William Miller in Pasian a Masak Manin
Miller
in thuman mi khat hi-in, hun khatlai-in Lai Siangtho in thuman hi, cih
um zo lo hi. Amah pen galkap khat hi-in gal sung panin a ngaihsutna hong kikhel hi. Leitung nate in
amau tat zia ding khat nei a, bang hangin ka gei ah puakkham bomb panin suakta
thei hi ding ka hiam ci-in ngaihsun hi. Tua a kipan Lai Siangtho sim kipan hi. A
teenna Whitehall, New York Lai Siantho sin kipan a, ni khat khit ni khat a
banbanin simto ciatciat hi. Lai Siangtho vial khat a sim zawh nadingin kum nih
sawt hi. 1816 panin 1818 sungtengin
Jesuh Khrih a itna hangin a hun neih khempeuh Lai Siangtho simna-in zang hi.
A
thupi mahmah amuh khiat thu in 2300 genkholhna thu hi (Daniel 8:14). Hih
genkholhna in 1843 ahih keileh 1844 kumin a piang dingin cih thei napi,
thuhilhsia khat hi lo ahih manin a pulaak nuam kei hi. Ahi zongin Kha Siangtho
sawlna ngah a kitelcian nadingin liim khat ngen a, tawl khat khit ciangin mun
dang khat pan mi khat hong pai-in, na muh khiat thu hong hilh in, ci-in tua
mipa in a dot takcingin, Miller in hih thu pen Pasian hong piak takpi hi ding
hi, cih theitel hi.
Tua
bangin thuhilh dingin a kisawl ciangin a hehsuak hi. Ahizongin ama kamciam
bangin Miller in amuh khiat thu hilh pah hi. Pasian in hih leitung nusia lo
dingin a sawt lo-in na lianpi khat sem ding hi, ci-in tangko hi. October 22,
1844 hong tung ciangin mi tampi in Jesuh hong pai dingin lamen uh hi. Ahi
zongin Jesuh hong pai lo hi. Tua hun a kipan Jesuh in vantung biakbuk siangtho
bel sungah siampi nasep kipan hi. Tua a
kipan thu-um mi pawl khat kikaikhawm uh a, Lai Siangtho genkholhnate encian kik
uh a, tua panin Seventh-day Adventist thu-um hong om a, hotkhiat lungdamna thu
leh Jesuh hong kumkik baih nading hilhin
tu-in kum 200 a cing hi ta hi.
Miller
in nadangte sangin Pasian masak zaw ahih manin lamet bei mi tampi in lametna
tawh nungta thei hi.
Jesuh
in eite a hong hotkhiat nadingin na khempeuh nusia hi. Miller bangin nang le
kei in zong Pasian i masak ding kisam hi.
