Isaiah: Ka Mite Hehnem In
“Ka
mite hehnem in” ci-in a kigenkhiat a kipan tua thute in i sungah hong teeng
tawntung hi. Tua kammalte kiphawk tawntung a, Pasian in eite tawh
hong omkhawm hi, cih thu tawh kitonin ka mite hehneem in cih thu in lametna leh
kamciam hong guan hi (Isa. 7:14). “Eite aa dingin naungek khat hong
suak hi” (Isa. 9:6); “Eite mawhna hangin Amah in liamna thuakin eite
mawhna hangin Amah in satniimna thuak hi; Ama gim thuakna hangin
eite in damna i ngah hi (Isa. 53:5).
Isaiah
kammalte in thu, limciinna leh thuhilhna nei hi. Kammal gina lo khat
in thu gina lo, limciinna hoih lo pulaak hi. Limtak ngaihsutna tawh a kipulaak
kammalte, a muibun kammalte in na lianpi sem hi. Tua hang mahin
Isaiah kammalte in kum za tampi sawt khin hi taleh tuni dongin i bilah thu
gengenlai hi. Sila khat bangin ama gimthuakna la-kam a pulaak khiat Messiah
thute in Thu Ciamlui mundangah tua bang thute kimu lo hi (Isa. 52:13 – 53:
12). Isaiah min a khiatna in Topa in Honkhiapa hi”. “Hotkhiatna
Thugen Kamsang” cih in hotkhiatna thu pulaak hi. Tua banah kamsangpa in Persian
kumpi Cyrus pianma kum 150 bang a na genkholh mah bangin Babylon gam va zo hi
(Isa. 44: 28 – 45:6). Hih thu hangin mi kimkhat in Isaiah Bu nunungte, “Second
Isaiah” ci-in kamsang dang khat in a gelh hi ding hi, ci-in ngaihsun uh hi.
Isaiah laigelhzia in tehpih ding om lo-in lamdang hi; la-kam
tuamtuam, limciinna tuamtuam zangin a gen thute in mi tawh muhtheih pahlian
ding bangin pulaak hi.Vantung in kuama bat zawh loh dingin a san mah bangin
Pasian ngaihsutnate in mihing ngaihsutna in ban zo ngei lo ding hi (Isa. 55:9).
Hebrew panin namdang pau-ah a kiteikhiat ciangin Hebrew pulaak bang lianin
kipulaak thei lo hi. Biakna laibu ahi a leitung laibu ahi zongin Isaiah tawh
tehpih ding om lo hi. Isaiah laigelh sung panin a kammalte, la-kam tawh a gelh
thute, a muibun kammalte leh lungsim hong lawngkha kammalte i thei hi. Ahi
zongin amah leh ama hunlai thute, a genkholh thute leh a thungetnate
i thei hiam? Gitlohna tawh kidim Assyrian Ukpi hong khan ciangin siatna khang
semsem a, gam mite in gamtat siatna sung tungkhin uh hi. Huaihamna leh
gentheihnate in mun khempeuhah kizel hi. Neihlelamh leh mailam
nuntak nadingin hanciam uh hi; siatna in a ukcip a om mah bangin mi
kimkhat in lungkiatna tawh kidim uh hi. Israel mite in siatna sung mangthang
lo-in gam khatin a din zawh nadingun a cianlai a om sun mi tawmmo khat in
Pasian mitsuan dingin Israel in hanthawn hi. Tua Pasian in Israel
Mite Siangtho Pa, vantung leitung a Piangsak Pa, amaute min ciat tawh samin
meili sung pan honkhia dingin a kamciam Pa hi. Pasian thupiak bangin a nuntak
uhleh tua bang siatna sung pan Pasian kamciam a tangtung ding hi.
