Tu Kaal Sung Sim
Ding: Isaiah 59; 59:15–21; Isa. 60:1, 2; 61.
Eite in tua thuphate ngah dingin hanciam taleng i ngah zo ngei kei hi. Bang hangin tua thuphate ngah zo lo ihiam cihleh eite le ei hanciamna tawh a ngah zo dingin i ngaihsun hi. Jesuh in nungta hi, cih um napi hangin, angsung deihna i sisak kei hi. Eima hoihna, gamtatpha in tawntung sihna pan hong honkhia zo lo ding hi, cih i phawk kha kei hi. Tua hi-in hotkhiatte lakah kihel nadingin Khrih hong hehpihna bek in eite lamet hi. Ama kamsangte tungtawnin Topa in kamciam hong pia hi: “ Gitlohna nusia unla, a siangtho lo ngaihsutna khempeuh hemkhia un. Topa zuan un. Tua hileh Amah in note hong hehpih ding hi. Bang hang hiam cihleh Amah in na mawhna khempeuh uh a hong maisak ding hi” (Isa. 55:7). Topa hong kamciam bangin i up pah ding kisam hi; i ngaihsutna (feeling) tungah a kinga ding ihi kei hi. I nuntakna khempeuh tawh Topa muanna i neih ciangin, mawhmaisak Honpa sianthona tungah ki-ap ciangin i kitangsap huhna khempeuh, i lunggulhna khempeuh kicing ding hi. Ellen G. White, Faith and Works, p. 36.
Tu kaal sungin Isaiah tungtawnin a hong
kilangh hih thu guipi i kikum ding hi.
SUNDAY | March 14
Mawhna Sukkhak (Isaiah 59)
Isa. 58:3 ah, mite in Topa thu dong uh hi: Antangin thungen napi-in na hong
za kei hi. Kiniamkhiat napi-in na hong
thei kha kei hi. Isaiah 59:1 ah dotna khat om leuleu a, “Bang hangin Topa
tungah kiko na hi uh hiam? Amah in note a hong hon kei ding hi. Bang hangin Ama
tungah thungen na hi uh hiam? Amah in note thungetna hong za lo hi” Isa. 59:1.
Ahi zongin Isaiah in “ Pasian in note hong honkhia thei hi; note thungetna hong pia thei hi
(Isa. 59:1). Amah in note hong honkhia zo lo dingin zawngkhal hi lo a, note
thungetna za lo dingin khua za lo hi lo hi, ci hi.
Isaiah 59:2 sim in. Mite dotna (Isa.
59:1) tungah a dawnkikna bang kipulaak hiam?
__________________________________________________________________
__________________________________________________________________
Pasian in a mite nusia hi lo hi. Amah in a
mite nawlkhin hi lo hi. “ Note mawhna in
note leh Pasian kikalah hong dal hi zaw hi” (Isa. 59:2). Mawhna gah, Pasian leh
mihing kizopna susia hi, cih thu mihing phutkhak thute Isaiah 59 in hong hilh
hi. Mawhna in Topa tawh i kizopna kitatsak hi; mawhna in tawntung sihna-ah hong
tonpih hi. Mawhna in eite kiang panin Pasian khenkhia hi lo-in, mawhna in
Pasian kiang panin eite a hong khenkhia hi.
Koi bangin Pian. 3:8 in Isaiah 59 gen
thute pulaak hiam?
_______________________________________________________________ _______________________________________________________________________
Mawhna a bulpi in Pasian nialna, Ama kiang
pan paikhiatna hi. Mawhna in Pasian kiang pan paikhiatna banah mawhna gah,
mawhna sepnate in Topa tawh hong kigamla sak hi. Mawhna in Pasian kiang pan
hong khenkhia hi; Pasian in mawhnei mite hong honkhia zo lo-in Amah tawh
kigamla ihi kei hi. Lai Siangtho bulpi in Pasian in mawhnei tawh a hong kinai-
na, mawhneite a hong hotkhiatna thu hi. Bang hang hiam cihleh mawhna in eite a
hong tuam ding Pasian siantho-na nial hi.
