Paul in Pasian A Masak Manin
Na khempeuhah Pasian i masak ding hamsa hi. I nuntakna-ah Pasian masak dingzia, Paul i etteh ding om hi lo hiam?
Paul
in a tawntungin Pasian masak hi. Jesuh nungzuite bawlsiat laitakin amai-ah om
thuman mu thei lo hi. Lei-ah pukin Jesuh khuavakin a tuamcipna pan khuamu thei
lo-in om a, tua in ama khuamuh theihna hong suak hi. Paul aa dingin Pasian
masakna i cih ama ngaihsutnate nusia-in Lai Siangtho kimakaihsak hi.
Arabia
gamah kum thum sung a om khit ciangin Pasian in leitung mite nusia lo hi, cih
muhthakna ngah hi. Jesuh hong hotkhiatna thu mi khempeuh tungah pulaak ding
ngaihsun hi. Paul in hotkhiatna thu gen ding a zinkhiat a kipan tatsat lo-in
Pasian masak tawntung hi; khua khat pan khua khatah pai-in Jesuh thute hilh hi.
A nuntakna-ah Pasian a masak ding bangmah dangin a khaktan lo dingin mainawt
hi.
Paul
in tua bangin na khempeuhah Pasian a masak manin mi tampi in a nuntakna
suksiatsak dingin hanciam uh hi. Mun
khatah Paul leh naseppih Silas in a puansilhte uh hawkkhiatsakin satthuak uh a,
khualai-ah kipaipih hi. Pumpi tungah liamna tawh kidim uh a, inn sung khatah
kikhumcip uh hi; a khe un hencipna thuakin sisan tawh kidim uh hi. Genzawhloh
zahin thuak uh hi. A thuaknate uh hangin a nasep uh nusia lo-in Jesuh min phat
uh hi.
Tu
laitakin lametbei kisa-in lungzinna tawh kidimin na om hiam? Na khempeuh siatna
tawh kidimin na mu hiam? Pasian biakpiakna neih hun ding, tua bang hun sangin
hun hoih zaw om lo hi.
Tua bangin Paul leh Sila in Pasian min
a phat laitakun Pasian in zinlingsak hi. Thongkiate taikhiat ding patau ahih
manin thonginncingpa in amah leh amah kithahsawm hi. Paul leh Sila in tua
thonginn mangpa thupiakna tawh bawlsiat a thuaknate uh phawk kik uh hi. Paul le
Sila in amaute thuakna hangin thongcing mangpa tungah thukkik nuam uh hi leh
thongcing mangpa a sih dong en hithiat thei uh hi. Ahi zongin Paul le Sila in
Pasian masak uh ahih manin thongcing mangpa mawhna maisak uh hi. Thongcingmangpa
leh a innkuanpihte in Jesuh um suak uh a, tua zanni a kipan kumpite Kumpi bia
uh hi.
Paul leh Silas in Pasian masak uh hi.
Amaute bangin eite in zong na khempeuhah Pasian i masak ding hong sawl hi.