Isaiah
in kumpite lamlakna ngah hi. Pasian mi a cianlai tawmno khat in Assyrian ukpite
sungah mangthang dektak hi taleh Isaiah genkholh bangin Hezekiah Kumpi in
nalamdang a piang dingin lametna nei hi; Jerusalem lametna in tua bek mah hi
(Isa. 36, 37). Jerusalem in Babylon khut sungah kum za tampi kisiatna a thuak
nungah Assyrian ukna hangin Judah mite in kithehthang uh hi. Leitung Honpa,
Messiah a hong khankhiat nading Judah minam in a beimang ding dinmun tung uh hi.
Tu
quarter sung i kikup ding thu in Isaiah, Ama pulaak thute, Ama
hunlai thupiangte leh Ama thuak khak thute banah “ Jacob aw, note hong piangsak
amah hi a, Israel aw, note hong bawl amah hi; Note hong tankhin ka hih manin
lau kei un; na minun kong sam khin a, note kei aa na hi uh hi”” (Isa. 43:1) cih
thu in tuni nang le kei aa dingin zong Topa hong gen ahihna thu ahihna i kikum
ding hi.
Isaiah:
Ka Mite Hehnem In
“Ka
mite hehnem in” ci-in a kigenkhiat a kipan tua thute in i sungah hong teeng
tawntung hi. Tua kammalte kiphawk tawntung a, Pasian in eite tawh
hong omkhawm hi, cih thu tawh kitonin ka mite hehneem in cih thu in lametna leh
kamciam hong guan hi (Isa. 7:14). “Eite aa dingin naungek khat hong
suak hi” (Isa. 9:6); “Eite mawhna hangin Amah in liamna thuakin eite
mawhna hangin Amah in satniimna thuak hi; Ama gim thuakna hangin
eite in damna i ngah hi (Isa. 53:5).
Isaiah
kammalte in thu, limciinna leh thuhilhna nei hi. Kammal gina lo khat
in thu gina lo, limciinna hoih lo pulaak hi. Limtak ngaihsutna tawh a kipulaak
kammalte, a muibun kammalte in na lianpi sem hi. Tua hang mahin
Isaiah kammalte in kum za tampi sawt khin hi taleh tuni dongin i bilah thu
gengenlai hi. Sila khat bangin ama gimthuakna la-kam a pulaak khiat Messiah
thute in Thu Ciamlui mundangah tua bang thute kimu lo hi (Isa. 52:13 – 53:
12). Isaiah min a khiatna in Topa in Hotkhiatpa
hi”. “Hotkhiatna Thugen Kamsang” cih in hotkhiatna thu pulaak hi.
Tua banah kamsangpa in Persian kumpi Cyrus pianma kum 150 bang a na genkholh
mah bangin Babylon gam va zo hi (Isa. 44: 28 – 45:6). Hih thu hangin mi kimkhat
in Isaiah Bu nunungte, “Second Isaiah” ci-in kamsang dang khat in a gelh hi
ding hi, ci-in ngaihsun uh hi. Isaiah laigelhzia in tehpih ding om
lo-in lamdang hi; la-kam tuamtuam, limciinna tuamtuam zangin a gen thute in mi
tawh muhtheih pahlian ding bangin pulaak hi.Vantung in kuama bat zawh loh
dingin a san mah bangin Pasian ngaihsutnate in mihing ngaihsutna in ban zo ngei
lo ding hi (Isa. 55:9). Hebrew panin namdang pau-ah a kiteikhiat ciangin Hebrew
pulaak bang lianin kipulaak thei lo hi. Biakna laibu ahi a leitung laibu ahi
zongin Isaiah tawh tehpih ding om lo hi. Isaiah laigelh sung panin a kammalte,
la-kam tawh a gelh thute, a muibun kammalte leh lungsim hong lawngkha kammalte
i thei hi. Ahi zongin amah leh ama hunlai thute, a genkholh thute
leh a thungetnate i thei hiam? Gitlohna tawh kidim Assyrian Ukpi
hong khan ciangin siatna khang semsem a, gam mite in gamtat siatna sung
tungkhin uh hi. Huaihamna leh gentheihnate in mun khempeuhah kizel hi.