Tua hi-in mawhna i nial hamtang ding pen thupi mahmah hi.
Bangci bangin mawhna in Pasian kiang pan a hong khenkhiatna na thuak ngei hiam? Nangma phutkhak thute panin Pasian kiang na tun kik nading lampi khat bek in bang lampi hiam?
MONDAY | March 15
Kua in Mawhmai-na Ngah Hiam? (Isa.
59:15–21)
Isaiah 59 in mawh kipatna pulaak hi. Mawhna
a om manin mihing a hong kitan ding lametna thu Lai Siangtho in pulaak hi.
Amasa-in i kidot dingin: a mawh mi bangzah pha hiam? Mi khempeuh in mimawh hi.
Tua ahih manin mawhna om kei leh tatkhiatna zong om lo ding hi. Tatkhiatna in
mawhmai-sakna tungah kinga hi. (Jer. 31:34). Paul in zong mi khempeuh in mimawh
hi(Rom. 3:9–20, 23); mawhna in kuamah deidan lo
hi (Rom. 3:22). Diktanna ngah
mite tungah mawhsakna tawh kipelh ding uh hi. Bang hang hiam cihleh amaute in
Khrih hong sihna hangin Pasian in a khawnkhongin a hong piak Ama siangthona
upna tawh a ngah uh hi.
Romans 3:21–24 sim in. Koi bangin hotkhiatna ngahna hong hilh hiam?
Thukhenna-ah lametna bang hong pia hiam?
__________________________________________________________________
_________________________________________________________________
Thukhenna-ah kua mawh cih pen a kidongden
khat hi. Ahi zongin hih dotna pen dot a kul hi lo hi. Bang hang hiam cihleh mi
khempeuh in mimawh hi. Tua sangin mawhmai-na ngah kua hiam, cih pen dothuai zaw
hi. Pasian in thuman hi. Amah in Jesuh
sungah upna nei mi mawhna a maisak hi
(Rom. 3:26). Thukhenna pan suahtakna lampi in mawhmai-na ngah a Jesuh
sungah upna kip tawh nuntakna hi ding hi. Tu-in eite in gamtatna tawh thu i
khen a, gamtat hoihna in mawhna panin suahtakna a hong pia thei kei hi. Tua
ahihleh upna in a mawkna hi lo ding hiam (Rom. 4:14). Tua bang hi lo hi; gamtatna in hotkhiatna
ngah taktak ihihna a pulaak hi zaw hi (James 2:18).
Bang hangin gamtatna in tu-in hi taleh
thukhen panin hi taleh, hong honkhia thei lo hi ding hiam? Rom. 3:20, 23.
__________________________________________________________________
________________________________________________________________
Gamtat hoih ahi a thukham zuihna tawh a hi
zongin hotkhiatna ngah theih ding a hun zekai hi. Thukham mungtup in mihingte
hong honkhia ding hi lo-in mawhna pulaak
ding hi zaw hi. Upna in itna tungtawnin nasem a, Pasian kiang pan Kha
Siangtho in i sungah na hong sem a, i sung pan itna hong luangkhia hi (Gal. 5:
6; Rom. 5:5). Tua itna tawh a nungta mi in Jesuh sungah upna nei mi hi (
James 2:26).
A kimu thei lo upna pen gamtatna tungtawnin
kimu thei hi. Tua hi-in Khristian mi taktak in nisim nuntak khuasakna tungtawnin
Topa tungah ki-ap a, thukham a nuntakpihnate pen hotkhiatna a tunpih upna tawh
a nungta mi ahihna pulaak hi. Upna thu a thei lo mite in thukhenna-ah paulap
nei lo dingin Pasian in Ama piansaknate tungtawnin a kilang vangliatnate
siksanin thukhen ding hi. Ahi zongin a
kikhel mi ahihleh Khrih leh Kha Siangtho ompihna hangin thukhenna-ah a suakta
ding hi. Tuuno sisan in mawhna khempeuh a
sawpsiang khin hi ( Romans 6).
