Tu Kaal Sung Sim Ding: Isa. 9:1–5; Isa. 9:6, 7; Isa. 9:8–10:34; Isaiah 11; Isa. 12:1–6.
Robert Oppenheimer in atomic bomb a
piankhiat nadingin makaipi khat hi; US gam Congressional Committee mai-ah
thusitna nei uh hi. Tua bangin a lauhuai mahmah atomic bomb na bawlna a hangin
bang hiam, bang ngimna nei na hiam ci-in a kidot ciangin, Dr. Oppenheimer in
mipite mai en kawikawi-in aw damtakin leh aw zol takin “ kilemna” ci-in dawng
hi. (Compiled by Paul Lee Tan, Encyclopedia of 7,700 Illustrations: Signs of
the Times (Rockville, Md.: Assurance Publishers, 1985), p. 989.
Kilemna pen mihing khempeuh in i lamet
tawntung leh i lunggulh mahmah khat hi. Leitung tangthu a ki-et ciangin leitung
in ama hun 8% sung bek kilemna nei hi.
Hih hun sung mahin a tawmpen 8000 val bangin a thuciam panin ciampel uh hi,
ci-in kiciamteh hi. Leitung Galpi Nihna
khit kum 50 ciangin gal a omsialin
minutes nih sung kilemna om hi. ci-in kiciamteh hi.
1895 kumin Alfred Nobel in dynamite khat hong bawlkhia hi. Hih bangin galvan bawl mi minthang Nobel min siksanin kilemna nasem mi minthangte pahtawi-na hong piangkhia hi. (Paul Lee Tan, p. 988, adapted). A sawt nai lo hun khatlai a kipan Noble Peace ngahte in buai-na sungah amau pumpi mahmahin va pai-in a thute va theihpih uh hi. Tu kaal sungin kilemna mantak tak leh a kip tawntung kilemna a hong pia thei PA thu i kikum ding hi.
MONDAY | January 25
Ei Aa Dingin Naungek Khat (Isa.
9:6, 7)
Isaiah sungah Immanuel leh Maher
Shalal-hash-baz a suah khit ciangin a thumna naungek suahna thu kigen hi.
Hih a thumna naungek a lamdanna in bang hi ding hiam? Isaiah 9:6, 7.
_______________________________________________________________
Honpa a hong kipulaakna min tuamtuam om hi.
Nidang Near East kumpite leh amaute biak pasian tuamtuamte in amau vangliatna a
pulaak min tuamtuam zang uh hi. Amah in, vantungmi in Samson pa tungah a
kipulaak mah bangin, “ A Lamdang thu” ci-in a pulaak khit ciangin, Manoah
meihal biakna tau panin meikhu zui-in vantungah a kahto hi (Thkn. 13:18, 20). Kum
1000 khit ciangin Amah mah in a hong kilangh khia kik hi. Amah in “ Vanglian
Pasian” kipatna leh tawpna nei lo
Piangsakpa,” “Tawntung Pa” (Lk. 3:38), Adam, Pasian tapa hi. Amah in David suan Kumpi, Ama Kilemna gam in
tawntungin a kip ding hi.
Hih bang nunna tawh kidim Naungek in kua
hi ding hiam? Luke 2:8–14.
__________________________________________________________________
_____________________________________________________________
Mi kimkhat in tua MIPA in Kumpi Hezekiah hi
ding hi, ci uh hi. Ahi zongin mihing khat in tua bang vangliatnate nei thei
ngei lo hi. Tua bang nunna a nei Jesuh Khrih, Pasian Tapa leh Piangsakpa, Amah simloh mi dang hi thei
lo hi (John 1:1–3, 14; Kol. 1:5–17; Kol.2:9; Heb. 1:2); Amah in eite a hong
honkhia ding leh lungnopna a hong pia
dingin naungekin a hong suak hi. Amah in vantung vangliatna khempeuh leh
leitung vangliatna khempeuh tawh a kidim hi; Amah in eite tawh a hong omkhawm
tawntung hi (Matt. 28:18–20); tua hi taleh Amah in Pasian ahihna bei lo hi.
Amah in eite thaneenna khempeuh a hong hehpih theih nadingin amah in mihingin
hong piang hi (Heb. 23 4:15). “Eite aa ding naungek khat a hong suak hi.”
Khrih in hih leitungah a hong nuntaklai-in
Ama nasepna khempeuh Satan in langpan tawntung hi; a suah a kipan Kalvary-ah a
sih dong a nasepna khempeuh nawngkaisak den hi.
