Tu Kaal Sung Sim
Ding: Isa. 50:4–10; 52:13–14; 53: 3–12
Lough Fook pen Seen gam a om Christian khat
hi-in sila, leisung nasemte (mines) hehpihin amaute tungah hotkhiatna thu gen
ding veii ahih manin koi bangin hih sila lakah hotkhiatna thu kizel thei ding
hiam cih ngaihsun sun hi. Lampi mu zo lo ahih manin a tawpkhakna-ah kum 5 sung
sila dingin sila nei tote tungah amah leh amah va kizuaktawm hi.
Demerar munah kipaipihin silate lakah Jesuh
leh a hong hotkhiatna thu va gen hi. Lough Fook si khin hi; ahi zongin mi 200
in Jesuh Honpa-in sang thei uh hi. Mite aa dingin hih bang kipiakkhiatna in
lamdang hi lo hiam? Etteh taakcing hi lo hiam?
Jesuh in ngaihsut ngam loh na khat a sem
dingin sila dinmun hong la hi (Phil. 2:7).
Jesuh in a mangthang ding nang le kei in leitung mawhna mualpaaang
kenkawm lak panin a hong honkhia hi.
Tu kaal sung thusin ding thu in kum tampi a kigenkhol thu hotkhiatna hi ding hi.
SUNDAY | February 28
Isaiah In A Sittel Thuman (Isa. 50:4–10)
Isaiah
in Messiah a thu-in theihna ciang bek a hilh hi leh Messiah thu theih
ding a kilawm khempeuh genkhia pah ding hi. Ahi zongin mite in Topa Sila tawh
kizopna nei-in Amah tawha nungta khawm thei dingin gentehna tuamtuam zangin
hotkhiatna thu pulaak hi. Isaiah in
Pasian tung pan thupuakte khat khit khat a banbanin, lim leh nate zangin hong
hilh hi.
Isaiah 50:4–10 sim in. A tomin tua thute
pulaak in. Koi bangin Jesuh pulaak hiam?
_______________________________________________________________________
_______________________________________________________________________
Isaiah 49:7 ah Pasian sila in nawlkhin
thuak hi; simmawhna tawh kipelh lo hi; ukpite sila hi. Ahi zongin kumpite in
Pasian sila pa mai-ah kun ding uh a bia ding uh hi. Dikna tawh thuhilh ahih manin a lunggim mite thahatsak hi (Isa.
50:4). Ama totna lampi in maizumna leh cilphihna tawh kidim hi (Isa. 50:6). Hih
bang bawlsiatnate in deihhuai lo hi. Ahi zongin Nidang Hunlai mi khat in tua
bang zawhnate hangin minphatna, angtanna-in nei uh hi.
Ahi
zongin thuman lo-in gamta khial lecin a gilote in siatna tawh hong thuk kik
nuam ding uh hi. David in Ammon do-in a gam uh uk hi (2Sam. 10: 1-12). Bang hang hiam cihleh kumpi galkapte in David
sawltakte mancip uh a, a sam uh mettosak uh hi; a puansilh ngei-te uh
suahkhiatsakin ciah kiksak uh hi (2 Sam.
10:4). Ahi zongin Isaiah 50 sungah mite
in sila satnim uh hi; a sam leh khamulte
bawhkhiatsak uh hi. A taktakin Isaiah
9:6, 7 leh Isaiah 11:1–16 enkakin “ sila” cih kammal in vanglian tawh kidim
Honpa thu a pulaak kammal hi.
Vangliatna, minthanna leh pahtawi-na ngah taleh Amah leh amah kihonkhia
lo hi. Mite bawlsiatna thuak napi-in Amah leh amah kihonkhia dingin ngaihsun
ngei lo hi. Jesuh in singlamteh tungah makaite zahpihna a thuak hi. Amah in
mite honkhia thei hi ven, “ Nang in Pasian Messiah takpi na hihleh amah le amah kihonkhia hen. Tua hileh Amah ka
um thei ding uh hi, ci-in zahpih uh hi. (Luke 23:35; Matt. 27:42)
MONDAY | March 1
Gimna Thuak Sila Lakam (Isa. 52:13–53:12)
Isaiah 52:13–53:12 sungah Topa nasempa
Thuakna in Isaiah in lungdamna thugen kamsangpa hi, ci-in kiciamteh hi. Hotkhiatna thupuak tawh kizui-in Isa. 52: 13-
53: 12 sung a la kam in a thupi penpen hi; tehpih om lo hi. Laigualte in tom
mahmah taleh a gen uh thute in mawhna sungah a mangthang ding mihingte a hong
hotkhiat nadingin ngaihsut ngam loh Pasian nasepnate pulaak uh hi. Tua thute in
nawizu bangin thu neu hi lo hi.