TUESDAY | March 16
Mi Khempeuh Tungah Thuumna (Isa. 60:1, 2)
Isa. 60:1, 2 in bang thu pulaak hiam?
Lai Siangtho hong hilh thuguipi bang pulaak hiam? Lametna bang hong hilh hiam?
______________________________________________________________
_______________________________________________________________________
Isaiah 60:1, 2 ah khuamial leh khuavak
limciinna in Pasian in a mite saltanna pan a hotkhiatna thu hong hilh hi. Saltanna pan a nunung pen suahtakna in Khrih
tungtawnin kingah hi.
Isaiah 60:3 Koi panin hong pai khuavak sungah minamte leh
kumpite hong lut uh hiam?
_______________________________________________________________
_______________________________________________________________________
Hih munah Zion kigelhna-ah Hebrew lai-in
numei tawh kigenteh hi; Isa. 59: 20 dong ama thu kigelh hi. Tua hi-in khuamial
sung a om minamte hong paikhia-in Zion hong zuan ding uh hi. Amaute tungah Pasian vangliatna khuavak in a
taan ding hi (Isa. 60: 2) Zion in khuavak sung nungta dingin sapna ngah a, tua
khuavak mah namdangte tungah a taan kik ding uh hi. J. AlecMotyer, The Prophecy
of Isaiah: An 9 Introduction and Commentary, p. 494.
Zion in
Jerusalem hi-in a omna mun sangin a mite in manpha zaw ahihna kimu hi.
Isa. 60 in leitung muntuamtuam panin minamte hong pai ding uh hi. Isa. 60 in
aneu 1-3 sung a thute a kicing zaw-in hong hilhna hi. Minamte in Jerusalem
zuanin hong pai uh hi. Bang hang hiam cihleh Jerusalem in Pasian vangliatna a
omna mun hi.
Koi bangin Isa. 60 sung a genkholhna leh
Pasian in Abraham tungah thuciam tawh kipawl kamciam in kizopna nei hiam? A gen
uh kibang hi lo hiam? Pian. 12: 2,3.
________________________________________________________________
________________________________________________________________
Pasian in Abraham leh ama suanlekhak a
teelna-ah minam khempeuh a huamkha dingin thuciam bawl hi. Abraham leh ama
suanlekhak tungtawnin leitung mite in thupha ngah ding hi (Pian. 12:3; 18:18;
22: 18). Tua ahih manin Pasian in Abraham tawh a thuciam in minam khempeuh tawh
a thuciam ahi hi. Pasian in Abraham leh Ama suanlekhak tungtawnin a hong
kilangh hi.
Isaiah in minam
khempeuh in hih thuciam sungah a om thei dingin hanciam hi. A nungta Pasian
sawltakte dingin kisawlna bangin thuciam mite in amau aa ding bekin nungta hi
lo ding a, minamte aa dingin a nungta ding uh hi. Amaute in Pasian kiang a zuan
gamdangte nial lo ding uh hi (Isa. 56: 3-8), bang hang hiam cihleh Topa biakbuk
in minam khempeuhte thungetna inn kici ding hi
(Isa. 56:7).
WEDNESDAY | March 17
“Topa Maipha Ngah Kum” (Isa. 61:2, 3 )
Isaiah 61:1 sung a thugen kua hiam?
______________________________________________________________
______________________________________________________________________
Isaiah in suahtakna kum pulaak kik a
(Isaiah 61:2), Topa in a mite tungah suahtakna pia dingin David suan panin a
hong khangkhia Messiah in suahtakna thu gen hi (Siam. 25:10 tawh enkak in).
