A Hau Khangno In Pasian A Masak Loh Manin
Na khempeuhah Pasian hamsat ding hamsa hi. A hau khangno nunzia in i nunzia ding tampi hong hilh hi lo hiam?
Jesuh
in a hau khangno khat tawh kimuh ciangin a hau khat in Jesuh nungzuite lakah
kihel dingin lamen ding uh hi. A hi
zongin a sawt lo-in mihau pa in a neihsateng zuakin mizawngte huhin Jesuh
nungzuin dingin sapna a ngah ciangin bang thu piang hiam? Jesuh in tua pa
tungah “ kicintakna na deihleh na neihsa khempeuh zuak inla, mizawngte huh in.
Tua khit ciangin ka nung hong zui in, ci-in sam hi. Ahi zongin tua mipa in hih
thu a zak ciangin maikhingsa-in a paikhia hi. Tua khit ciangin Jesuh in a nungzuite
tungah “ A mantakpi kong cihin sumhaute in vantung gam a lut ding uh hamsa hi.
Ka hong gen kikin ah sumhau khat in vantunggam a lut ding sangin sa-ngawngsau
khat in phim bil vang sung a lut ding baihzaw ding hi, ci hi. A nungzuite in
hih thu a zak uh ciangin lamdangsa-in, kua in hotkhiatna sung tung zo ding
hiam? ci-in Jesuh dong uh a, Jesuh in Pasian in sep zawh loh a nei kei hi,
ci-in a dawng hi (Matt. 19: 21 – 26).
A hau khangno in hotkhiatna ngah lo-in
Pasian tawh kizopna taktak thei lo hi. Mihing leh Pasian in pumkhat suakin
nopna kicing tawh nungta thei hi (shalom) cih thu thei lo hi.
Neih leh lamh a nei mi khat in tua nate
limtak kemcing ding masuan nei a, kuama suksiat
theih loh dingin kemcing hi. Van
le nate hauhna in hong khamuangsak thei hi. Tua bang hauhna in Topa kiang pan
thupha hi. Ahi zongin eima thalawhsa bangin i nagihsut ciangin nuntak bitna
hong pia thei hi. Eima sepsa bangin ngaihsunin kuamah huh lo dingin i ngaihsut
khak ciangin tua in samsiatna suak hi.
A hau tangvalpa in hauhna masak hi.
Jesuh in tua bang amuh ciangin a khitui luang hi. Hotkhiatna nusia-in neih le
lamh tungah kinga hi. Pasian masak mi khat in neih le lamh a nihna ah koih
hi. Lungsim tak tawh piakna in Pasian
masakna khat hi. A hau tangval khat in Pasian a masak ding nial hi. Tua hangin
gimna lianpi thuak hi.
Pasian hong itna in Amah masak ding
hongkai hi.
