Martin Luther in Pasian A Masak Manin
Kum zalom 16 sungin Roman Catholic
Pawlpi in pawlpi in hotkhiatna hongpia
hi, ci-in hilh hi. Pawlpi leh pope thuneihna a nial peuhmah in bawlsiatna thuak
uh hi.
Lai Siangtho hilhkholh bangin papacy in
sapi takpi hi. Hih khuamial hun sungin Martin Luther in Roman Catholic siampi
lian khat hi. Lai Siangtho a simna tungtawnin mimal khat ciat in, mihing palaai
kisam lo, Pasian kiang va zuan thei hi, cih thu mu khia hi. Amuh khiat thuman siksain Pawlpi thuhilhna
nial hi. Tua hun a pawlpi makai in Pope Leo the Tenth hi-in amah sangin thunei
zaw kuamah om lo hi.
Luther in gamtatna tawh tawntung nunna
kingah thei lo hi; hotkhiatna in Pasian hong piakkhong hi; Jesuh Khrih sungah
upna i neih ciangin tua hotkhiat ngah ihi hi, ci-in a hilh ciangin pawlpi
makaite heh uh hi. Ama thuhilh in pawlpi thuneihna leh pope langdo hi.
Lai Siangtho bek in pawlpi tungah
thunei ding a, thu-um mimal khat ciat in tui kiphum a, siampi hi, ci-in a hilh
manin Roman Catholic Church leh Roman Emperor bawlsiatna thuak hi. Bawlsiatna a
thuak hangin Pasian a masak nusia tuan lo hi. A upna nusia ngei lo hi. Ama la
phuah khat in “Muanhuai Kulhpi Nuai-ah” cih la phuak hi. Pasian Kammal in
leitung kumpite tungah ukna nei hi. Kha Siangtho leh silpiak tuamtuamte in Topa
hong piak hi a, eite tawh a hong omkhawm ahi hi. Thuman leh thu hoih tonkhawm
hi. Ukna neite in mihing pumpi that thei
a, Pasia thuman in ahihleh kuamah in a susia zo kei ding hi. Ama gam in a kip
tawntung hi. Martin Luther in sihna dong a thuak hangin Pasian a masak ding
nusia ngei lo hi. Ama upna in eite tha hong guan hi. Jesuh in eite a hong
hotkhiat nadingin na khempeuh nusia hi. Pasian hong itna in Amah i masak ding
hongkai hi.