Isaiah gen thute in Messiah tot nading lampi a nasial khol khol hi-in,
ama thupuak a za a ngai mite sungah Honpa thu kizel hi. Messiah a hong nuntakzia ding leh a sep a
bawl ding khempeuh hilhkholhna vive hi. Tua bangin a genna-ah Isaiah in Messiah
suahma, a suahna thu (Isa. 7:14), David kumpi panin a khangkhia Kumpi ahihna
(Isa. 9: 6, 7); Israel minam a puahphatna (Isa. 11: 1-16); thuman lo nasepna
leh gimna sung a tung mite kiniamkhiat takin
a hong hotkhiatna thu (Isa. 42: 1-7) tangko khol hi. Tua khit ciangin
Messiah in vangliatna leh pahtawi-na a ngahma-in a thuak ding sihna lianpi
pulaak hi (Isa. 49:1–12; 50:6–10). Tu-in kuama telzawh loh Silapa Thuakna a
hong kilang hi.
Isaiah genkholhna Messiah thute en kik in.
Jesuh thu bang pulaak uh hiam? Koi
bangin Isaiah 52, 53 sung a thute i tel nading hong huh hiam? Ahih keileh Isa.
52, 53 sung a thute lamdang ahihna hong
musak hiam?
Isaiah 52:13–53:1 in a kibang lo nunzia
nihte thu konghonna hi. Silapa in
nopsakna leh pahtawi-na ngah ding hi napi, ahi zongin Ama melpuak in
deihhuai-na bangmah nei lo hi. Kua in
Amah um thei ding hiam?
Isaiah 53:2, 3 in Silapa thuak gimna leh
nawlkhin a thuaknate phungpi kipulaak
hi. . Isaiah 53:4–6 in Silapa in eite mawhna hangin gimna thuakin Ama thuakna hangin eite in damna
i ngah hi.
Isaiah 53:7–9 Mawh nei lo Silapa in sihna a
thuakna thu hi.
Isaiah 53:10–12 ah Silapa in Isa. 52: 13
sung a genkholhna bangin pahtawi-na leh vangliatna a ngahna thu hi. Midangte a hotkhiat nadingin a nuntakna a
hong piakna in Pasian deihna hi.
Isa. 52: 13- 53: 12 leh Philippians 2:5–11
enkak in. Jesuh in Pasian hi napi-in
mihingin hong nungta-in, sihna khempeuh lak pan minsiat huai pen singlamteh tungah sihna a thuak dongin a
hong kiniamkhiat hi. Tua ahih manin Pasian in Jesuh pahtawi-na pia-a, mi
khempeuh in Jesuh in Topa hi, ci ding uh hi. Isa. 49:7 tawh enkak in.
Kua in Um Hiam? (Isa. 52:13–53:12)
Isaiah 52:13 sungah Pasian Sila in
pahtawi-na ngahin ahi zongin a hong phawksak thu in Ama melpuak in mihing mel
pua nawn lo zah dongin a mel kisia hi.
Thuciam Thak in Jesuh thuakna, liing lukhu khu-in, zahpihna, singlamteh
tungah kikilhna leh mi khempeuh mawhna vangikpi a puakna hangin deihhuai-na
bangmah nei nawn lo hi, cih pulaak hi. Pasian in mawhna om dingin geelna ngei lo hi; mawhna hangin
Mihing Tapa in mihing bang zo nawn lo dongin gimna sihna thuak dingin vaihawm
ngei lo hi. Hih thu leh Job thuakna enkhawm in.
Job in nopsakna, pahtawina leh vangliatna
tawh kidimin a om laitakin gentheihna, hingimna thuakin, meima in tuamcipin vui
le vai tawh kidim hi (Job 1, 2). Ama
gimna lian lua ahih manin a lawmte in Job ahihlam thei nawn lo uh hi (Job 2:12)
I dot ding thu in: Banghangin Job in gimna thuak hiam? Bang hangin Pasian
Messiah in gimna thuak hiam? Job ahi a, Messiah in ahi zongin gim thuak dingin
kilawm lo hi. A nihun khialhna nei lo uh hi. Tua ahihleh bang hangin gimna
thuak uh hiam?
Isa. 52: 13 – 53: 12 sim inla mawhneite aa ding mawh nei lo khat in a thuak
gimnate ciamteh hi. Eite aa ding a thupi
bang thupuak om hiam?
________________________________________________________________ _____________________________________________________________________
Isaiah 53:1 en kik in. Up ngam huai lo
thu hi taleh uptheihna thu hong hilh hi. John 12:37–41 tawh enkak in. Tua thute
in i tungah khohna thu tawh tonkhawm hi. Topa khut leh Ama hotkhiat vangliatna
thu kipulaak hi (Isa. 52:10 tawh enkak in). Isaiah thupuak a um mite kilang hi. Pasian hotkhiatna vangliatna sungah na nungta
nuam hiam? _________________________________________________________________ _________________________________________________________________
Isaiah 53:6 sim in. Bang thupuak hong hilh hiam? Mimal tungah bang thu hong hilh hiam? Lungkia lamet bei dinmun hi taleh lametna bang hong hilh hiam?
