John Huss in Pasian A Masak Manin
Kum zalom 14 sungin Roman Catholic
Pawlpi in a pawlpi mite tungah a site hell sung pan a suah tak nadingun sumpi
pia un, ci-in sawl uh hi. Pawlpi leh pope thupiak a nial peuhmah in bawlsiatna
thuak uh hi. Lai Siangtho gen bangin papacy in sapi taktak hi.
Hih
khuamial hun sungin John Huss in Prague khuapi Czech
Republic gamah thuhilh hi. Pasian
kammal thuman pulaak hangtakin pulaak hi. A teenna gam panin hawlkhiat thuak
taleh Pasian mah masak tawntung hi. Council of Constance kikhoppi a tun ciangin
Huss in ama upna thu pulaak hi. Tua
munah mat le hen thuak pah hi. Lai
Siangtho thuman a gen thute khel kik dingin thu kipia a, John Huss in mangnuam
lo hi. “ Hih golpi cia pha kham leh ngun nong pia uh zongin thuman thutak ka
nusia kei ding hi, ci hi. Pawlpi makaite thupiak nial ahih manin thongkia
hi. July 6, 1415 ciangin Catholic Pawlpi
langpangpa ci-in mei tawh kihaltumna thuak hi. Tua bangin mei tawh kihalna a
thuak laitak mah in Late sunga late sa kawmkawmsa-in a nuntakna bei hi.
Tu-in
mi tampi in thuman nial uh hi. Thuman a nusia dingin lampi tuamtuam in hong zol
thei ding hi. Thuman thumanah citak
dingin Pasian in hongsam hi. Tua bangin thumanah cihtakna in bawlsiatna leh
sihna dong hong tun thei hi. Si le sa deihna nialin Kha Siangtho hong makaihna
tawh kidim nadingin na khempeuhah Pasian na masak ding kisam hi.
Jesuh a it mi tampite in nate nusia-in
a kipiakna uh hangin tu-in eite in thuman mu thei ihi hi. Amaute hanciamna
hangin hotkhiatna thu a za ihi hi. Tu-in eite in zong Pasian leh Ama nasepna i
masak tawntung ding kisam hi. John Huss
in a nuntakna-ah Pasian masak hi; na khempeuh nusia hi. Amah bangin Topa a
masak ding ihi hi. Pasian hong itna in Ama aa ding masak dingin hongkai hi.
