Lucifer in Pasian a Masak Lohmanin
Na khempeuhah Pasian i masak ding hamsa hi. Pasian a masak lo Lucifer nunzia in a hong hilh om hi lo hiam?
Khat veivei ciangin na khempeuh kicing
thakin i neih hun ding kingak kha thei hi; tuahphat hun ciangin sawmah khat leh
sumpite tungah citak ding kingaihsun kha hi.
Kim le paam hoih khat hileh ci-in Pasian masak ding hamsa lo dingin i
ngaihsun hi. Sum le paai tuahphat ciangin Topa masak ning ci-in a hun sottoto
kha hi hangh. Pasian tawh kinai zaw hi leng, ci-in tu-in kipat khiat ding
kingaihsun lo hi.
Kicinna khempeuh tawh kidimna munah
vantungmite in Pasian bia uh hi; Amah tawh nisim maitang kimu thei uh hi. Tua bangin na khempeuh kicinna munah mihing
in Pasian tungah citak zo tuan lo hi. Bang hang hiam cihleh mihing in eima
deihtelna leh khentatna bangin a gam ihi hi.
Lucifer in Pasian masak ding ut lo hi;
amah leh amah kiliansakm, kipha sak hi. Kiliansak kiphasak ahih manin Pasian a
masak ding dal hi. Amah leh amah pasian
suaknuam hi. Ama phuahtawm thukhun bawl
hi. Pasian lo-in suahtakna om hi, ci-in tangko hi. Sawmah khat leh sumpite ah
Pasian i masak ding kisam hi. Huaihamna leh angsung in Pasian masak ding hong
khaktan hi. Pawlpi sangin eite in sum
kisam zaw-in i ngaihsun hi. Pasian in sum kisam lo hi. Pawlpi in zong sum kisam
hi lo hi. Pasian hong piak sum le paaite limtak a zangsiam ding na hi hi.
Pawlpi leh Pasian in nangma sumpi a
deihlua hi lo hi. I piak ciangin angsung, huaihamna tungah zawhna i ngah nading
hi zaw hi. Sawmah khat leh sumpite in kiniamkhiatna hong hilh uh hi. Pasian in
Pasian hi; mihing in mihing ihihlam i phawk ding kisam hi. Eite hamphat nading
bek mahin Pasian in sawmah khat le sumpite hong ngen hi zaw hi. Sawmah khat leh
sumpi khiatna in huaihamna, angsung zonna hong zawhpih ding hi.
Nate kicin na ngak leh Pasian a masak
ding a nial na suak ding hi. Pasian in Ama tungah ki-ap ding leh vantung
kongkhakte a hong hon dingin kamciam hong pia hi.
Lucifer in Pasian a masak ding nial
ahih manin leitung leh a sung a om khempeuh in siatna sung i tung hi. Pasian
hong itna in na khempeuhah Amah i masak ding hongkai hi.
Lucifer siatna phawk inla, na
nuntakna-ah Pasian masak in.