Satan in Pasian thupiak in thuman lo hi, ci-in, Jesuh angsung nialna
langpan den hi. Satan in Jesuh Amah leh amah a hong kipiakna thu, midangte aa
ding a nuntakna hong piak thusim lo hi. Satan in vantung Pasian langpan hi.
Satan in vantung panin hawlkhiat a thuak khit ciangin Pasian a langpanna
tawlnga lo hi. Hih bangin Satan in Pasian a mawhsaknate in thuman hi lo hi, cih
mi khempeuh in a tel nadingin Khrih in hih leitungah a hong nungta ahi hi. Ellen
G. White, Selected Messages, Vol. 1., pp. 406, 407.
Hih a tung a Ellen G White gen in Pasian
zia le tong bang hong hilh hiam?
TUESDAY | January 26
Pasian Hehna Ciangkhut (Isa. 9:8–10:34)
Isa. 9:8 – 10: 34 in Isaiah 9:1–5 sung a
thute hong hilhcian hi. Dawi biakna a zui mite leh galte khut sungah gim thuak
mite, lamet bei mite ngah ding nopna leh suahtakna thu kigenkhol hi. “Midiante hunlai bangin note hong nengniam
mite ukna ka beisak ding hi” (Isa. 9:4).
Isaiah gen Pasian mite gim thuaknate
ngaihsun in. Siam. 26: 14 sung a hamsiatnate tawh enkak in. Bang hangin Pasian
in a mite thakhatin gim pia pah lo-in
damdamin gimna thuaksak hi ding hiam? Tua in Pasian zia le tong bang hong
hilhin, a ngimna bulpi in bang hi ding hiam?
____________________________________________________________________
Pasian in a mite susia nuam hi leh Assyriante khut sungah pia khin ding hi. Ahi zongin Pasian in lungduai ahih manin “ Kuamah in kisia lo-in a kisik ding uh deih hi” (2Pet. 3:9). Thukhente hunlai mah bangin Pasian in Judahte leh Israelte tungah deihtelna pia-in, amau deihtelna bangin gimna a thuaksak hi. Tua bangin gim a thuak uh ciangin amaute in khentelna hoih nei thei uh hi. Amaute in siatna manawhin Topa tungah a lungkhauh teitei uh ciangin, Topa in a kamsangte tungtawnin vauhilh den a, Topa in amaute a hutna a la khia hi. Ahi zongin amaute in Topa a langpang veve uh hi. A gim thuakna panun Topa in amaute honkhia hi taleh amaute in lungkhauh in, a tawpna-ah amaute kipuahphat theih nading lampi a om nawn kei hi.
Isa.9:8–10:2 sim
in. Pasian mite in bang mawhna sungah nungta uh hiam? Kuate tungah tatsia-in,
kua tungah mawhpuak om hiam?
_____________________________________________________________
Lai Siangtho buppi hong hilh bangin Isaiah in mihing tungah a hong kipia deihtel theihna pulaak hi. Pasian in mihing a hong bawlin khentel theihna leh i deih bangin gamtat theihna a hong pia hi. Tua bangin mihing in khentel theihna leh suahtakna nei lo hileh Pasian i it thei kei ding hi. Pasian in gimnate tungtawnin Ama itna leh Ama zia le tong a hong hilh hi. Eima deihtel khialhna hangin gimna, natna, lau-na, leh buai-na tuamtuamte a hong tung ding a khaktan kei hi. Tua bang thute i tuahkhak ciangin Ama kiang va zuan ding hong deih hi. Tua ding hi napi-in mi kimkhat in gimna thuak taleh mawhna nusia lo-in Topa kiang zuan lo uh hi. Deihtel theihna in lamdang hi; deihtelna om keileh mihing ihihna om lo ding hi. Deihtelna a zangkhial mite in gimna a thuak ding uh hi.
Koi bangin Pasian in na thuak gimna
tungtawnin siatna panin a hong khel hiam? Ahi keileh Ama hong puahphatna phawk
lo-in na om hiam?
WEDNESDAY | January 27
A Zung leh A Hiang (Isaiah 11)
Jesse sung pan a hong khangkhia ding
hiang khat in kua hi ding hiam? Isa. 11:1; Zech. 3:8; 6:12.
