A
Gilo Tan Khat Sangnaupang
UKRAINE
| March 20
Lyudmila
Komkova, 24
Sangsia Lyudmila in a sangnaupang kum 6 pha, Grade I a kah Matvei, lai hilhzia ding thei lo, lunghimawh hi. Amah pen Ukraine gam, Bucha khua-ah om hi.
Ukrainian
pausinna hun hong tun ciangin hih naupang pen omkhong thei lo, phee lua mahmah
kisai zo het lo hi. A lawmte bangin tu khiinkhian thei lo, ding leh zong a khut
lamto-in koi ah gelh ding ci-in awng gawp hi. Laisim ding a kigen ciangin koi
mun hiam i sim ding ci-in awng ziahziah hi.
Lyudmila in limtak hilh taleh Matvei in mang lo hi. Dotnop na neih ciangin na khut lamto-in, awng kei in, ci taleh, awng teitei hi. Ama otna hangin a lawmteng buaisak hi.
Hih
sianu in laihilhsia dangte tawh kiho-in Matvei pen koi bangin pantah ding cih
kikum uh hi. Matvei in kuamah tawh kikhawl thei lo hi. Ama deih bangin a gamtat
kei uhleh a lawmte sat gawp hi. Lyudmila in a cih nading thei zo nawn lo hi.
Amah pen university sangman tung ahih manin hamsa sa hi. A sia nu in Matvei huh
nuam hi; limtak pantah nuam hi. Matvei lunglut theihtheih dingin hanciam hi.
Ahi zongin bangmah kilamdanna om lo hi.
Ni
khat sang pan ciahin inn a tunteh Topa tungah thungen hi. Lungduai takin hih
naupang limtak a pantah theih nading ngen hi. Zingsang a thawh ciangin zong
Topa makaihna mah ngen hi.
Lyudmila
in nisimin Matvei aa ding thungetsak hi; limtak a pattah siam nadingin zong
ngen hi. Tua bangin zingsang nitak kaal
6 sung thu a ngetna-ah, ni khat Matvei omzia hong kikhel hi. Aawng gawp cihte
om nawn lo hi. Daitakin om hithiat lel hi. Siamahnu laihilh limtak ngai hi; a
tel lohte damtakin dong hi. A lawmte khat in pencil mansuah ahih manin Matvei
ama aa pia hi. Tua bangin a lawmte kitangsapte huh hi; nidang bang nawn lo-in
lawm zong nei-in mi tawh kituah thei ta hi.
Lyudmila
in hih thupiang tungtawnin Pasian hong itna mukhia hi. Pasian mai-ah mihingte in siatna tawh kidimin
Pasian hehna vive tawh i kidim hi. Ahi zongin Pasian in lungduai takin eite
hong hehpih hi.
Pasian
tungah ki-ap a thungen hi lehang Amah in eite kitangsapna, hamsatna a hong huh hi.
Tu
quarter Sabbath School 13na sumpi in Ukraine gam Lyudmila nasepna sanginn puah
nadingin kipuak ding hi.
MUC
in Rakhine gam, Lanmadaw khua a pawlpi huang puah nadingin kipuak ding hi.
Mai
Sabbath in Sabbath 13na ahih manin sumpi khiatngei a zah thum khia ciat dingin
kigingkhol ni.