Pasian in Israelte tungah a thupiak in “ note in a kum sawmnga-na siangthosakin
gam sunga a teng mi khempeuh tungah suahtakna thu na zasak ding uh hi. Note in
nomau neihsa ngah kikin, sila-in a kizuak mite nomau innkuanpihte kiangah na
ciahkik uh ciangin note aa dingin jubilee hi ding hi” ci hi. Cimawhna hangin a
neihsa inn le lo zuak ahih keileh hamsa takin nasem sila khat in suahtakna leh
a neihsa inn le lo ngah kik ding uh hi, cihna hi (Siam. 25: 25 -55). Hih jubilee
kumin Mawhsutpi Ni a peengkul a kitum a kipanin kipanpah hi (Siam. 25:9). Hih thumah Isaiah 58 ah i kikum hi. “Topa
santhamcing kum” in Siam. 25 pulaak bangin jubilee pawi khat hi ziau lo-in hi
(Siam. 25). Hih suahtak kum pen Messiah,
Kumpi, Amah mah in a hong sepkhiat suahtakna leh bawlthakna a gen hi zaw
hi. Hih bang suahtakna thu nidang
Mesopotamia kumpite in zong nei uh hi. Amau thusiamna tawh amau tungah leiba
neite maisak uh hi. Messiah nasep
maisakna in tuate sangin tangzai zaw hi.
Messiah in a kihen mite suahtakna pia banah lunggim mite lungnopna pia
hi. A dahte hehnem hi; amaute a bawlpha thak hi (Isa. 61: 1-11). Tua banah Topa
in suahtakna thu a pulaak ni mahin a galte tungah a phu-lak ni hi pah hi (Isa. 61:2).
THURSDAY | March 18
Pasian Phulak Ni (Isa. 61:2)
Lungdamna a pulaak kawmin Isa. 61 pulaak
bangin, bang hangin Messiah in Pasian phulaakna tangko hiam? Bang hunin tua thu
tangtung hiam?
________________________________________________________________
___________________________________________________________________
Jesuh, Messiah in Nazareth khua-ah
suahtakna thu a pulaak hi (Isa. 61: Luke 4:19). Thakhat thu-in a laisim khawlin
“ Tuni-in hih genkholhna a tangtung hi” ci-in a pulaak hi (Lk. 4: 21). Amah in
“tuni in Topa phu-lak ni” hi cih zomsuak nawn lo hi. Ama nasep in lungdamna thu
taangko-in Satan hencip mite khahkhia hi; Pasian in a phulak ni ding ahihleh a
hong tunglai ding hi. Jesuh in a Nungzuite tungah a hilh Pasian in a galte
tungah phulakna (Matt. 24; Mark 13; Lk. 21 leh Isaiah gen enkak in (Isa. 61).
Isaiah 61
in Pasian phulak ding genkholhna, tua ni in a lauhuai mahmah Topa ni
ding hi, ci hi (Joel 2:31; Mal. 4:5).
Hih genkholhna in Khrih a hong pai kik ciangin tangtung ding a, Pasian
gal Satan leh a pawlte in thuman lo-in nasepna leh amau ukna panin leitung in
suahta taktak hita ding hi. Hih suahtakna in Topa tungah a cianlai mi citakte
hi ding uh hi (Mang. 19 leh Dan. 2:44, 45 enkak in). Hih suahtakna, Khrih in
Nihvei a hong pai ciangin hong sem ding ahihna pulaak khol hi.
Itna tawh kidim Pasian hi napi-in phu-la
Pasian cih thu koi bangin tonkhawm thei hiam? Hih thunih in a kilangdo
hiam? Ahih keileh phulaakna in itna kilangsak
hiam? Tua ahihleh koi bangin Pasian phulaakna in itna kilangsak hiam?