__________________________________________________________________
____________________________________________________________________
Isa.11:1 in Isa. 10: 33, 34 sunga a kia khia
singkung pulaak hi. Tua in Jesse sung
panin a khangkhia Jesse tapa David kumpi limcing a, tua kumpi vangliatna in
guallelhna thuak hi (Dan. 4: 10 – 17, 20- 26). Ahi zongin a phungpi panin a mengsel
khat hong khang khia a, tua in David suan panin a hong khangkhia kumpi ukna nei
limcing hi.
Bang hangin David suan pan a khangkhia
kumpi in Jesse bulpi kici hi ding hiam?(Isa. 11:10) Tua in khiatna bang nei hiam? Mang. 22: 16.
_____________________________________________________________
Jessi bulpi in Jesuh Khrih simloh kuamah
dang hi lo hi; Amah in David suan sung pan a hong khangkhia kumpi hi (Mang. 22:
16). Khrih in David suanlekhak panin hong khangkhia hi (Lk. 3: 23 -31); David
in Pasian ta Adam suanlekhak ahi hi. Lamkhat panin Adam in Khrih piansak hi
(Luke 3:38; John 1:1–3, 14). Tua hi-in Khrih in David pupi hi; ama hong
khankhiatna hi.
_________________________________________________________________
_____________________________________________________________________
Koi bangin David khang panin a hong khangkhia kumpi in mawhna leh thuman langpanna hemkhia hiam? Isa. 11.
____________________________________________________________________
David in Topa deihna zui ahihlam amah mah kithei hi. Thuman tawh thukhenin, siatna bawlte gim pia hi. Gam nopna piangsak hi. Topa in Ama kumpi gam a hong phut ciangin na khempeuh bawlpha ding a, Israel leh Judah sung panin Topa tungah a citak a cianlai mite hong kaikhawm ding hi (Isa. 10: 20 -22). David in Philistine leh ama kumpi gam a langdote zo gawp hi. A hong khang ding Kumpi in David sangin vanglian zaw ding a, Amah in na khempeuh a hong bawlpha ding hi. Ganhingte in sa a ne nawn kei ding uh hi. A galte uh tawh kilemin a nungta khawm ding uh hi ( Isa. 11: 6-9). Isaiah 11 in Khrih a hong pai masak gen ahi ding hiam? Ahi keileh Nihvei-na a hong pai ding a gen hiam? Ahih keileh a nihin a gen hi ding hiam? Genkholhnate kantel pha lecin koi zaw a hong pai masakna maw, ahih keileh Nihvei-na, pulaak cih na mu ding hi. Hih in eite lametna bulpi hi.
Koi bangin Khrih a hong pai masakna in Nihvei-na hong kum kik takpi ding hi, cih
muanna hong pia hiam? Nihvei a hong pai
kikna sungah kihel lo, A hong pai masakna ngimna in bang hi ding hiam?
THURSDAY | January 28
“Nong Khamuangsak Hi” (Isa.
12: 1-6)
Isaiah 12 in Pasian in a mite tungah Ama
hehpihna, amaute a kepnate tungah a tomin kipulaak Amah phatna la hi. Tua
bangin saltana pan a ciahkik mite phatna la leh Egypt gam panin suahtakna ngah
Hebrew mite phatna la enkak in (Isa. 11: 16); tua la in Moses la leh Israelte
in San Tuipi panin Pharaoh galkapte khut sung pan suahtakna hangin Pasian
phatna la a sak uh tawh kibang hi (Pai. 15).
Isa. 12 sung a phatna la leh Mang. 15:
2-4 sung a Moses leh Tuuno la enkhawm in.
Bang thu hangin Pasian tungah phatna lasa uh hiam?
_________________________________________________________________________________________________________________________________________
Isa.12:2 in Honpa in Jesuh ahihna pulaak
hi. Pasian in keima hotkhiatna h; Amah
in kei a hong honkhia hi. Jesuh cih min a khiatna in Topa in hotkhiatna hi
(Matt. 1:21 tawh enkhawm in)
Jesuh cih min a khiatna, Topa in hotkhiatna hi, cih thu
sungah a thupi bang thu kihel hiam?
_____________________________________________________________________
Topa in hotkhiat nasem banah Amah mah in
hotkhiatna hi (Isa. 12:2). Israel mite
Siangtho Pa in eite lakah hong om ciangin eite aa dingin na khempeuh kicinna
hong suak hi. Pasian in ei tawh hong omkhawm hi. Jesuh in nalamdang bawl bek hi lo-in Amah mah
in mihingin hong piangin mihingte lakah hong nungta hi ( John 1: 14). Amah in i
mawhna khempeuh singlamteh tungah pua khia hi; Amah in eite aa dingin mawh hong
suak hi (2Kor. 5:21). Amah in kilemna hong bawl hi bek lo-in Amah in eite
kilemna hi ( Eph. 2:14).
