John in Pasian A Masak Manin
Na khempeuhah Pasian i masak ding hamsa hi. John tungtawnin eite in zong na khempeuhah Pasian i masakzia ding etteh ding tampi om hi lo hiam?
John pen nungzuite lak pan a khangmoi
pen hi. A lungsim khempeuh tawh Jesuh it hi. Nungzui dangte in Jesuh mat le hen
thuakin a om laitak taisan uh hi taleh John in Jesuh kiangah tawh a kinai thei
penin om a, Jesuh thuaknate mu hi. Jesuh
in John citakna pahtawi-in Jesuh nu, Mary limtak kemcing dingin John a vaikhak
hi.
Ahi zongin John in khangno khat ahih
manin hehin Jesuh a bawlsiate tungah thuh kik ding a ngaihsun hi. Jesuh a nial
mite tungah hehpihna nei ding cih pen ngaihsun zo lo hi. Khat vei Samaritan
khua sung khatah Jesuh a lut ding uh phal lo ahih manin van panin mei kia sukin
tua khua mite kaangtum dingin Jesuh tungah ngen uh hi.
Khat
veivei ciangin Pasian i masak thei zel mah hi. Ahi zongin a tawntung a Jesuh in
a hong it bangin tatsat lo-in Amah i masak ding ahi hi. Jesuh in van a kahtoh
khit cianginJohn in kum 70 bang nungta hi. Ephesus pawlpi makai-in om a, Lungdamna
Thu John, John laikhak leh Mangmuhna Bu gelh hi. A laigelhte in ama kikhelna
thute pulaak hi. 1John 4:7:
“En un, eite in khat le khat a ki-it
ding hi. Bang hang hiam cihleh ki-itna in Pasian panin hong pai hi.”
Khat veivei ciangin i hehna, i deihna
khat uk zo lo ihih manin lungkia-in i om hi.
Ahi zongin John in nisimin Pasian masak tawntung ahih manin kikhelna
tawh nungta hi. Ama nunzia bangin ei zong a nungta dingin hong kai hi.