Neihlelamh leh mailam nuntak nadingin hanciam uh hi; siatna in a
ukcip a om mah bangin mi kimkhat in lungkiatna tawh kidim uh hi.
Israel mite in siatna sung mangthang lo-in gam khatin a din zawh nadingun a
cianlai a om sun mi tawmmo khat in Pasian mitsuan dingin Israel in
hanthawn hi. Tua Pasian in Israel Mite Siangtho Pa, vantung leitung a Piangsak
Pa, amaute min ciat tawh samin meili sung pan honkhia dingin a kamciam Pa hi.
Pasian thupiak bangin a nuntak uhleh tua bang siatna sung pan Pasian kamciam a
tangtung ding hi.
Isaiah
in kumpite lamlakna ngah hi. Pasian mi a cianlai tawmno khat in Assyrian ukpite
sungah mangthang dektak hi taleh Isaiah genkholh bangin Hezekiah Kumpi in
nalamdang a piang dingin lametna nei hi; Jerusalem lametna in tua bek mah hi
(Isa. 36, 37). Jerusalem in Babylon khut sungah kum za tampi kisiatna a thuak
nungah Assyrian ukna hangin Judah mite in kithehthang uh hi. Leitung Honpa,
Messiah a hong khankhiat nading Judah minam in a beimang ding dinmun tung uh
hi.
Tu
quarter sung i kikup ding thu in Isaiah, Ama pulaak thute, Ama
hunlai thupiangte leh Ama thuak khak thute banah “ Jacob aw, note hong piangsak
amah hi a, Israel aw, note hong bawl amah hi; Note hong tankhin ka hih manin lau
kei un; na minun kong sam khin a, note kei aa na hi uh hi”” (Isa. 43:1) cih thu
in tuni nang le kei aa dingin zong Topa hong gen ahihna thu ahihna i kikum ding
hi.
LESSON
1 December 26 - January 1
Minam
Hihna Buai
Tu Kaal Sung Sim Ding: Isa. 1:1–9, Isa. 1:10–17, Isa. 1:18, Isa. 1:19–31, Isa.
5:1–7.
KAMNGAH: “ Tu-in hong pai un, kikumkhawm dih ni,” Topa in ci hi. Na
mawhnate uh ausan bangin a san hangin vuk bangin a pak ding hi; kheisan bangin
a san hangin tuumul bangin ngo ding hi.” (Isaiah 1:18)
Bangmah
Ciaptehzawhna Nei lo!
Ireland
gam sungah khualzin lecin bawnghon in anzonna mun
panin buk zuanin a pai na mu ding hi. Bawngcing om kei taleh bawngte
in amau om nading bukmun ciat thei uh hi. Naupangno khat in a nu tawh khua sung
vakna-ah a nu mansuahin a cih nading a theih lohteh “ Ka nu ka mansuah hi”
ci-in kiko hi. Naupang in ama omna mun thei lo hi; a nu omna mun zong thei lo
hi. Mihonpi lakah a nu zong kawikawi a amuh phetin nu tampi om taleh ama nu
thei pah hi.
Irish
bawngte ahih keileh naupangno bang hi lo-in Judah mite in a Topa uh mangngilh
hi; Ama neihsa minam ahihlam uh phawk lo-in Pasian tawh thuciamna nei mi ahihna
uh mangthangsak uh hi. “ Vantungte aw, na za un; leitung aw, na ngai in;
banghang hiam cihleh TOPA in thu hong gen khinzo a,“ Ka pattahsa ka
tate in kei hong lehdo uh hi. Bawng in amah a nei pa thei a, la in
zong a topa an piakna mun thei buang hi. Ahih hangin Israel in bangmah thei lo
a, keima mite in thei thei lo uh hi,” a ci hi” (Isa. 1: 2,3).
Tu
kaal sung thusin ding in Pasian in Ama mite a puahphatna thu hi ding hi.
