William Tyndale in Pasian a Masak Manin
Kum zalom 16 sungin Roman Catholic Pawlpi in pawlpi mite in Lai Siangtho a sim ding uh phal lo hi. Pawlpi leh pope thuneihna a nial peuhmah in bawlsiatna thuak uh hi. Lai Siangtho genkholh bangin papacy in sapi hi takpi hi.
Hih
khuamial hun sungin William Tyndale in thuman khuavak puak kawikawi-in Manglai
tawh kigelh Lai Siangtho bawl hi. Tyndale teikhiat Lai Siangtho in Hebrew leh
Greek panin a kitei khia masa penpen Lai Siangtho bu hi-in, Manglai tawh teikhia hi. Tua bangin Lai
Siangtho a teikhiat manin pawlpi in deih lo hi; pawlpi mite in Lai Siangtho
thuman thei zo lo uh hi; pawlpi makaite in a hilh kul hi, ci uh hi.
Tua
bangin pawlpi langpanna a thuak ciangin Tyndale in England gam panin paikhia-in
Flemish gam a om Catholic Emperor Charles the Fifth kiang va zuan hi. Kum 1535,
cianginn Tyndale in mat le hen thuakin Vilvoorde (Filford) kulhpi, Brussels
khua pua-ah kum khat val khumcipna thuak hi.
Kum 1536 ciangin pawlpi bawlsiatna thuakin a hingtang in meikhuk sung
kihaltumna thuak hi. A sih madeuhin a
thunget in England kumpi in thuman a muh nadingin thungetsak hi.Ama thungetna
Pasian in dawng a, ama sihkhit a sawt lo-in England kumpipa mintap dingin King
James Lai Siangtho hong piangkhia hi.
Lai Siangtho hangin Europe in gam
khangto hong suak hi. Tyndale in mikim sim theih dingin Lai Siangtho a hong
teikhiatna hangin leitung in kikhelna mu hi.
Mi khat peuh in Lai Siangtho a theihtel
nadingin a huh dingte ihi hi. Lai
Siangtho in Jesuh sungah suahtakna, damna, lametna hong guan hi. Sawmah khat
leh sumpi tungah cihtakna a om ciangin vantungmi thumte thupuak nasepna sungah a kihel ihi hi.
Leitung in a theih ding thuman i nei
hi. Na khempeuhah Pasian i masak ding kisam hi.
I kim le paam ah om mite in Pasian hong itna a theih nadingun hun, van
le nate tawh nasem ding ihi hi. Tynadale in Pasian a masakna hangin a nuntakna
beilawh hi. Jesuh in eite a hong hotkhiat nadingin a nuntakna hong pia hi.
Pasian hong itna in Amah leh A gam masak dingin hongkai hi.