Jesuh in mi khat in na paang hong bet leh
thuk kik lo-in a lang khat dawh in (Matt. 5: 39). Thumanna leh mawhna thukhenna
in a tonkhawm ding hi (Matt. 8: 12). Paul in siatna pen siatna tawh thuk kik lo
dingin hong hanthawn hi (1 Thess. 5:15). Tua banah Pasian a thei lo mite tungah kaat le mei kia
ding a, tua in Topa phulaakna hi ding hi
(2 Thess. 1:8).
Topa in ciangtan om lo Ama pilna leh
theihna tawh thuman leh mawhna thukhen ding hi. Ama sepna khempeuh in thuman
tawh thukhenna hi ding hi. Mihing in thuman ci-in a ngaihsutte thuman lo kihel
thei hi; mihing in a kip tawntung hi lo hi. Pasian thumanna in mihingte
thumanna khempeuh sangin lian zaw hi.
Hih a nuai-a thu nihte ngaihsun
lecin,(1). Na it loh mi khat tungah
thusia a bawl mi tungah maw (2). Na it
mi khat tungah thusia bawl mi tungah maw, kua tungah phulak thukhenna liansak
zaw ding na hiam?
FRIDAY | March 19
Ngaihsutbeh Ding: Ellen G. White,
Patriarchs and 3 Prophets, pp. 376–378; also The Desire of Ages, pp. 4 236–243.
“Jesuh in mipi mai-ah dingin mailamah a hong
tung ding Ama thute Amah mah in hilh khol hi. Amah in a nungta hilhkhol pa
hi. Ama genkhiat thute hilhcianin,
Messiah in nengniam thuakte honkhia a, suahtakna pia ding leh, cinate damsak
ding a, khuamu lote khuamuhna pia ding
a, a vanglian thuman khuavak a taan ding hi. Ama thuhilhna leh Ama nunzia in vangliatna tawh kidimin a
thugen za-in a ngai mite in tua bang thuhilhna a za ngei kei uh hi. Ama vangliatna in kideidanna khempeuh hemkhia
hi. Moses bangin amaute in a kimu thei
lo a mu uh hi. Kha Siangtho in amaute lungsim ngaihsutna khempeuh makaihin
amaute in lungkituakin Topa a phat ciat uh hi.
Ellen G. White, The Desire of Ages, p. 19 237.
“Pasian phulak ni hong nai ta hi- Ama hehna
hong tun ding a hong nai hi. Kua in tua ni mu ngam ding hiam? Mihing in Kha
Siangtho sapna nialin lungkhauh uh hi.
Topa hehna in suksiat zawh loh a nei kei hi. A sawt lo-in Pasian in mawhna thu a khen ding
hi. Tuucing manlote in thukham palsatte hutna a ngah ding hiam? Thumang lo mi
tampi nung a zuih manin mawhpeng a suak thei ding hiam? Minthanna in mawh nei
lo hihna hong pia thei hiam? Thuman a kin lo, awlmawh lote in hih thute
ngaihsun uh hen. Ellen G. White, Faith and Works, p. 33.
Kikup Ding Dotnate
1. Seventh-day Adventist pastor khat in a
nasepna-ah a buaipih mahmah thu khat pulaak a, tua in a pawlpi mite in pawl pua
pan mi hong kikhawm ding deih lo uh hi. Koi bangin amau biakinnah midangte kikhop ding nangawng a phal lo
Khristian khat in itna, lametna leh Khrih gam lungdamna thu mite tungah
pulaakin mi tampi in thuman sang thei-in pawl sungah ki-ap a, a tawpkhakna-ah
hotkhiatna ngah ding hiam?(Matt. 24:14).
Tomkaihna: Pasian in siantho
lohna khempeuh hong hahsiangin Amah a langpang mi khempeuh beimangsak ding a,
siatna nusia-in Topa a zuan mi tawmno khatte a siansuah hi.Pasian ompihna
thupha hangin namdangte in Topa kiang va nai ding uh hi. Amaute khempeuh in
Messiah hong puak hotkhiatna thu sungah lungdam kipakin a nungta ding uh hi.