SUNDAY December 27
Vantung in, Na Za In
(Isa. 1:1–9)
Isaiah
in thupatna tawmno a pulaakna-ah amah leh amah Amoz tapa ahihna, ama gelhkhiat
thute in Pasian tung pan hong pai thute hi-in, ama hunlai Judah leh Jerusalem a
uk kumpi li tungah a pulaak thu banah ama nuntaklai a mipihte tungah thupuak
ahihna zong kimu hi. Kamsangpa in a mipihte nunzia leh amaute mailam
thu ding a lunghimawhna thu zong pulaak hi. Isaiah in ama muh, ama
tuah khak gam sung thupiangte a pulaakna tungtawnin ama nasep hun sung kithei
hi. Tua thupiangte in 2 Kum.15–20 16 leh 2 Khang. 26–32 sung a thupiangte hi.
Isaiah
1:2 sim in. Bang thugil kipulaak hiam? Topa in bang gen hiam? Koi bangin tua
thu in a khang a khangin kilangh hiam? Tulai pawlpi dinmun ding a kibulh thei
ding hiam?
_______________________________________________________________ _______________________________________________________________
Isaiah
in a thupatna-ah “Vantungte ka aw hong ngai dih un” ci-in pulaak
hi. Hih thu Thuhilhkikna 30:19; 31: 28 tawh enkak in.
Topa
in vantung leh leitang in bil nei-in khuaza thei uh hi, a ci hi lo hi. Ama gen
thu a thupisakna hi zaw hi. Nidang Near Eastern huampi ukna nei
Hittite kumpi in amau khut nuai ukna nei makaite tawh thukimna a
bawl uh ciangin a theihpih dingin amaute biak pasiante mai-ah kiciamna nei uh
hi. Ahi zongin kumpite Kumpi in Israelite tawh thuciam a bawl ciangin teci
dingin namdangte bangin pasiante kisam lo hi. A nungta Pasian in Amah bek hi-in
tua bangin a mite tawh thuciam a bawl ciangin, tua thuciam a tangtun dingin
vantung leh leitung a pulaak ahi hi (Thuhilhkikna 4:26)
Isaiah 1:1–9 sim in. Hih mun in Judah mite mawhna tomkimcingin pulaak hi.
Mawhna hangin gah tuamtuam zong pulaak hi. Judah in bang mawhna bawlin tua
mawhna hangin bang thuak uh hiam? Ahi zongin aneu 9 ah amaute aa ding lametna
bang kipulaak hiam?
MONDAY December 28
A Kihhuai Biakpiakna (Isa.
1:10–17)
Isaiah
1:10 sim in. Bang hangin Sodom leh Gomorrah kipulaak kik hi ding hiam? Topa in
bang hong hilh hi ding hiam?
___________________________________________________________
___________________________________________________________
Isaiah
1:11–15 sim in. Topa in bang hong hilh hiam? Bang hangin Topa in amaute
biakpiakna nial hi ding hiam?
__________________________________________________________________
___________________________________________________________
Thungenin
biakpiakna pia taleh siatna bawlin sisan luanna tampi piangsak hi; midangte
nengniamin bawlsia hi (Isa. 1:15; Isa. 58:3, 4). A mipihte tungah siatna bawlin
amaute a Piangsakpa simmawh uh hi. Topa mahmah in meihal biakpiaknate (Siam.
1-16), leh Jerusalem biakinnpi kilamzia ding hilh hi (1 Kum. 8:10, 11). Pasian
leh a mi Israelte tawh kikaal thuciam siksanin Pasian in A mite lakah a teen
nadingin biakbuk kilam ahi hi. Topa tungah cihtakna a om ciang bekin
biakpiakna, thungetnate in Topa mai-ah santhamcingin man nei thei pan hi. A
mipihte uh tungah thuman lo-in a gamtatna uh kisik lo-in biakpiakna a piak uh
hangin tua bang biakpiaknate in kineihkhemna hi. Tua hi-in amaute biakpiakna in
a santhamcing biakpiakna hi lo banah a mawhna uh behlap suak zaw hi. A
biakpiaknate un vantung tanu tapa hi, cih pulaak hi. Ahi zongin amaute gamtat
in thuciam a palsatna uh kilang hi.
