Ananias leh Sapphira in Pasian a Masak Loh Manin
Na khempeuhah Pasian i masak ding hamsa hi. Ananias leh Sapphira in a nuntak uhah Pasian a masak lohna hangun a thuak uh siatnate in bang hong hilh hiam?
Ananias
leh Sapphira nupate in Pasian masak ding ngaihsun uh hi. Jesuh um uh hi. Kha
Siangtho tawh kidim kiphum ngei khin uh hi. Ahi zongin Ananias leh Sapphira in
Pasian kamciamte muangzo taktak lo uh hi. Amasa-in a neihsa uh zuakna panin a
ngah sum khempeuh pia dingin pulaak uh hi. Hih pen piaknopna lungsim tawh a
ngaihsut uh hi; Pasian tungah piak ding sawmah khat sangin picing zaw
ngaihsutna khat hi. Leitang a zuakma-un tua bangin ngaihsun uh hi. Ahi zongin
kim le paam panin huzaap tuamtuamte hangin a neihsa khempeuh uh zuakin a ngah
khempeuh uh sawltakte ap uh amuh uh ciangin hih nupate in zong a neihsa
khempeuh uh zuakin sawltakte ap ding ngaihsun nawn lo-in huaihamna in hong
ukcip hi. A neihsa zuakma-uh a lungsim puak bang nawn lo-in tu-in a khut sungah sum tampi hong tunteh huaihamna
hangin sihna thuak uh hi. Amaute ngahna sangin a tawmzaw ngah bangin pulaak uh
hi. A tawpna-ah a nihun sihna thuak uh hi. Bang hangin Pasian in tua bangin
khauhtakin sihna pia hi ding hiam? Sihna tunzah dongin sum in vangliatna nei
hiam?
Pasian
in thumanna leh cihtakna thupisak hi. Tuni-in zong Ananias leh Sapphira mah
bangin sawmah khat leh sumpite tungah thumanin cihtakna kisam hi. Kha sialin sawmah
khat leh sumpi khia hamtang ding cih kamciam piak a kul hi lo hi. Ahi zongin
kamciam i piak leh kamciam tangtunsak ding kisam hi.
A beisa hunin kamciam pelhkhak a om
hiam? Ei le ei kikhem lo-in Pasian tungah zong zuau loh ding kisam hi. Kamciam tungah cihtak ding kisam hi. Ananias leh
Sapphira in Pasian masak lo uh hi. Tua hangin sihna dong tuak uh hi.
Pasian hong itna in Amah masak ding
hongkai hi.Anainias leh Sapphira tungtawnin pelh ding thu i thei hi.