WEDNESDAY | March 3
Eimah A Mangthang Mi (Isa. 53:3–9)
A kisikzan lopa khat in mannei lo-in a
hoihna beimang hi. Tua bang mahin, Isa. 53:2, 3, Gimthuak Silapa in deihhuai-na
bangmah nei lo hi. Isaiah in hoihna dim khangno khat in siatna mualkeen dawnah
a om tawh kibang thu pulaak hi. Silapa
thuak gimna a thuak dingin i kiging kei hi. A lang khatah Isaiah in eite aa
ding a hong suak Naungek, kilemna Kumpi hangin a lungdam dingin hong hilh hi.
Mite in Amah nawlkhin taleh eite in Amah in kua hi, cih i thei hi. “Eite in i
galte tawh i kituak kha hi. I galte in eimah ihi hi. Silapa in nawlkhinna, mihing gimna a thuak
masa ahi kei hi. David in a tapa Absalom kiang pan galtai-in om hi (2 Sam.
15:30). Gimthuak Sila in Ama mawhna hangin gimthuak hi lo hi; Amah in mawhna
nei lo hi. Midangte aa ding gimthuak hi bek lo hi. Topa in eite mawhna khempeuh
Ama tungah koih hi (Isa. 53:6).
Bang hang cih dotna a dawnkikna thu in
Isaiah in th uman sittelna-in nei hi. Bang hang hiam cihleh Pasian in ki-itna
hi. Amah in Messiah hi-in gimthuak dingin teel hi. Bang hang hi ding hiam?
Isaiah hong hilh thu bulpi in Silapa in a mangthang mite Ama kiang a hong
tunpih nadingin gimna thuak dingin deihtel zaw hi.
Hih thuman a tel lo mite in Gimthuak Silapa
in Pasian nusiatna thuak hi, ci uh hi (Isa. 53:4). A lawmte in Job in ama mawhna hangin
gimthuak hi, ci-in ngawh uh hi. Tua bang mahin nungzuite in Jesuh tungah : mittaw
pa mawhna maw, ahih kei leh a nu a pa mawhna hangin mittaw hiam, ci-in dong uh
hi (John 9:2, 11). Jesuh in Ama mawhna hangin singlamteh tungah khailupna thuak
hi, cih thu sangin a sia zaw om lo hi. Moses
in sing tungah khailupna a thuak mi in Pasian hamsiatna thuak hi, ci-in
pulaak hi lo hiam? (Thkna.. 21:23 leh Gam. 25:4 enkak in. Hihte khempeuh in
Pasian deihna bangin a piang hi (Isa. 53:10).
Khrih in thukham hamsiatna panin a hong hotkhiat nadingin Amah mah in hamsiatna a hong thuak hi” (Gal.
3:13). Mawhna nei lo Amah in eite aa
dingin mawhna hong suak hi. Tua in Ama sungah Pasian siantho-na i ngah nading
ahi hi (2 Kor. 5:21).
Eite aa dingin a kipiakna in bangzahin manpha hiam? Singlamteh mitsuan in. Amah in kikhailupna thuak hi. Singlamteh tungah a kikhen a khutte en in. Kilhna thuak a khe en in. Khrih in eite mawhna hangin a sih dongin gimna hong thuak hi. Ama pumpi mahmah tawh i mawhna hong puaksak hi; gimna thuak hi. A gimthuakna, a lungtang kitamkham thuaknate in eite a hong tatkhiat nading ahi hi. Ellen G. White, God’s Amazing Grace, p. 172.
Mawhna hangin gim thuakna in bangzah in
gik hiam? Mawhna khempeuh Khrih tungah kisuan hi. Singlamteh
tungah Ama sihna bek in eite suahtak nading lampi hi. Tua simloh eite a hong
hotkhiat nading lampi dang om lo hi. Hih
in mawhna a siathuai-na bang pulaak hiam? Mawhna sung pan a hong tatkhiat
nadingin man kiseh thei lo tawh hong kilei hi lo hiam? Hih in nuntakna a bei
dongin a hong kipia Pasian hong itna pulaak hi lo hiam?
THURSDAY | March 4
Silapa nuntakna in mawhna hangin
piakkhatna cih thu a khiatna in bang hi ding hiam? (Isa. 53:10)
________________________________________________________________
________________________________________________________________
Hebrew tawh kigelhna-ah mawhna hangin
biakpiakna (Siam 5:14–6:7; 7:1–7), pulaak hi.