Isaiah
1:16, 17 sim in. Topa in A mite bang hih dingin sawl hiam? Koi bangin Jesuh gen
thute mah pulaak hiam? (Matt. 23: 23- 28). Tuni tuhun adingin bang hong hilh
hiam?
TUESDAY | December 29
Mawhmaisakna Siksan Thu
(Isa. 1:18)
Isaiah
1:18 sim in. Simpha kikkik inla Topa in bang hong hilh hiam, na tel thu
gelhkhia in.
________________________________________________________________
________________________________________________________________
Judahte
in Topa tawh thuciam bawlin tua thuciam a palsatna hangun thaman ngah uh hi
(Isa. 1: 2-15). A khialhnate uh kipuahpha dingin Topa in hilh hi (Isa. 1:
16,17). Amaute in a kipuahpha thei ding lamet om hi. A tawpna-ah bang hangin
siatna thuak ding kilawm uh hi napi kipuahpha dingin kisawl hi ding hiam?
Bangci bangin sihna thuak ding mi khat in tagah, meigongte huhin a kinengniamte
honkhia ding hiam? Ahi zongin Pasian in “Hong pai un; thu kikum ni” ci-in
amaute sam hi (Isa. 1:18). Amaute in bangbang siatna tawh kidim taleh, Pasian
in lamkhial a mite tawh kimu-in amaute in siatna nusia-in Ama kiang zuan ding
lamen tawntung hi. Topa in amaute tungah
“ Note mawhna in sisan bang
hi taleh vuk bangin ka hong ngosak ding hi,” ci hi (Isa. 1:15). Sisan in mawhna
limcing ahih mah bangin vukin sianthona limcing hi. Pasian in sisan
panin vuk bangin kaang dingin kamciam pia hi. Hih thungetna in Kumpi David in
Bathsheba tungah mawhin a pasal a thahna hangin mawhmai-na ngah ding
a thunget ahi hi (Late 51:7, 14).
Isa.1:18
sungah Pasian in A mite mawhna maisak ding a kutna kimu thei hi.Koi bangin
Pasian in amaute mawhna maisakin a nunzia uh khel dingin pulaak hiam? Isa.1:18
leh Isa. 44:22 enkak in.
_________________________________________________________________
_________________________________________________________________
Topa
in tu-in A mite lang khatah khauh takin amaute mawhna pulaak hi. Tua kammalte
in Topa in A mite a nialna kammal hi lo-in A mite in Ama kiang zuan dingin
sapna kammal hi. Topa in A mite mawhmai dingin Ama kiang a sapna a hangin a
nunzia uh kikhel ding deihna hi (Isa. 1:16, 17). Ama mawhmaisakna
hangin Kha Siangtho in amaute kikhelsak hi. Hih in Jeremiah
genkholh” Thuciam Thak”tangtunna hi; eite in Pasian tawh kizopna thak i ngah
theih na in mawhmaisakna siksan hi. Ama kiang i va pai ciangin i piak zawh loh
ding leiba tawh Amah a zuan ihi hi. Mawhmai-na kitangsam ihihlam i phawk
ciangin Topa hong piak na khempeuh a sang dingin a kiging ihi hi.
WEDNESDAY |
December 30
Gah Hoih Ne ahih keileh
Siatna Thuak (Isa. 1:19–31)
Isa. 1:19–31 sim in. Lai
Siangtho pulaak thu guipi bang pulaak hiam?
