Waldense-te in Pasian a masak manun na khempeuh sumh
Waldernse-te in sihna a thuak dongun Pasian masak uh hi. Amaute nunzia en lehang i nuntakpih ding thu tampi kimu thei hi.
Kum zalom 12 kimlai-in Roman Catholic
Pawlpi in pawlpi mite in Lai Siangtho
sim ding leh Lai Siangtho bu neih ding phal lo uh hi. Pawlpi thu leh a
diakdiaki pope thupiak a nial peuhmah in bawlsiatna thuak uh hi. Lai Siangtho
sung a kigen mah bangin papacy in sapi taktak hi.
Hih
Khuamialpi hun sungin Peter Waldo in a neihsa khempeuh mi huh nadingin
pia khia hi. Piantit gam panin thuhilh hong kipan a, leitung van le nate itna
nusia-in Lai Siangtho hong hilh bangin nungta dingin thuhilh kawikawi hi. A
bangin a nasepna lianpi khat in mikim in amau pau ciat tawh Lai Siangtho bu
neih zawh ding lunggulhna lianpi nei hi.
1179 kumciangin Waldo leh a lawmte khat
in Rome ah va pai uh a, Alexander the Third leh Roman Curia in limtak na
vaidawn hi. Pawlpi makai thum tawh kimu- in pawlpi thukhun limtak hilh uh hi.
Waldo leh a lawmpa in Lai Siangtho hawmkhiat ding a nget pen pawlpi in phal
lo-in Third Lateran Council in nial hi. Waldo leh a pawlte in khua khat khit khua khatah pai
uh a, a simthamin biakpiakna nei uh hi; amau pen Waldensians ci-in kiciamteh hi.
Pasian tungah mawhsutna leh biakpiakna nei uh hi.
Tua bangin Waldensian thuhilhsia khat
pen barba ci-in minvawh uh hi. Thu-um
mite in tua bangin kawnvak sia barba kitangsap bangbang pia uh hi. Pawlpi makaite theih lohin vakin biakna pia
uh hi.
A
neihsate uh nusia-in gam simtham beel uh hi. Lai Siangtho sim, kantel uh a,
khat le khat kihilh uh hi. Amaute in khuamial sung a khuavak hong suak uh hi.
Amaute tungtawnin pawlpi kipuahphatna lianpi Protestant Reformation hong
piangkhia hi. Amaute in si le sa deihna nialin Pasian gam aa ding masak pen uh
hi.
Hun
nunung aa dingin thuman sungah a cianlai mite ihi hi. Lai Siangtho tawh nungta-in
Pasian leh Ama gam masak tawntung ding ihi hi. Waldensiante in Pasian masak uh
a, tua hangin na khempeuh sumh ngam uh hi. Jesuh in eite a hong hotkhiat
nadingin na khempeuh nusia hi. Ama hong itna in Amah leh a gam masak ding
hongkai hi.
