Thungetzia
hong hilh in
SABBATH |
March 27
Natalya
Berlinskaya, 43
Kaal
khatin khat vei Natalya in Tan 9
sangnaupangte kaikhawmin thungetpih hi.
Zingsang
khat, siamah nu in “Viktoria, nang hong ngen masa in,” ci hi.
Kum
15 a pha Viktoria in sianu en a lamdangsa hi. “ Ken thungen thei lo, koi bangin
ngen ding,” ci-in dawng kik hi.
A
sianu in “hih bangin kipan in,” ci-in hilh hi.
“ Kong it uh Topa aw, ka tangthu simte telna hong guan in,” ci-in thungetzia ding kihilh uh hi. Viktoria in mi hoih ahi a, misia ahi zongin mi khempeuh tungah nitaangin, guahzu hi, cih thu sim hi. Jesuh in mi khempeuh tungah khuavak tangsakin guahtui hong pia ahih manin Khristian thu-um mite in zong midangte aa dingin thupha hi dingin hong deih hi.
“Topa
aw, sangnaupang hoih ka suah nading uh, khuavak ka hih theih nadingun hong huh
in” ci-in Viktoria in thungen hi. Tan 9
bang sin hi taleh mi lakah thungen ngam nai lo hi. A lawmte 7 lak pan 4 pen
Adventist innkuan sung pan hi. Viktoria leh a dang nihte pen Adventist innkuan
sung pan hi lo-in, thungen ngei lo uh
hi. A sia-te in thungen dingin deih hi. Viktoria in khat vei thu a nget khit ciangin a kikteh thungen dingin a kisawl
ciangin lau lo-in thungen ngam hi. A lawm Ruslan in ahihleh siate’n a sawl uh
hangin thungen ngam lo hi. “ Mi mai-ah thungen ngam keng,’ ci den hi. A sia-te
Ruslan aa ding thungetsak den uh hi.
Ni
khat Viktoria in bil natna khat ngah hi. Kha khat sung bang sangkah zo lo hi.
Siamah nu a kipan a lawmte khempeuh lunghimawh ciat uh hi. Nisialin Viktoria aa
ding thungetna nei uh hi.
Zingsang
khat siamah nu in Viktoria a bil ki-at ding hi, cih zasak hi. Siamah nu in
sangnaupangte kaikhawmin ki-um cihin thungen ding kipan uh hi. Siamah nu in “
Kua in Viktoria aa ding thungen nuam i om hiam” ci-in a zaksak ciangin, kuama
lamet het lopi-in Ruslan in ken ngen nuam, a cihteh a lawmte’n lamdangsa ciat
uh hi. Ruslan in zong lamdangsa hi. Bang gen ka hia leh, ci-in a lawmte dong
hi. Lukun a thunget kipan hi. “ Topa aw, Viktoria ki-at ding na ompih in. Khua
a zak kik theih nading hong huh in. Cidamin sang hong kah kik theih nading
damna hong pia in,” ci-in Ruslan in thungen hi.
“Pasian in naupangte thungetna za hi. Topa
tungah i lungsim a om khempeuh i pulaak ding lau ding hi lo hi,” ci-in a siamah
nu in naupangte hanthawn hi. Mun khempeuh, hun khempeuhah thu kingen thei hi.
Tu
quarter Sabbath School 13na sumpi in Ukraine gam Bucha khua a om, Natalyate
sanginn puah nadingin kipuak ding hi.
MUC
in Rakhine gam, Lanmadaw khua a pawlpi huang puah nadingin kipuak ding hi.
Nung
Sabbath ni-a i pulaaksa om bangin tu Sabbath pen Sabbath 13na ahih manin sumpi
i khiat ngei a zah thum khia ciat ding
hi hangh.
Topa
in thupha hong pia ta hen.