Jesse zungpi in mite tungah thuhilhna hong suak hi (Isa. 11:10). Amah in singlamteh tungah khailupna a thuak ciangin mi khempeuh Ama kiangah a kaikhawm hi (Jn. 12: 32, 33). A beibaang mite in vanlian Pasian kiang zuan ding uh hi (Isa. 10: 21), Amah in eite aa ding a hong suak Naungek hi; Kilemna Kumpi hi (Isa. 9:6)
Jesuh in eite kihotkhiatna hi, cih thu
ngaihsun in. Rom. 3:24 sim in. Jesuh sungah hotkhiatna om hi. Amah mah in
hotkhiatna nasem hi. Pasian hehpihna leh hong itna hangin eite in tawntung
nunna i ngah thei hi. Eite in Ama sungah
upna tawh hotkhiatna i ngah hi; gamtatna
tawh hotkhiatna kingah hi lo hi; bang hang hiam cihleh hotkhiatna ngah dingin
mihing in hoihna khat zong a nei kei hi. Jesuh nunna leh Ama gamtat siangtho
dikna bek in a hong honkhia hi. Hotkhiat
thamcing lo lamet bei-na panin koi bangin Khrih hong hotkhiatna in lametna leh
khamuanna hong guan hiam?
FRIDAY | January 29
Ngaihsutbeh Ding: “Mihing ihihna
tawh kizui-in pa in ta tungah a lungsim khempeuh om tawntung hi. Pa in a ta
maitang amuhteh leitung siatnate hangin a ta mailam hun ding lunghimawhna nei
hi. A ta in dawimangpa ukna tawh kipelh
ding deihna lianpi nei hi. Ta in zia-etna, gimna a tuah ciangin a ta in siatna
sung tung lo dingin dalnuam huu nuam tawntung hi. Leitung siatna sangin a
lauhuai zaw tawntung kisiatna tawh kipelh nading Pasian in a Tapa neihsun
leitung mite a hong pia hi. A tate aa
ding a nuntakna a hong pia hi. “Hih in
itna tawh kidim hi; Leitung in lamdangsa-in, vantung in nuamin diang in. Ellen 11 G. White, The Desire of Ages, p.
49.
Khrih in mihingte a hong hotkhiat nadingin
na khempeuh a hong pia khia hi. Vantungmi in mihingte hong hon thei lo hi;
mihing in mihingte mah hong hon thei lo hi. Mihing Tapa bek mah in eite a hong
honkhia thei hi. Mong nei lo Pasian bek mah in mawhnei mihingte a hong
honkhia hi. Mawhdim mihingte Topa tungah
a ciampel mite hi mah taleng Amah tawh a nungta khawm dingin, Jesuh in ama
nunna hong pia hi; Amah mah in meihal biakna-in a hong kipia hi. Vantungah thu
kikupna khatah mihingte mawhna kitawikhai hi.
Mawhna hangin vantung hehna kipulaak khin hi taleh, lamet bei-in
cimawhte aa dingin Khrih in mawhna thaman pua dingin a khentat hi. “Ellen G.
White, The Signs of the Times, March 5 5, 1896.
Kikup Ding Dotnate
I pulaaksa om bangin Isaiah 11 sungah Topa
in Khrih a hong pai kik ding a genna i mu hi. Tua thute hangin Khrih a hong pai
masaklai-in Jew tampi in um lo uh hi. Bang hang hiam cihleh Khrih in Ama
vangliatna tawh a hong pai kik ding hun
in Nihvei a hong pai kik ciang a thupiangte hi-in, a hong pai masaklai-in
vangliatna tawh hong pai lo hi. Tua hi-in Khrih a hong pai-na tawh kisai thu
limtak theihtel ding thupi hi. Koi bangin Nihveina a hong pai ciangin mi tampi
in Satan khemna um ding uh hiam? Ellen
G. White, The Great Controversy, chapter
39.)
Tomkaihna: Isaiah a khiatna
in “Hotkhiatna in Topa kiang pan hi.”
Kumpite ginatlohna hangin nenniam thuakte tungah Topa kamciam in,
Thuciam Lui sungah genkholhnate in Nihvei a hong pai kik ciangin tangtung takpi
ding hi, cih lametna leh lungmuanna a hong pia hi. Jesuh cih a khiatna in Topa
in Hotkhiatna hi.