_________________________________________________________
Isa.1:19,
20 sung a thu luanzia ngaihsun in. Amaute in Topa thupiak zui-in a nuntak uh
ciangin leitang panin gah hoih a nei ding uh hi (Isa. 1:19). Ahi zongin amaute
in Topa thupiak a nunghei uh ciangin, Ama puahphat ding a nial mite in namsau
tawh a si ding uh hi (Isa. 1: 20). Thu zui ding maw, nial ding cih pen amaute
khentat ding ahi hi; thu a zuih uhleh thupha ngah ding uh a, thu a
nial uhleh gimna thuak ding uh hi. Isaiah in Moses kammalte
(Thuhilhkikna 30: 19, 20) siksanin thuhilh hi. Tua kammalte in Pasian in
Israelte tawh a thuciamlai-a a kipulaak kammalte hi: “Note langah teci a pang
dingin vantung le leitung ka sam a, note mai-ah thupha leh hamsiatna ka
koih hi.”
Moses
kammalte ngaihsun in. A laihawl om lo hi. Sihna ahih keileh nuntakna
maw, thupha maw, hamsiatna khat zaw i tel ding ahi hi. Bang hangin khat zaw tel
ding kisam hi ding hiam? Bang hangin a nihin tonkhawm thei lo hi ding hiam?
_________________________________________________________
Moses
pulaak thute in Thuhilhkikna 27-30 sunga kipulaak thute a huamin pulaak hi
(Siam. 26 tawh enkak in). Tua thuciam sungah (1) Pasian in amaute aa dingin a
nasepte (2). Tua thuciam a kip nadingin amaute zuih ding thute (3) thuciam a
theihpih teci (4). Tua thuciam tungtawnin a ngah ding uh thupha, thuciam a
palsat uh leh siatnate cihte kipulaak hi.
Lai
Siangtho thuthuk a kantelte in Hittites a kipan namdangte sungah zong tua bang
thuciamna tawh kibang thuciam mu uh hi. Tua hi-in Pasian in Israel mite tawh
thuciam a bawl ciangin amaute theih ngei lo, amaute tel loh thu hi
lo hi, cih kimu hi. Thuciam zui uh hi leh a ngah ding uh thupha a theih mah bangin
ciampel uh hileh a thuak ding uh gimnate zong mukhol uh hi.
Khristian
nuntakna-ah koi bangin thuciam tawh kipawl thupha ahi keileh hamsiatna na tuak
hiam?
THURSDAY | December
31
Thusia-hil Itna la (Isa. 5:1–7)
Isa.
5: 1-7 sung a itna la kammalte ngaihsun in.Hih thugentehna in bang hong hilh
hiam?
_________________________________________________________________
Pasian
in tua leenggui thugenteh a deihna Isa. 5:7 in hong hilh hi.Pasian in tua
thugentehna tungtawnin Israelte in a dinmun uh kiphawk a, Ama kiang zuan ding
deih hi. Pasian in thugentehna zangin Kumpi David thuhilh hi (2Sam. 12: 1-13)
Hih
la tungtawnin Pasian in A mi Israelte tungah a itna pulaak hi. Tua itna hang
bek mahin Pasian in A mite tawh kizopna nei hi (1 John 4:8). Pasian in A mite
tung panin itna mah lamen hi. Pasian in amaute leenggah dingin lametna nei a,
ahi zongin gam leenggah gah mawk hi. Hebrew laimalah a khiatna in amaute in
Pasian mai-ah muatin namsia uh hi, ci hi.
Isa.
5:4 -5 Ka leenggui lo aa dingin ka hih nai loh ka hih ding a kilawm
bang omlai ahi hiam, cih a khiatna in bang hi ding hiam?
_________________________________________________________________
Tua
khit ciangin Pasian in “Tu-in ka leenggui lo tungah ka hih ding thu
note tungah kong gen ding hi. A gawl ka susia ding a, kituancil ding hi,” (Isa.
5:5). Mawhna i bawl khak ciangin Pasian in tha khatin Ama hong kepna
hemkhia pah lo-in hong susia pah lo hi. Mawhmai-na i ngah nadingin lungduai
takin a hong ngak tawntung hi.
