Laodicean pawlpi in Pasian A Masak loh manin
Pasian i masak ding hamsa hi. Laodicea pawlpi tungtawnin zuih ding leh pelh ding thu om hi lo hiam?
Laodicea
pawlpi in Pasian a masak ding uh hamsasa uh hi. Amaute in Pasian nial ngei lo
uh hi.Ahi zongin amaute nuntakna-ah Pasian masak lo uh hi. Jesuh in amaute
nunzia pen lumlah lum lo, sa lah sa lo a om uh mawhsak hi. “ Laodisa khua
pawlpi vantungmi kiangah lai gelh inla,
thuman le citakin teci a pang, Pasian
piansakte khempeuh a kipatna ahi hi. Amen thugen in. Laodisia khua pawlpi vantung
mi kiangah lai gelh in la, thuman leh citakin teci a pang, Pasian' pian'sakte
khempeuh a kipatna ahi Amen' thugen in: Note' gamtatnate ka thei a, vot lah vot
vetlo, sa lah sa vetloin na omna uh zong ka thei hi. A vot na hih kei uh leh a
sa hi vet le uh cin ka ut hi. Ahi zongin note pen vot lah vot vetlo, sa lah sa
vetloin a laklawhin om na hih manun ka kam sung panin ka hong siakhia ding hi.
Note a zawng, a mittaw, puansilh ding a neilo, a hehpihhuai, a lungkhamhuai na
hih lamtak uh theiloin, kote hau-in ka cithei uh a, bangmah kisapna ka nei kei
uh hi, na ci uh hi. Tua ahih manin na hauhtheihna dingun kei kiang panin kham
citak hong lei-in a zumhuaipi-in guaktanga na omna uh na kiselna dingun puanpak
hong lei un la, khua na muhtheihna dingun mit zatui hong lei un. Ka it mite
thuhilhin ka taii hi. Tua ahih manin lungsim tak tawh na mawhna panun kisik kik
un. Kongkhakah dingin kong ka hong kiu hi. Ka aw za-in kong hong honte kiangah
lutin an ka nekhawm ding uh hi. Keimah zong gualzo-in ka Pa' tokhomah ka
tutkhawm uh mah bangin a gualzote khempeuh zong kei tawh ka tokhom tungah hong
tutkhawm theihna dingun thu ka pia ding hi. Tua ahih manin zakna ding bil a
neite in Kha Siangtho in pawlpite kiangah a gen thute na za un, ci-in gen in,”
a hong ci hi (Mang 3:14–22).
Pasian in i zia le tong i lungsim puak
khempeuh thei khin hi. Amah in i lawpsapna, i zawhnate zong thei hi. I
kineihkhemnate zong aman thei hi. Ama mai-ah a kisel thei bangmah a om kei hi.
Tua manin Pasian in eite hong nawlkhin lo
hi. Jesuh in ni khat khit ni
khat, kha khat khit kha khat, kum khat khit kum khat i lungsim kongkhakah
dingin kong hong kiu tawntung hi. A hong
lut dingin kongkhak i hon ciangin na khempeuhah Pasian i masak ding hamsa lo
hi.
Laodicea pawlpi in Pasian a masak ding
uh nial hi. Tua manin amau bek tham lo-in a kim le paamah om mite in gimna
thuak uh hi. Pasian hong itna in na
khempeuhah Amah masak dingin hongkai hi. Laodicea dinmun i tun loh nadingin
Jesuh na sungah nungta sak in.