Hih biakpiakna in ngimna khat tawh mi tungah khialhna khat hanga
biakpiakna hi (Siam. 6: 2,3). Isaiah in tua bang mawhnate a malmalin pulaak hi
(Isaiah 1–3; 10:1, 2; 58). Tua banah a mawh mi in a khialh khak mi tungah maisakna ngen ding a,
mawhmai-na ngah nading Pasian tungah meihal biakna pia ding hi (Siam. 6:4–7 leh
Matt. 5:23, 24 enkak in). Pasian in Amah biakna-a kizang biakpiaknate Ama sawl
bangin zat lohna in mawhna hi-in Ama tung pan mawhmai-na kisam hi (Siam. 5:16).
Koi bangin
Isa.40:2 na tel hiam? Pasian in saltang a mite mawhna a maisak pen amaute
lungnop nading hi lo hiam? Pasian in amaute mawhna a maisak khit ciangin biakpiakna
kisam hi. Isa. 53 gen bangin ganhing tungtawnin mawhmai-na hi lo-in Pasian Sila in a kigo ding tuuno bangin sihna
thuakna hang hi zaw hi (Isa. 53:7); lampial a mite thuak ding khempeuh Amah mah
in a thuak hi (Isa. 53:6).
A nungta mite kiang pan hepkhiatna thuak
mah taleh (Isa. 53:8 leh Dan. 9:26 enkak in) meihal biakna tau tungah kikoih
khempeuh kangtum khin hi; tua meikhu in ei aa dingin lametna lianpi hong guan
hi. Amah in sihna hong thuakin, Amah mah in minphatna ngahin Ama tungah
pahtawi-na a ngah hi. Ama tanu tapa khempeuh en in. Amah in a nungta tawntung
ding hi(Isa. 53:10–12).
A nuai a Lai Siangtho munte en inla, koi
bangin Isa. 53 thupuak thute mah pulaak uh hiam?
Late 32:1,
2________________________________________________
Rom. 5:8 __________________________________________________
Gal. 2:16
_________________________________________________
Phil.
3:9__________________________________________________
Heb.
2:9___________________________________________________
1 Pet.
2:24________________________________________________
FRIDAY | March 5
Ngaihsutbeh Ding
“I mawhnate eimah in i puak ding tangin
singlamteh tungah Khrih in a hong puakhia hi. Ciangtan nei mihing in mawhna
sung pan a suahtak zawhloh mawhna in bang mawhna hi ding hiam? Pasian bek in a hepkhiat theih hamsiatna in
bang hamsiatna hi ding hiam? Khrih
singlamteh in mimal khat ciat mawhna thaman in sihna hi, cih hong lak hi.
Mawhna in nuntak hoihna suksiat theihna
vang nei-in Kha Siangtho lamlahna langpan hi lo hiam?Ellen G. White, Our 11
High Calling, p. 44.
“Pasian in a Tapa hong sihna in Pasian gam
ki-ukna thukham a thupitna pulaak hi. Khrih in leitungbuppi mawhna pua hi.
Mawhna panin suahtak zawh nadingin mihingin a hong nungta Pasian Tapa sihna
simloh lampi dang a nei kei hi. Mawhna thaman sihna a zo zo hi. Bang hang hiam
cihleh Amah in Pasian nunna a ngah kik hi. Amah in mawhna thaman a zo thei hi.
Bang hang hiam cihleh Amah in mawhna a nuntakpih kei hi. Khrih in mihingte
aitangin zawhna hong ngaksak hi; mihing in mawhna thaman a hong thuak ding Tapa
mah in a hong thuak hi. Amah in mihingte tawntung nunna sung a hong lutpih hi.
Amah in thukham liansakin pahtawi hi. Ellen G. White, Selected 1 Messages, book
1, p. 302.
Kikup Ding Dotnate
1. Isaiah 53:7–9 hankhuk pulaak hi. Silapa sihna
leh kivui-na pulaak khol hi. Jesuh sihna thu bang pulaak uh hiam?
Matt. 26:57–27:60, Mark 14:53– 15:46, Luke 22:54–23:53, John 18:12–19:42.
2. Khrih sihna in thukham tawisang cih a khiatna
in bang hi ding hiam? Koi bangin Khrih sihna in thukham kiptawntung
ahihna pulaak hiam?
Tomkaihna: Isaiah in Pasian
hong piak Honpa hong suahna, ama nunna leh a hong sihna sangin a lianzaw sihna
om lo ahihna a pulaak thu in eite aa
ding lametna lianpi hi. Pasian Sila in i thuak ding mawhna thaman a hong
puakkhiatsak hi. Lamet nei lo-in a mangthang ding eite lametna hong guanin tawntung
manthanna panin a hong honkhia hi.