(2
Pet. 3:9). Amah a va zuan mi khempeuh Pasian in a nunghei ngei kei
hi. Amah hong sapna dong dingin a hong ngak tawntung hi. Ama tungah
i nget khempeuh a hong nial pah kei hi. Bang hang hiam cihleh Amah in mawhna
tawh kidim ihihna thei-in, mawhna sungah a nungta ihihlam a thei hi. Ahi zongin
Amah i nial ciangin eima khentatna bangin hong thuaksak hi. (Mang. 21 22:11).
Pasian in Kha Siangtho tungtawnin a hong sapna nial tawntung hi lehang, i
mawhlam phawk lo-in a kisik thei lo i suak ding hi (Matt. 12:31, 32). Khrih
kiang pan paikhiatna in lauhuai hi (Heb. 6: 4-6). Pasian in na
khempeuh bawl thei hi; ahi zongin mihingte deihtelna, khentatna bangin hong
omsak hi.
Pasian
in Amah leh amah hong kipia-in mihingin hong nungta a, Ama thukham palsatin,
eite mawhna thaman a hong piaksak dingin Singlamteh tungah a hong kipiakna
siksanin “ Ka leenggui tungah ka sep ding bang omlai ahi hiam? (Isa. 5:4) cih
thu ngaihsun in. Pasian in tua sangin a lian zaw a hong piak ding bang a om
ding hiam? Koi bangin Singlamteh in Ama hotkhiatna sungah lungmuanna hong
guanine mawhna hong kisiksakin, nunzia a hong khel hiam?
FRIDAY | January 1
Sinbeh Ding: Isaiah 1:4, Ellen White wrote: “Pasian mite in a Topa
uh nusia-in a om uh ciangin amaute theihna in kisia-in amaute pilna mangthang
hi. Amaute in khuamuhna nei nawn lo uh hi; mawhna sung pan suahtakna ngah
ahihlam uh mangngilh uh hi.Amaute in khuamial sungah mangthang uh hi. Amaute in
suahtakna, lungmuanna leh lungnopna khempeuh tawh a kigamla uh hi. Amaute in
amau ngaihsutna zui-in nungta uh a, Pasian makaihna langpanin amaute hai-na,
lungkhauhna tung mahah a kinga uh hi. Tua bangin mawhna sungah kia
semsem uh hi. Amaute in Pasian zia le tong tawh kisai Satan zuaukhemnate um uh
a, Pasian in hehpihna nei lo-in mawhna maisak lo hi, ci-in um uh hi. The SDA
Bible Commentary, vol. 18 4, p. 1137.
Kikup Ding Dotnate
1. Koi
bangin “Nang mah in kisawpsiang ding na hiam? Hih in bang a khiatna nei
hiam? Phil. 2:12, 13.)
2. Koi bangin
Jesuh in itna pulaak leenggah thugentehna hong hilhhiam? Matt. 21:33–45, Mark
12:1–12; Luke 20:9–19. Seventh-day Adventist thu-um mite aa dingin bang hong
hilh hiam?
3. Bangci-in
mawhmaisakna leh kipuahphatna in kizopna nei hiam? I nuntakna sungah koi zaw
masa hiam? Mawhmaisakna khitteh kikhelna maw, ahih keileh
kikhelna khitteh mawhmai-na maw? Bang hangin a masa zaw i theih ding
thupi hiam?
4. A tung-a a
kipulaak Ellen G. White gen bangin “Mite in Pasian lamlahna langpang uh
hi” cih thu in bang khiatna nei hiam?
Tomkaihna: Pasian mite in Amah a mangngilh uh ciangin amaute in Pasian
thuphate tungah lungdam thei lo uh hi. Pasian leh amaute kikaal thuciamna a
phawk ding uh gen kikkik hi. Pasian in Ama hehpihna siksanin a mite mawhna
pulaakin, Ama kepna a nusiat uh ciangin amaute thuak ding gimnate zong a
vauhilhkhol hi. Amaute gim thuakna panin damna ngah dingin Amah va zuan dingin
Topa in amaute a sam tawntung hi.
