ciangin Peter in a muanhuai makai khat
hong suak hi. Sawmah khat le sumpite tungah cihtak lohna na nei hiam? Kipuahpha inla, tu-in Pasian masak in.
Pasian masakna in Pasian mawhmaisakna
ngenin ama hong piak mawhmai sakna tawh nuntakna hi.
